କ୍ରଶର ଭଙ୍ଗାରେ ଟାଳଟୁଳ ନୀତି

ଯାଜପୁର ଅଫିସ,୧୧।୧୨: ଯାଜପୁର ଜିଲା ଧର୍ମଶାଳା ବ୍ଲକରେ ପ୍ରାୟ ୪୦୦ ଷ୍ଟୋନ୍‌ କ୍ରଶର ଚାଲିଛି। ସେଥିମଧ୍ୟରୁ ପ୍ରାୟ ୫୦ଟି ମେଗା କ୍ରଶର ଚାଲିଥିବାବେଳେ ଅନ୍ୟସବୁ ଛୋଟବଡ଼ କ୍ରଶର ରହିଛି। ସରକାରଙ୍କ ନିର୍ଦ୍ଧାରିତ ଗାଇଡ୍‌ ଲାଇନ୍‌ର ଗଳାବାଟ ଦେଇ ଅଧିକାଂଶ ମେଗା କ୍ରଶର ଅନୁମତିଠାରୁ ଢେର ଅଧିକ ଉତ୍ପାଦନ କରୁଛନ୍ତି। ଏହାସହ ବେଆଇନ ପଥର ଖାଦାନରୁ କମ୍‌ ମୂଲ୍ୟରେ କଳାପଥର କିଣି ମେଗା କ୍ରଶର ମାଲିକମାନେ ବଜାରରେ ଅଧିକ ଦରରେ ଚିପ୍ସ, ବଜୁରି ଆଦି ବିକ୍ରି କରୁଥିବା ଅଭିଯୋଗ ହୋଇଛି। ଅନ୍ୟପକ୍ଷେ ହାଇକୋର୍ଟ ନିର୍ଦ୍ଦେଶ ଅନୁସାରେ ଗତ ୩ ତାରିଖରୁ ଚାଲିଥିବା ବେଆଇନ କ୍ରଶର ଉଚ୍ଛେଦ ପ୍ରକ୍ରିୟାରେ ପ୍ରଶାସନ ଟାଳଟୁଳ ନୀତି ଅବଲମ୍ବନ କରୁଥିବା ମତପ୍ରକାଶ ପାଇଛି।
ଜିଲାର ଡଙ୍କାରୀ, ରାହାଡ଼ପୁର, କୁସୁମପୁର, ବିଛାଖଣ୍ଡି ଆଦି ପାହାଡ଼ ପାଦଦେଶରେ ଚାଲିଥିବା କ୍ରଶରରୁ ଦୈନିକ ବିପୁଳ ପରିମାଣର ଚିପ୍ସ ଓ ବଜୁରି ଉତ୍ପାଦନ ହେଉଛି। ରାଜ୍ୟ ପ୍ରଦୂଷଣ ନିୟନ୍ତ୍ରଣ ଆଇନକୁ ଖୋଲାଖୋଲି ଉଲ୍ଲଂଘନ କରି ଷ୍ଟୋନ କ୍ରଶରଗୁଡିକ ଅନାୟାସରେ ଚାଲିଛି। ପରିବେଶ ସୁରକ୍ଷା ପାଇଁ କାମ କରୁଥିବା ତହସିଲ ଓ ପରିବେଶ ନିୟନ୍ତ୍ରଣ ସଂସ୍ଥା ମାଲିକଙ୍କ ହାତବାରିସି ସାଜି ଏଭଳି ବେଆଇନ କ୍ରଶରଗୁଡିକୁ ଚାରିଖୁଣ୍ଟ ମାଫ୍‌ କରିଛନ୍ତି। ଏହିକ୍ରମରେ ଦର୍ପଣ, ଧର୍ମଶାଳା ଓ ଦାନଗଦି ତହସିଲ ଅଞ୍ଚଳରେ ବେଆଇନ କ୍ରଶରଗୁଡିକ ଉପରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ୨୦୧୫ ଜୁନ ୨୨ରେ ବିଜ୍ଞପ୍ତି ପ୍ରକାଶ ପାଇଥିଲା। ହାଇକୋର୍ଟ ମାମଲା ନମ୍ବର ଡବ୍ଲ୍ୟୁପିସି ୯୧୦୧/୨୦୦୯ ଏବଂ ରାଷ୍ଟ୍ରୀୟ ମାନବାଧିକାର ଆୟୁକ୍ତଙ୍କ କେସ୍‌ ନମ୍ବର ୧୩୪-୧୮ା୫ା୦୭୦୮/ଓସି ଆଦେଶନାମା ଅନୁଯାୟୀ ବେଆଇନ କ୍ରଶରଗୁଡ଼ିକୁ ବନ୍ଦ କରାଯିବାକୁ ନିଷ୍ପତ୍ତି ହୋଇଥିଲା। ଏହି ନିର୍ଦ୍ଦେଶ ବଳରେ ଛୋଟ ଛୋଟ କ୍ରଶରଗୁଡିକ ଉପରେ ୨୦୧୫ ଜୁଲାଇ ୨ରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପ୍ରାୟ ୧୪୭ କ୍ରଶରକୁ ସିଲ୍‌ କରାଯାଇଥିଲା। ଏହାସହ କ୍ଲଷ୍ଟର ୟୁନିଟ୍‌ ସ୍ଥାପନ କରି ଆଇନ ଅନୁସାରେ କ୍ରଶର କରିବାକୁ ପ୍ରଶାସନ ପକ୍ଷରୁ ପ୍ରତିଶ୍ରୁତି ଦିଆଯାଇଥିଲା। ତେବେ ପ୍ରଶାସନ ପକ୍ଷରୁ କ୍ଲଷ୍ଟର ୟୁନିଟ୍‌ ସ୍ଥାପନ ହୋଇ ନ ପାରିବାରୁ କ୍ରଶର ମାଲିକମାନେ ସିଲ୍‌ ଭାଙ୍ଗି ପୁଣି କ୍ରଶର ଚଳାଇଥିଲେ। ୪ ବର୍ଷ ପରେ ପ୍ରଶାସନର ପୁଣି ଚେତା ପଶିଲା। ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ ଗତ ୩ ତାରିଖରୁ ପଦକ୍ଷେପ ଗ୍ରହଣ ପୂର୍ବକ ପରିବେଶଗତ ଅନୁମତି ପାଇଁ ଆବେଦନ କରିଥିବା କ୍ରସରଗୁଡିକ ପ୍ରତି କୋହଳ ମନୋଭାବ ପୋଷଣ କରାଯାଇ କେବଳ ସିଲ୍‌ କରାଯାଉଛି। କୌଣସି କାଗଜପତ୍ର ନ ଥିବା କ୍ରଶରଗୁଡିକୁ ଭଙ୍ଗା ନାମରେ ଜେସିବି ମେଶିନରେ କେବଳ ଚାଞ୍ଛି ଦିଆଯାଉଛି। ଏହି ମାମଲା ଶାନ୍ତ ପଡିବା ପରେ କ୍ରଶର ମାଲିକ ପୁଣି ଯେପରି କ୍ରଶର ଚଳାଇପାରିବ ସେ ନେଇ ପ୍ରଶାସନର ଏହା ଦୂରଦୃଷ୍ଟି ବୋଲିି ଚର୍ଚ୍ଚା ହେଉଛି। ଗତ ୫ ବର୍ଷ ମଧ୍ୟରେ କ୍ରଶର ଭଙ୍ଗା ନାଟକର ଏହା ଦ୍ୱିତୀୟ ପାଳି ବୋଲି ମଧ୍ୟ ଅଭିହିତ କରାଯାଇଛି।
ଅନ୍ୟପକ୍ଷେ ମେଗା କ୍ରଶରଗୁଡ଼ିକ ଆଇନ ଅନୁସାରେ ପରିବେଶ ସୁରକ୍ଷା ଦିଗରେ କୌଣସି କାମ କରୁନାହାନ୍ତି। ପାଣି ସିଞ୍ଚନ, ସବୁଜିମା ସୃଷ୍ଟି, ପ୍ରଭାବିତ ଗ୍ରାମର ଉନ୍ନତୀକରଣ ଆଦି କାର୍ଯ୍ୟକ୍ରମକୁ ଏହି ମେଗା କ୍ରଶର ମାଲିକମାନେ ଭୁଲି ଯାଇଛନ୍ତି। କେତେକ ମେଗା କ୍ରଶର ଜଙ୍ଗଲ ଜମିରେ ମଧ୍ୟ ଚାଲିଥିବା ଅଭିଯୋଗ ହୋଇଛି। ଏଭଳି ଭାବେ କ୍ରଶର ଭଙ୍ଗା ଏବଂ ମେଗା କ୍ରଶର ପରିଚାଳନାରେ ସଂପୃକ୍ତ କେତେଜଣ ପ୍ରଶାସନିକ ଅଧିକାରୀ ଏଥିରୁ ଫାଇଦା ନେଉଥିବା ସାଧାରଣରେ ଚର୍ଚ୍ଚା ହେଉଛି। ଏ ସଂକ୍ରାନ୍ତରେ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର କଳିଙ୍ଗନଗର ଆଞ୍ଚଳିକ ଅଧିକାରୀ ପ୍ରମୋଦ କୁମାର ବେହେରାଙ୍କୁ ଯୋଗାଯୋଗ କରିବାକୁ ଚେଷ୍ଟା କରାଯାଇଥିଲା। ହେଲେ ସେ ଫୋନ୍‌ କଲ ଗ୍ରହଣ କରି ନ ଥିବାରୁ ତାଙ୍କ ମତାମତ ମିଳିପାରି ନାହିଁ।


Enter your email to get our daily news in your inbox.

All Right Reserved By Dharitri.Com

ବ୍ରାଉନ୍‌ସୁଗାର ଜବତ, ଅଭିଯୁକ୍ତ ଗିରଫ

ବରଗଡ଼ ଅଫିସ,୭।୧୧: ବରଗଡ଼ ଟାଉନ ଥାନା ପୋଲିସ ବୁଧବାର ରାତିରେ ବ୍ରାଉନସୁଗାର କାରବାରରେ ସମ୍ପୃକ୍ତ ଥିବା ଜଣେ ଅଭିଯୁକ୍ତଙ୍କୁ ଗିରଫ କରିଛି। ସେ ହେଲେ ସ୍ଥାନୀୟ...

ଆବାସ ଯୋଜନାରୁ ବଁଚିତ୍‌ ଦିବ୍ୟାଙ୍ଗ

ଜହ୍ନାପଙ୍କ, ୨୦।୩ (ଡି.ଏନ୍‌.ଏ.)- କେନ୍ଦ୍ର ଆର ରାଏଜ୍‌ ଉଭଏ ସରକାର ଗରିବ୍‌ ଦୁଖି, ନିଅଁ।ସି, ଦିବ୍ୟାଙ୍ଗମାନକୁ ପ୍ରଧାନମନ୍ତ୍ରୀ ଆବାସ, ଇନ୍ଦିରା ଆବାସ, ବିଜୁ ପକାଘର ଯୋଜନାରେ...

ରାଜ୍ୟସ୍ତରୀୟ ସାଇକ୍ଲିଂ ଚାମ୍ପିୟନଶିପ୍‌

ଭଣ୍ଡାରିପୋଖରୀ, ୨୦।୧୦ (ସ୍ବ.ପ୍ର.)- ଓଡ଼ିଶା ସାଇକ୍ଲିଂ ଆସୋସିଏଶନ ଦ୍ୱାରା ପରିଚାଳିତ ଭଦ୍ରକ ଜିଲା ସାଇକ୍ଲିଂ ଆସୋସିଏଶନ ପକ୍ଷରୁ ବାରିକପୁରଠାରେ ଶନିବାର ଦୁଇଦିନିଆ ୩୮ତମ ରାଜ୍ୟସ୍ତରୀୟ ସାଇକ୍ଲିଂ...

ଆବର୍ଜନାକୁ ନେଇ ବଢ଼ୁଛି ଆପତ୍ତି

ଅନୁଗୋଳ ଅଫିସ, ୧୧ା୬ ନୂଆ ଠିକା ସଂସ୍ଥା ସଫେଇ ଦାୟିତ୍ୱ ନେବା ପରେ ଅନୁଗୋଳ ସହରର ଆବର୍ଜନା ସମସ୍ୟା ଦୂର ହୋଇଯିବ ବୋଲି ଅନେକେ ଆଶା...

ଝାରସୁଗୁଡ଼ାରୁ ଚେନ୍ନାଇକୁ ଉଡ଼ିଲା ବିମାନ

ଝାରସୁଗୁଡ଼ା ଅଫିସ,୨ା୪: ଝାରସୁଗୁଡ଼ା ବୀର ସୁରେନ୍ଦ୍ର ସାଏ(ଭିଏସ୍‌ଏସ୍‌) ବିମାନ ବନ୍ଦରରୁ ଚେନ୍ନାଇକୁ ଶୁକ୍ରବାର ବିମାନ ସେବା ଆରମ୍ଭ ହୋଇଛି। ସ୍ପାଇସ୍‌ ଜେଟ୍‌ ବିମାନ ଚେନ୍ନାଇରୁ ୮୪ଜଣ...

ଜଗତ୍‌ସିଂହପୁର ନିୟନ୍ତ୍ରିତ ବଜାର କମିଟିର ୪୧ତମ ଅଧିବେଶନ: ୧୨ କୋଟି ଟଙ୍କାର ବଜେଟ ଘୋଷଣା

ଜଗତ୍‌ସିଂହପୁର ଅଫିସ, ୫ା୧: ଜଗତ୍‌ସିଂହପୁର ନିୟନ୍ତ୍ରିତ ବଜାର କମିଟି (ଆର୍‌ଏମ୍‌ସି)ର ୪୧ତମ ଅଧିବେଶନ ଅନୁଷ୍ଠିତ ହୋଇଯାଇଛି। ଆର୍‌ଏମ୍‌ସି ସମ୍ମିଳନୀ କକ୍ଷରେ ଅନୁଷ୍ଠିତ ବୈଠକରେ ୨୦୧୯-୨୦ ବର୍ଷ...

ଧାନବିକ୍ରି ପ୍ରାପ୍ୟ ଟଙ୍କା ନ ମିଳିବାରୁ ଚାଷୀଙ୍କ ଭଦ୍ରକ – ଆଖଣ୍ଡଳମଣି ରାସ୍ତା ଅବରୋଧ

ଆରଡି, ୩୦ା୭(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକର ସୁନ୍ଦରପୁର ପଞ୍ଚାୟତର ଶତାଧିକ ଚାଷୀ ମଙ୍ଗଳବାର ସକାଳେ ଭଦ୍ରକ-ଆଖଣ୍ଡଳମଣି ରାଜ୍ୟ ରାଜପଥ ଅବରୋଧ କରିଛନ୍ତି। ତେବେ ପ୍ରାପ୍ୟ...

ଦ୍ୱାରଶୁଣି ଘାଟିରେ ଟ୍ରେଲର ଦୁର୍ଘଟଣାଗ୍ରସ୍ତ: ତେଲ ବୋହିନେଲେ ଲୋକେ

ବାଙ୍ଗିରିପୋଷି, ୧।୩(ଡି.ଏନ.ଏ.)-ବାଙ୍ଗିରିପୋଷି ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟିରେ ଶନିବାର ସକାଳେ ଏକ ଆଇରନ ଡଷ୍ଟ ବୋଝେଇ ଟ୍ରେଲର ଯୋଡାରୁ ଖଡଗପୁର...

Advertisement


Archives

Model This Week