ଦିଲ୍ଲୀ ବିଧାନସଭା ର୍ନିବାଚନ ପୂର୍ବରୁ, କଂଗ୍ରେସ ଦଳ ଆମ ଆଦମୀ ପାର୍ଟି ଉପରେ ଆକ୍ରମଣକୁ ତୀବ୍ର କରିଛି। ଗତକାଲି କଂଗ୍ରେସ ନେତା ରାହୁଲ ଗାନ୍ଧୀ ଏଏପି ସଂଯୋଜକ ଅରବିନ୍ଦ କେଜରିୱାଲଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ସହ ତୁଳନା କରିଥିଲେ ଏବଂ ଅଭିଯୋଗ କରିଥିଲେ ଯେ ଉଭୟ ଜନତାଙ୍କୁ ଦିଆଯାଇଥିବା ପ୍ରତିଶ୍ରୁତି ପୂରଣ କରନ୍ତି ନାହିଁ। ତେବେ ଆଜି ରାହୁଲ, କେଜରିୱାଲଙ୍କ ‘ବିଫଳତା’ ଉପରେ ପ୍ରଶ୍ନ ଉଠାଇ ଦିଲ୍ଲୀ ସରକାରଙ୍କୁ ଘେରିବା ନେଇ କଂଗ୍ରେସ ନେତାମାନଙ୍କୁ ନିର୍ଦ୍ଦେଶ ଦେଇଛନ୍ତି।
ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ରାହୁଲ ଗାନ୍ଧୀ ସମସ୍ତ ପ୍ରାର୍ଥୀ ଏବଂ କଂଗ୍ରେସ ନେତାମାନଙ୍କୁ ଖୋଲାଖୋଲି ଭାବରେ ଅରବିନ୍ଦ କେଜରିୱାଲଙ୍କୁ ଆକ୍ରମଣ କରିବାକୁ କହିଛନ୍ତି। କୁହାଯାଉଛି କଂଗ୍ରେସ ଦିଲ୍ଲୀ ବିଧାନସଭା ର୍ନିବାଚନକୁ ନେଇ ଗମ୍ଭୀର ଅଛି।
କଂଗ୍ରେସ ଏବଂ ଆମ ଆଦମୀ ପାର୍ଟି ପ୍ରାୟ ୭ ମାସ ଧରି ଇଣ୍ଡିଆ ମେଣ୍ଟ ଅଧୀନରେ ଏକାଠି ଲୋକ ସଭା ର୍ନିବାଚନ ଲଢ଼ୁଛନ୍ତି। କିନ୍ତୁ ଯେଉଁ ଦଳଗୁଡ଼ିକ ଥରେ ଏକାଠି ଥିଲେ, ହରିୟାଣା ବିଧାନସଭା ର୍ନିବାଚନ ସମୟରେ ସେମାନେ ଅଲଗା ହୋଇଗଲେ। ଗତକାଲି ଅର୍ଥାତ ସୋମବାର କଂଗ୍ରେସ ନେତା ରାହୁଲ ଗାନ୍ଧୀ ସିଧାସଳଖ ଅରବିନ୍ଦ କେଜରିୱାଲଙ୍କୁ ଟାର୍ଗେଟ କରିଥିଲେ।
ଦିଲ୍ଲୀର ସୀଲମପୁର ଅଞ୍ଚଳରେ ଭାଷଣ ଦେଇ ରାହୁଲ ଗାନ୍ଧୀ କହିଥିଲେ, “କେଜରିୱାଲଜୀ କହିଥିଲେ ଯେ ସେ ଦିଲ୍ଲୀକୁ ସଫା କରିବେ, ଦୁର୍ନୀତି ହଟାଇବେ, ଏହାକୁ ପ୍ୟାରିସ କରିବେ। ଏବେ ପରିସ୍ଥିତି ଏପରି ହୋଇଛି ଯେ ଭୟଙ୍କର ପ୍ରଦୂଷଣ ହେଉଛି। ଲୋକମାନେ ଅସୁସ୍ଥ ରହୁଛନ୍ତି। ଲୋକମାନେ ଯାଆସ କରିପାରୁ ନାହାନ୍ତି। ଯେପରି ମୋଦିଜୀ ମିଥ୍ୟା ପ୍ରତିଶ୍ରୁତି ଏବଂ ପ୍ରଚାର କରନ୍ତି, ସେହିପରି କେଜରିୱାଲ ମଧ୍ୟ ମିଥ୍ୟା ପ୍ରତିଶ୍ରୁତି ଦିଅନ୍ତି। ଉଭୟ ମଧ୍ୟରେ କୌଣସି ପାର୍ଥକ୍ୟ ନାହିଁ।
କଂଗ୍ରେସ ନେତା ଆହରି କହିଛନ୍ତି, “ଯେତେବେଳେ ମୁଁ ଜାତିଗତ ଜନଗଣନା ବିଷୟରେ କଥା ହୁଏ, ନରେନ୍ଦ୍ର ମୋଦି ଏବଂ କେଜ୍ରିୱାଲଙ୍କ ମୁହଁରୁ ଗୋଟିଏ ଶବ୍ଦ ମଧ୍ୟ ବାହାରକୁ ଆସେ ନାହିଁ। କାରଣ ସେମାନେ ଉଭୟ ଚାହାଁନ୍ତି ଯେ ପଛୁଆ, ଦଳିତ, ଆଦିବାସୀ ଏବଂ ସଂଖ୍ୟାଲଘୁମାନେ ଏହି ଜନଗଣନାରେ ଅଂଶଗ୍ରହଣ ନ ପାଆନ୍ତୁ।
