ଲଣ୍ଡନ୍,୧୦ା୭: ଜୁଲାଇ ୪ରେ ଅନୁଷ୍ଠିତ ବ୍ରିଟେନ୍ ନିର୍ବାଚନରେ ଭାରତୀୟ ବଂଶୋଦ୍ଭବ ଶିବାନୀ ରାଜା ଲିସେଷ୍ଟର ଇଷ୍ଟ୍ ସଂସଦୀୟ ଆସନରେ ବିଜୟୀ ହୋଇଛନ୍ତି। କଞ୍ଜରଭେଟିଭ୍ ପାର୍ଟିରୁ ଲଢ଼ିଥିବା ଗୁଜରାଟୀ ମୂଳର ୧୯ ବର୍ଷୀୟା ବିଜିନେସ୍ଓମେନ୍ ଶିବାନୀ ଲେବର ପାର୍ଟିର ଭାରତୀୟ ବଂଶୋଦ୍ଭବ ରାଜେଶ ଅଗ୍ରଓ୍ବାଲଙ୍କୁ ୧୪,୫୨୬ ଭୋଟରେ ହରାଇଛନ୍ତି।
ଏହି ଆସନରେ ଲେବର ପାର୍ଟି ୩୭ ବର୍ଷ ଧରି ପ୍ରତିନିଧିତ୍ୱ କରିଆସିଥିଲା। ଶିବାନୀ ପାର୍ଲାମେଣ୍ଟରେ ଗୀତା ଧରି ଏମ୍ପି ଭାବେ ଶପଥ ନେଇ ଚର୍ଚ୍ଚାକୁ ଆସିଛନ୍ତି। ଶିବାନୀଙ୍କ ବ୍ୟତୀତ ଅନ୍ୟ ୨୭ ଜଣ ଭାରତୀୟ ବଂଶୋଦ୍ଭବ ହାଉସ୍ ଅଫ୍ କମନ୍ସକୁ ନିର୍ବାଚିତ ହୋଇଛନ୍ତି। ୬୫୦ ଆସନ ମଧ୍ୟରୁ ଋଷି ସୁନକଙ୍କ କଞ୍ଜରଭେଟିଭ୍ ପାର୍ଟିକୁ ୧୨୧ (ପୂର୍ବାପେକ୍ଷା ୨୫୦ କମ୍) ଆସନ ମିଳିଥିବାବେଳେ ଲେବର ପାର୍ଟିକୁ ୪୧୨ ସିଟ୍ରେ ସଫଳତା ମିଳିଛି। ଲେବର ପାର୍ଟି ଲିଡର କିର୍ ଷ୍ଟର୍ମର ନୂଆ ପ୍ରଧାନମନ୍ତ୍ରୀ ହୋଇଛନ୍ତି।
