କଟକ,୧୦।୧୨: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ଟି-୨୦ ସିରିଜର ପ୍ରଥମ ମ୍ୟାଚ କଟକର ବାରବାଟୀ ଷ୍ଟାଡିୟମରେ ଖେଳାଯାଇଥିଲା। ଟିମ ଇଣ୍ଡିଆ ଏହି ମ୍ୟାଚ୍ରେ ଦକ୍ଷିଣ ଆଫ୍ରିକାକୁ ୧୦୧ ରନ୍ରେ ପରାସ୍ତ କରି ସିରଜ୍ରେ ୧-୦ରେ ଅଗ୍ରଣୀ ହାସଲ କରିଥିଲା। ପ୍ରଥମେ ବ୍ୟାଟିଂ କରି ଭାରତୀୟ ଦଳ ଦକ୍ଷିଣ ଆଫ୍ରିକା ଦଳ ପାଇଁ ୧୭୬ ରନ୍ର ଲକ୍ଷ୍ୟ ଧାର୍ଯ୍ୟ କରିଥିଲା। ଏହି ଲକ୍ଷ୍ୟର ପିଛା କରି ଦକ୍ଷିଣ ଆଫ୍ରିକାର ବ୍ୟାଟିଂ କ୍ରମ ଭାରତୀୟ ବୋଲରଙ୍କ ସାମ୍ନାରେ ବିଫଳ ହୋଇଥିଲା ଏବଂ ସମଗ୍ର ଦଳ ମାତ୍ର ୭୪ ରନ୍ରେ ଅଲଆଉଟ ହୋଇଯାଇଥିଲା। ଏହା ଦକ୍ଷିଣ ଆଫ୍ରିକାର ଟି-୨୦ରେ ସର୍ବନିମ୍ନ ସ୍କୋର। ଯଶପ୍ରୀତ ବୁମରା ୨ ଉଇକେଟ ନେଇଥିଲେ। ଏହି ମ୍ୟାଚ୍ରେ ତାଙ୍କର ପ୍ରଥମ ଉଇକେଟ ସହିତ, ବୁମରା ଟି-୨୦ରେ ଉଇକେଟ ଶତକ ହାସଲ କରିଥିଲେ ଏବଂ ଏକ ଐତିହାସିକ ରେକର୍ଡ ମଧ୍ୟ ସ୍ଥାପନ କରିଥିଲେ, ଯାହା ଭାରତୀୟ କ୍ରିକେଟ ଇତିହାସରେ କୌଣସି ବୋଲର ହାସଲ କରି ନ ଥିଲେ।
କଟକରେ ପ୍ରଥମ ଟି-୨୦ରେ ଡେୱାଲ୍ଡ ବ୍ରେଭିସଙ୍କ ଉଇକେଟ ନେଇ ବୁମରା ଟି-୨୦ରେ ଶତକ ହାସଲ କରିଛନ୍ତି। ଏହି ଫର୍ମାଟରେ ୧୦୦ ଉଇକେଟ ହାସଲ କରିବାରେ ବୁମରା ଦ୍ୱିତୀୟ ଭାରତୀୟ ବୋଲର ହୋଇଥିଲେ। ଅର୍ଶଦୀପ ସିଂଙ୍କ ପରେ ସେ ଏହି ସଫଳତା ହାସଲ କରିଥିଲେ। ଅର୍ଶଦୀପ ଟି-୨୦ରେ ଭାରତର ପ୍ରମୁଖ ଉଇକେଟ ନେବାରେ ସଫଳ ହୋଇଛନ୍ତି। ବୁମରା ୧୦୧ ଉଇକେଟ ସହିତ ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି।
ଟି-୨୦ରେ ସର୍ବାଧିକ ଉଇକେଟ ପାଇଥିବା ଭାରତୀୟ ବୋଲର
ଅର୍ଶଦୀପ ସିଂ – ୧୦୭
ଜଶପ୍ରୀତ ବୁମରା – ୧୦୧
ହାର୍ଦ୍ଦିକ ପାଣ୍ଡ୍ୟା – ୯୯
ୟୁଜବେନ୍ଦ୍ର ଚହଲ – ୯୬
ଭୁବନେଶ୍ୱର କୁମାର – ୯୦
ତିନୋଟି ଫର୍ମାଟରେ ୧୦୦ ଉଇକେଟ ହାସଲ କରିଥିବା ପ୍ରଥମ ଭାରତୀୟ
ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟି-୨୦ ଅନ୍ତର୍ଜାତୀୟରେ ୧୦୦ ଉଇକେଟ ପୂରଣ କରି, ବୁମରାହ ତିନୋଟି ଫର୍ମାଟରେ ୧୦୦ ଉଇକେଟ ହାସଲ କରିଛନ୍ତି। ସେ ଏପରି କରିବାରେ ପ୍ରଥମ ଭାରତୀୟ ବୋଲର। ବୁମରା ଟେଷ୍ଟରେ ୨୩୪ ଏବଂ ଦିନିକିଆରେ ୧୪୯ ଉଇକେଟ ନେଇଛନ୍ତି।
ବୁମରା ଏକ ସ୍ବତନ୍ତ୍ର ତାଲିକାରେ ସାମିଲ ହୋଇଛନ୍ତି, ଏଥିରେ ବର୍ତ୍ତମାନ ବିଶ୍ୱର କେବଳ ଚାରି ଜଣ ବୋଲର ଅଛନ୍ତି। ବୁମରା ତିନୋଟି ଫର୍ମାଟରେ ୧୦୦ ଉଇକେଟ ନେବାର ସଫଳତା ହାସଲ କରିବାରେ ବିଶ୍ୱର ପଞ୍ଚମ ବୋଲର। ଏହି ରେକର୍ଡ ପୂର୍ବରୁ ଲାସିଥ ମାଲିଙ୍ଗାଙ୍କ ନାମରେ ଥିଲା। ଏମାନଙ୍କ ବ୍ୟତୀତ ଟିମ ସାଉଦି, ସାକିବ ଅଲ ହାସନ ଏବଂ ଶାହିନ ଆଫ୍ରିଦିଙ୍କ ନାମ ଏହି ତାଲିକାରେ ସାମିଲ ଅଛି।
Dharitri – Odisha’s No.1 Odia Daily
