ମଦ ଦୋକାନ ପୋଡ଼ିଦେଲେ

ବାହାନଗା,୩୦ା୮(ଡି.ଏନ.ଏ.): ବାଲେଶ୍ୱର ଜିଲା ଖନ୍ତାପଡ଼ା ଥାନା ଅଧୀନ ନଇଛଣପୁର ଗ୍ରାମରେ ଖୋଲାଯାଇଥିବା ବିୟର ବାର୍‌ ଓ ମଦ ଦୋକାନ ସମେତ ମାଲିକଙ୍କ ଏକ କାର୍‌କୁ ରବିବାର ରାତିରେ କେହି ନିଅଁା ଲଗାଇ ପୋଡ଼ି ଦେଇଛି। ଏହି ଘଟଣାରେ ପୋଲିସ ୬ଜଣ ଗ୍ରାମବାସୀଙ୍କୁ ଉଠାଇ ନେଇ ଥାନାରେ ଅଟକ ରଖିଛି।
ଅନୁଯାୟୀ, ଗଁା ମୁଣ୍ଡରୁ ମଦ ଦୋକାନ ଉଚ୍ଛେଦ କରିବା ପାଇଁ ଗ୍ରାମବାସୀ କିଛି ଦିନ ତଳେ ବିଭାଗୀୟ ଅଧିକାରୀ, ଜିଲାପାଳ, ଆରକ୍ଷୀ ଅଧୀକ୍ଷକଙ୍କ ସମେତ ଖନ୍ତାପଡ଼ା ଥାନା ଅଧିକାରୀଙ୍କୁ ଲିଖିତ ଭାବେ ଜଣାଇଥିଲେ। ଗ୍ରାମସଭା ନ କରି କିମ୍ବା କାହାରି ମତ ନ ନେଇ ମଦ ଦୋକାନ ଖୋଲିବାକୁ ଅନୁମତି ଦିଆଯାଇଥିବାରୁ ଲୋକେ ବିରୋଧ କରିଆସୁଥିଲେ। ଅଭିଯୋଗ ପରେ ପ୍ରଶାସନ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିବାରୁ ଗତ ମେ ୨୮ ତାରିଖରେ ଗ୍ରାମବାସୀ ଉକ୍ତ ଦୋକାନରେ ତାଲା ପକାଇ ଦେଇଥିଲେ। ଏପରିସ୍ଥଳରେ ଦୋକାନ ମାଲିକ ହାଇକୋର୍ଟର ଆଶ୍ରୟ ନେଇଥିଲେ। ଆଦେଶ ନଂ. ୧୬୦୭୬/୨୩ା୮ା୨୦୨୨ରେ ମଦ ଦୋକାନ ଖୋଲିବା ପାଇଁ ୧କୋର୍ଟ ପ୍ରଶାସନକୁ ନିର୍ଦ୍ଦେଶ ଦେଇଥିଲେ। କୋର୍ଟ ନିର୍ଦ୍ଦେଶ ଅନୁଯାୟୀ ବାହାନଗା ତହସିଲଦାର ରାଜେନ୍ଦ୍ର ନାରାୟଣ କର ଓ ଖନ୍ତାପଡ଼ା ଥାନା ଅଧିକାରୀ ବିମଳ କୁମାର ନାୟକଙ୍କ ସମେତ ୨ ପ୍ଲାଟୁନ ପୋଲିସ୍‌ ଫୋର୍ସ ସହାୟତାରେ ତାଲା ଭାଙ୍ଗି ଦୋକାନ ଖୋଲା ଯାଇଥିଲା। ତେବେ ରବିବାର ଗ୍ରାମର ଶତାଧିକ ମହିଳା ଅଭିନବ ଢଙ୍ଗରେ ପ୍ରତିବାଦ କରିଥିଲେ। ଖୋଲା ଥିବା ବାର୍‌ ଓ ମଦ ଦୋକାନକୁ ଯାଇ ସେମାନେ ମଦ ପିଇବା ପାଇଁ ମାଗିଥିଲେ। ଆମକୁ ମଦ ନ ଦେଲେ କାହାରିକୁ ଏଠାକୁ ଛାଡ଼ିବୁ ନାହିଁ ବୋଲି ଯିଦି ଧରିଥିଲେ। ଏହାକୁ ନେଇ ମଦ ଦୋକାନ ଆଗରେ ଉତ୍ତେଜନା ଲାଗି ରହିଥିଲା ା ମାତ୍ର ବିଳମ୍ବିତ ରାତିରେ ମଦ ଦୋକାନ ଓ ବାର୍‌ ସମେତ ଦୋକାନ ସାମ୍ନାରେ ଥିବା ମାଲିକଙ୍କ କାର୍‌କୁ କେହି ନିଅଁା ଲଗାଇ ପୋଡ଼ି ଦେଇଥିଲେ। ଏ ସଂକ୍ରାନ୍ତରେ ଦୋକାନ ମାଲିକଙ୍କ ଅଭିଯୋଗକୁ ଭିତ୍ତିକରି ଖନ୍ତାପଡ଼ା ପୋଲିସ୍‌ ନଇଛଣପୁର ଗ୍ରାମର ୨ ମହିଳା ଓ ୪ଜଣ ପୁରୁଷଙ୍କୁ ଅଟକ ରଖି ପଚରାଉଚରା କରୁଛି। ଏହାର ପ୍ରତିବାଦରେ ମହିଳାମାନେ ସୋମବାର ବ୍ଲକରେ ଚାଲିଥିବା ଜନଶୁୁଣାଣି ଶିବିରରେ ଜିଲାପାଳଙ୍କଠାରେ ଲିଖିତ ଅଭିଯୋଗ କରିଛନ୍ତି। ମଦ ଦୋକାନ ମାଲିକ ଗୁଣ୍ଡା ଆଣି ଗ୍ରାମବାସୀଙ୍କୁ ଧମକ ଚମକ ଦେବା ସହ ନିଜେ ଦୋକାନରେ ନିଅଁା ଲଗାଇ ଗ୍ରାମବାସୀଙ୍କ ନଁାରେ ମିଥ୍ୟା ଅଭିଯୋଗ କରିଥିବା ମହିଳାମାନେ କହିଛନ୍ତି। ଏହା ବ୍ୟତୀତ ମଦ ଦୋକାନ ମାଲିକ ଗ୍ରାମର ଓ୍ବାର୍ଡସଭ୍ୟଙ୍କୁ ଅପହରଣ କରି ନେଇଥିବା ସମ୍ପର୍କରେ ମହିଳାମାନେ ଥାନାରେ ପାଲଟା ଅଭିଯୋଗ କରିଛନ୍ତି। ଏନେଇ ଗ୍ରାମରେ ଉତ୍ତେଜନା ଲାଗି ରହିଛି।


Enter your email to get our daily news in your inbox.

All Right Reserved By Dharitri.Com

ସମ୍ପାଦକଙ୍କୁ ବହିଷ୍କାର କରିପାରିବ କମିଟି

ଯାଜପୁର ଅଫିସ,୧୪ା୧୧: ଯାଜପୁର ଜିଲା ଧର୍ମଶାଳା ବ୍ଲକ ମହିସରା ପ୍ରାଥମିକ ସେବା ସମବାୟ ସମିତି (ପାକ୍ସ) ସମ୍ପାଦକ ଅମରେନ୍ଦ୍ର ରାଉତଙ୍କ ବିରୋଧରେ ଆର୍ଥିକ ଅନିୟମିତତା ଅଭିଯୋଗ...

ସ୍କୁଲ ମୁହେଁ ଅଁ।ଠେ କାଦୋ

  ଜାମଟିକ୍ରା, ୧୦।୯ (ଡି.ଏନ୍‌.ଏ): ବରଗଡ଼ ଜିଲା ଅତାବିରା ବ୍ଲକ ଅଧୀନ ଜାମଟିକ୍ରା ଗାନ୍ଧୀ ଏମ୍‌ଇ ସ୍କୁଲ ସାମ୍‌ନାରେ ପାଏନ୍‌ ଟୁଡ଼ି ରହିବାର ଲାଗି ଅଁାଠେ...

ଅଦିନିଆ ଝଡ଼ରେ ଉଡ଼ିଲା ସ୍କୁଲ ଛପର

କପ୍ତିପଦା,୧୪ା୩(ଡି.ଏନ୍‌.ଏ.):  ମୟୂରଭଞ୍ଜ ଜିଲା କପ୍ତିପଦା ବ୍ଲକ୍‌ ଶାଳଚୁଆ ପଞ୍ଚାୟତ ଅଞ୍ଚଳରେ ଶନିବାର ଅପରାହ୍ନରେ ଅଦିନିଆ ଝଡ଼ବର୍ଷା ହେବାରୁ ବ୍ୟାପକ କ୍ଷୟକ୍ଷତି ଘଟିଛି। ସ୍ଥାନୀୟ ସରକାରୀ ଉଚ୍ଚ...

ରେକର୍ଡ ବ୍ୟବଧାନରେ ଜିତିଲେ ସରପଞ୍ଚ, ସମିତିସଭ୍ୟ

ଝୁମ୍ପୁରୀ,୫ା୩(ଡି.ଏନ.ଏ.): ଯାଜପୁର ଜିଲା ଦଶରଥପୁର ବ୍ଲକ୍‌ରେ ପଞ୍ଚାୟତ ନିର୍ବାଚନ ଫଳାଫଳ ଘୋଷଣା ପରେ ଚମ୍ପେଇପାଳ ସରପଞ୍ଚ ଓ ସମିତିସଭ୍ୟ ପ୍ରାର୍ଥୀ ସର୍ବାଧିକ ଭୋଟ୍‌ ବ୍ୟବଧାନରେ ଜିତି...

ପୋଖରୀକୁ ଭୁଶୁଡ଼ିଲା ଗାର୍ଡଓ୍ବାଲ

ବାସୁଦେବପୁର,୩୦।୧(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକ ଅଲବଗାସ୍ଥିତ ଝାଡ଼େଶ୍ୱର ମହାଦେବଙ୍କ ପୋଖରୀ ଗାର୍ଡଓ୍ବାଲ ଭୁଶୁଡ଼ି ପଡ଼ିଛି। ଏହି ପୋଖରୀରେ ଗତ କିଛିମାସ ତଳେ ନିର୍ମାଣ ହୋଇଥିବା ଗାର୍ଡଓ୍ବାଲ...

ପାନ୍ଥିକା-ଏନ୍‌ଏଡି ରାସ୍ତା ଶୋଚନୀୟ

ସୁନାବେଡ଼ା,୧୭।୪(ସ୍ବ. ପ୍ର.): ଜନସାଧାରଣଙ୍କ ଗମନାଗମନର ସୁବିଧା ଲାଗି ରାଜ୍ୟ ସରକାର ପକ୍କା ରାସ୍ତା ନିର୍ମାଣ କରି ଏ ବାବଦରେ ବହୁ ଅର୍ଥ ବ୍ୟୟ କରୁଛନ୍ତି। ମାତ୍ର...

‘ପୋତାଧନ’ ନଁାରେ ଠକେଇ, ୩ ଗିରଫ

ବଲାଙ୍ଗୀର ଅଫିସ, ୭ା୬-ମାଟି ତଳେ ପୋତାଯାଇଥିବା ଏକ ହଣ୍ଡା ଭିତରୁ ଅସଲି ସୁନା (ପୋତାଧନ)ମିଳିଛି। ସେଥିପାଇଁ କମ୍‌ଦାମରେ ବିକ୍ରି ହେବ କହି ଜଣେ ବେପାରୀଙ୍କୁ ଠକେଇ...

ଭାଜପା ଦଖଲରେ ପରଜଙ୍ଗ

ପରଜଙ୍ଗ, ୧୩।୩(ଡି.ଏନ୍‌.ଏ.): ଦୀର୍ଘ ୨୦ବର୍ଷ ପରେ ବଦଳିଛି ଢେଙ୍କାନାଳ ଜିଲା ପରଜଙ୍ଗ ପଞ୍ଚାୟତ ସମିତିର ରାଜନୈତିକ ସମୀକରଣ। ବିଜେଡି ଗଡ଼ ଭାବେ ପରିଚିତ ଏହି ବ୍ଲକର ସମିତି...

Advertisement
Archives

Model This Week