ଭୁବନେଶ୍ୱର,୧୮ା୧୦(ବ୍ୟୁରୋ): ବରମୁଣ୍ଡା ବସ୍ଷ୍ଟାଣ୍ଡ୍ରେ ଦାଦାବଟି ଆଦାୟ କରୁଥିଲେ ଖୋଦ୍ ବସ୍ ମାଲିକ। ଏହା କମିଶନରେଟ ପୋଲିସର ନଜରକୁ ଆସିବା ପରେ ଆଣ୍ଟି-ଏକଷ୍ଟର୍ନଶନ ଟାସ୍କ ଫୋର୍ସ ଉକ୍ତ ବସ୍ ମାଲିକ ଭରତ ପ୍ରଧାନଙ୍କ ସମେତ ୪ ଜଣଙ୍କୁ ଗିରଫ କରିଛି। ଅନ୍ୟ ୩ଜଣ ହେଲେ ଦୀପକ ବେହେରା, ଅଶୋକ କୁମାର ସ୍ବାଇଁ ଓ ସୌମ୍ୟରଞ୍ଜନ ପ୍ରଧାନ। ଖଣ୍ଡଗିରି ପୋଲିସ କେସ୍ ନଂ-୪୪୯/୨୦ ରୁଜୁ କରି ସେମାନଙ୍କୁ କୋର୍ଟ ଚାଲାଣ କରିଛି। ଏଥିସହ ସେମାନେ ବ୍ୟବହାର କରୁଥିବା ଏକ ବୋଲେରୋକୁ ମଧ୍ୟ ଜବତ କରାଯାଇଛି। ପୋଲିସ ସୂଚନାନୁସାରେ, ଭରତ ଓ ଅନ୍ୟ ଅଭିଯୁକ୍ତଙ୍କ ନାଁରେ ରହିଛି ୧୦ରୁ ଊର୍ଦ୍ଧ୍ୱ ବସ୍। ସେମାନେ ବରମୁଣ୍ଡା ବସ୍ଷ୍ଟାଣ୍ଡ୍ରେ ନିୟମିତ ଦାଦାବଟି ନେବା ସହ ଅରାଜଗତା ସୃଷ୍ଟି କରୁଥିଲେ। ଆସୋସିଏଶନ ବ୍ୟତୀତ ଅନ୍ୟ କୌଣସି ବସ୍ ଷ୍ଟାଣ୍ଡ୍ରୁ ବାହାରିଲେ ୨ହଜାର ଟଙ୍କା ଓ ଶିଟ୍ ପିଛା କମିଶନ ମାଗୁଥିଲେ। ଏପରି କି ବସ୍ଯାତ୍ରୀଙ୍କୁ ନାନା ଭାବେ ହଇରାଣ କରୁଥିବା ନେଇ କମିଶନରେଟ ପୋଲିସ ନିକଟରେ ଅଭିଯୋଗ ପହଞ୍ଚତ୍ଥିଲା।
