ପାଟନା, ୪।୯ : ବିହାରର ମାଧେପୁରାରୁ ଏଭଳି ଏକ ମାମଲା ସାମ୍ନାକୁ ଆସିଛି ଯାହାକୁ ନେଇ ସ୍ଥାନୀୟ ପୋଲିସ ବିଭାଗ ଅସୁବିଧାରେ ପଡ଼ିଛି। ଜିଲାର ଏସ୍ପିଙ୍କ ମୋବାଇଲ ଫୋନ କଲ୍ଗର୍ଲ ଯୋଗାଉଥିବା ଜଣେ ମହିଳାଙ୍କ ନିକଟରୁ ଜବତ କରାଯାଇଥିଲା। ଏହା ପରେ କୌଣସି ଅଧିକାରୀ ଏ ବିଷୟରେ କିଛି କହିବାକୁ ମନା କରୁଛନ୍ତି। ଏଥି ସହିତ ମାଧେପୁରା ଏସପି କହିଛନ୍ତି ଯେ ସେ ଏବେ ଛୁଟିରୁ ଫେରିଛନ୍ତି। ତାଙ୍କ ଅନୁପସ୍ଥିତିରେ କ’ଣ ଘଟିଛି ସେ ବିଷୟରେ ଅବଗତ ନୁହଁନ୍ତି।
ଏଥିସହ ମହିଳା ଜଣକ ଦାବି କରିଛନ୍ତି ଯେ ସେ ଅନେକ ପୋଲିସ କର୍ମଚାରୀଙ୍କୁ କଲ୍ଗର୍ଲ ଯୋଗାଉଛନ୍ତି। ତାଙ୍କ କହିବାନୁସାରେ, ସେ ଜଣେ କଲ୍ଗଲଙ୍କୁ ମାଧେପୁରା ସଦର ଡାକ୍ତରଖାନା ସମ୍ମୁଖରେ ଥିବା ଡିଏସପି ମୁଖ୍ୟାଳୟର ବାସଭବନକୁ ପଠାଇଥିଲେ। ଯେତେବେଳେ ସାହେବ କମ ଟଙ୍କା ଦେଲା, କଲ୍ଗର୍ଲ ଜଣଙ୍କ ମୋବାଇଲ ଚୋରି କରି ଥିଲା।
ସୂଚନା ଅନୁଯାୟୀ, ମାଧେପୁରା ଏସପି ରାଜେଶ କୁମାର ୨୫ ରୁ ୩୧ ଅଗଷ୍ଟରେ ଛୁଟିରେ ଥିଲେ। ଏହି ସମୟରେ ହେଡକ୍ୱାର୍ଟର ଡିଏସପି ଅମରକାନ୍ତ ଚୌବେଙ୍କୁ ଏସପି ଦାୟିତ୍ୱ ଦିଆଯାଇଥିଲା। ମହିଳା ଦାବି କରିଛନ୍ତି ଯେ ଏହି ସମୟ ମଧ୍ୟରେ ସାହବ ଜଣେ କଲ୍ଗର୍ଲଙ୍କୁ ତାଙ୍କ ବାସଭବନକୁ ଡାକିଥିଲେ। କାମ ସରିବା ପରେ ସେ ଟଙ୍କା ଦେଇ ନଥିଲେ, ଯାହା ପରେ କଲ୍ଗର୍ଲ ଜଣଙ୍କ ତକିଆ ତଳେ ରଖାଯାଇଥିବା ମୋବାଇଲ ନେଇ ଆସିଥିଲା।
ମାଧେପୁରା ଏସ୍ପି ରାଜେଶ କୁମାର ଛୁଟିରେ ଥିଲେ। କୌଣସି କାରଣରୁ ଡିଆଇଜି ଶିବଦୀପ ଲାଣ୍ଡେ ଏସ୍ପିଙ୍କ ନମ୍ବରକୁ କଲ୍ କରିଥିଲେ। ତେବେ ଫୋନ ସୁଇଚ ଅଫ ଥିବା ଜଣା ପଡ଼ିକଲା। ଏହା ପରେ ସେ ଫୋନ ନେଇ ସର୍ଭେଲାନ୍ସ୍ କରାଯାଇଥିଲା। ଫୋନ ସାହାରାସାରେ ଥିବା ପୋଲିସ ଜାଣିବାକୁ ପାଇଥିଲେ। କାର୍ଯ୍ୟାନୁଷ୍ଠାନ ଗ୍ରହଣ କରି ସାହାରାସାରୁ ଫୋନ ଜବତ କରାଯାଇଥିଲା ଏବଂ ମହିଳାଙ୍କୁ ମଧ୍ୟ ପଚରାଉଚରା କରାଯାଇଥିଲା। ମହିଳା ଜଣକ କହିଥିଲେ ଯେ ସେ କଲ୍ଗର୍ଲ ଯୋଗାଉଛନ୍ତି। ସେ କଲ୍ଗର୍ଲମାନଙ୍କୁ ବଡ ବଡ ସରକାରୀ ତଥା ବେସରକାରୀ ଅଧିକାରୀଙ୍କ ନିକଟକୁ ପଠାନ୍ତି ।
ମହିଳା ଜଣକ କହିଛନ୍ତି ଯେ ସେ କଲ୍ଗର୍ଲଙ୍କୁ ଏକ ଘଣ୍ଟା ପାଇଁ ଅଧିକାରୀଙ୍କ ନିକଟକୁ ପଠାଇବା ପାଇଁ ୩୦୦ ଟଙ୍କା ଏବଂ ତା’ଠାରୁ ଅଧିକ ସମୟ ଲାଗି ୫୦୦ଟଙ୍କା ନେଇଥାନ୍ତି। କିନ୍ତୁ ସାହେବ ଅନେକ ଥର କମ ଟଙ୍କା ଦେଇଥିଲେ। ତେଣୁ କଲ୍ଗର୍ଲ ଜଣଙ୍କ ଫୋନ ଚୋରି କରିଥିଲେ। ତେବେ ଏହାକୁ ନେଇ ରାଜ୍ୟ ପୋଲିସ ବିଭାଗରେ ଚର୍ଚ୍ଚା ଆରମ୍ଭ ହୋଇଛି। ଡିଆଇଜି ଏହାର ତଦନ୍ତ ଲାଗି ନିର୍ଦ୍ଦେଶ ଦେଇଛନ୍ତି।
