ଇସଲାମାବାଦ, ୧୧।୯ : ପାକିସ୍ତାନରେ ପ୍ରବଳ ବନ୍ୟା ଯୋଗୁଁ ଲକ୍ଷ ଲକ୍ଷ ଲୋକ ବାସହୀନ ଏବଂ ବିସ୍ଥାପିତ ହୋଇଛନ୍ତି। ସାହାଯ୍ୟ ପାଇଁ ସେମାନେ ଘର ଘର ବୁଲୁଛନ୍ତି। ଏପରିସ୍ଥଳେ ପାକିସ୍ତାନରରେ ଭାଇଚାରାର ଏକ ନିଆରା ଉଦାହରଣ ସୃଷ୍ଟି କରିଛନ୍ତି ହିନ୍ଦୁ ମନ୍ଦିର ସଦସ୍ୟ।
ବାଲୁଚିସ୍ତାନର ଏକ ଛୋଟ ଗାଁରେ ଥିବା ଏକ ହିନ୍ଦୁ ମନ୍ଦିରରେ ପ୍ରାୟ ୨୦୦ ରୁ ୩୦୦ ବନ୍ୟା ପ୍ରଭାବିତ ଲୋକଙ୍କୁ ଖାଦ୍ୟ ଏବଂ ଆଶ୍ରୟ ଯୋଗାଇ ଦିଆଯାଇଛି। କଚ୍ଛି ଜିଲାର ଜଲାଲ ଖାନ ଗ୍ରାମରେ ଉଚ୍ଚ ଭୂମିରେ ଅବସ୍ଥିତ ବାବା ମାଧୋଦାସ ମନ୍ଦିର ବନ୍ୟାରୁ ସୁରକ୍ଷିତ ରହିଛି। ମନ୍ଦିର ବନ୍ୟା ପ୍ରଭାବିତ ଲୋକଙ୍କ ପାଇଁ ଏକ ସୁରକ୍ଷିତ ସ୍ଥାନ ପାଲଟିଛି।
ବାବା ମାଧୋଦାସ ଧର୍ମ ଏବଂ ଜାତି ପରିବର୍ତ୍ତେ ମାନବିକତା ମାଧ୍ୟମରେ ଲୋକଙ୍କୁ ଦେଖୁଥିଲେ।
ସ୍ଥାନୀୟ ଲୋକଙ୍କ କହିବାନୁସାରେ, ବାବା ମାଧୋଦାସ ଜଣେ ପୂର୍ବ-ବିଭାଜନ ହିନ୍ଦୁ ସାଧୁ ଥିଲେ, ଯିଏକି ସେହି ଅଞ୍ଚଳର ମୁସଲମାନ ଏବଂ ହିନ୍ଦୁମାନଙ୍କର ବେଶ୍ ପ୍ରିୟ ଥିଲେ।
ରିପୋର୍ଟରେ ଦର୍ଶାଯାଇଛି ଯେ ଜଲାଲ ଖାନରେ ଥିବା ହିନ୍ଦୁ ସମ୍ପ୍ରଦାୟର ଅଧିକାଂଶ ସଦସ୍ୟ ଚାକିରୀ ତଥା ଅନ୍ୟାନ୍ୟ ସୁଯୋଗ ପାଇଁ କଚ୍ଛିର ଅନ୍ୟ ସହରକୁ ଯାଇଛନ୍ତି। କିନ୍ତୁ କିଛି ପରିବାର ମନ୍ଦିର ପରିସରରେ ରହିଛନ୍ତି। ଭାଗ ନାରୀ ତହସିଲର ଜଣେ ଦୋକାନୀ ରତନ କୁମାର ବର୍ତ୍ତମାନ ମନ୍ଦିର ଦାୟିତ୍ୱରେ ଅଛନ୍ତି। ବାଲୁଚିସ୍ତାନ ଏବଂ ସିନ୍ଧର ବହୁ ଲୋକ ପ୍ରତିବର୍ଷ ତୀର୍ଥଯାତ୍ରା ପାଇଁ ଏଠାକୁ ଆସୁଥିବାରୁ ଏହି ମନ୍ଦିରରେ ଶହେରୁ ଅଧିକ କୋଠରୀ ରହିଛି।
ଏବେ ମନ୍ଦିର ପରିସରରେ ସ୍ଥାନୀୟ ମୁସଲମାନ ଏବଂ ସେମାନଙ୍କର ଗୃହପାଳିତ ପ୍ରାଣୀ ଆଶ୍ରୟ ନେଇଛନ୍ତି। ମନ୍ଦିର ଭିତରେ ଏକ ଡାକ୍ତରୀ ଶିବିର ସ୍ଥାପନ କରିଥିବା ଜାଲାଲ ଖାନଙ୍କ ଡାକ୍ତର ଇସରା ମୁଗେରୀ କହିଛନ୍ତି। ସ୍ଥାନୀୟ ହିନ୍ଦୁମାନେ ଲାଉଡ ସ୍ପିକରରେ ଘୋଷଣା କରି ମୁସଲମାନମାନଙ୍କୁ ଆଶ୍ରୟ ନେବାକୁ ମନ୍ଦିରକୁ ପରିସରକୁ ଆସିବାକୁ କହିଥିଲେ।
