ଭଙ୍ଗ ହେଉଛି ଭାଇଚାରା

ଢେଙ୍କାନାଳ ଅଫିସ, ୧୦।୯: ଐତିହ୍ୟ, ସଂସ୍କୃତି ଓ ପରମ୍ପରାକୁ ନେଇ ସମୃଦ୍ଧ ଢେଙ୍କାନାଳ ସହର ରାଜନୀତିର ଜଟିଳ ଗଣିତରେ ଛନ୍ଦି ହୋଇପଡ଼ିଛି। ରାଜନୈତିକ ବିବାଦ ପାଇଁ ପୌର ନିର୍ବାଚନ ପରଠାରୁ ଅଶାନ୍ତ ହୋଇଉଠିଛି ସହରୀ ପରିବେଶ। ବିଜେଡି-ଭାଜପା ମଧ୍ୟରେ ଛକାପଞ୍ଝା ଲାଗି ରହିଥିବାବେଳେ ଏହାର ସିଧାସଳଖ ପ୍ରଭାବ ପଡୁଛି ସାମାଜିକ ଜୀବନ ଉପରେ। ଏଥିରୁ ସାଂସ୍କୃତିକ ସଦ୍‌ଭାବନା ବାଦ୍‌ ପଡୁ ନ ଥିବାବେଳେ ଭଙ୍ଗ ହେଉଛି ଭାଇଚାରା। ଦୁଇ ପ୍ରମୁଖ ରାଜନୈତିକ ଦଳ ଦଳୀୟ ସ୍ବାର୍ଥ ପାଇଁ ବାରମ୍ବାର ମୁହଁାମୁହିଁ ହେବା ଏବଂ ଏହା ଦ୍ୱାରା ବିକାଶ ପ୍ରଭାବିତ ହେବା ସହରରେ ଆଲୋଚନାର ବିଷୟ ପାଲଟିଛି, ଯାହାକୁ ନାପସନ୍ଦ କରିଛନ୍ତି ସାଧାରଣଜନତା, ବୁଦ୍ଧିଜୀବୀ ଏବଂ ସାମାଜିକ ସଙ୍ଗଠନ। ସାମୂହିକ ବିକାଶ ହେଉ କି ପରମ୍ପରାର ପର୍ବ ଲକ୍ଷ୍ମୀପୂଜା ଲୋକଙ୍କ ଭାବାବେଗ ସହିତ ଜଡ଼ିତ ପ୍ରସଙ୍ଗରେ ଅତ୍ୟଧିକ ରାଜନୀତି ଠିକ୍‌ ନୁହେଁ ବୋଲି ସେମାନେ କହିଛନ୍ତି।
ରାଜ୍ୟ ରାଜନୀତିରେ ସବୁବେଳେ ଚର୍ଚ୍ଚାରେ ରହିଆସିଛି ଢେଙ୍କାନାଳ। ବିଶେଷ କରି ପୌରାଞ୍ଚଳ ରାଜନୀତିରେ ବିଜୟ-ପରାଜୟକୁ ପଛରେ ପକାଇ ସମସ୍ତ ରାଜନୈତିକ ଦଳ ଏକାଠି ହୋଇ କାର୍ଯ୍ୟ କରୁଥିବା ପୂର୍ବରୁ ନଜିର ରହିଛି। ତେବେ ଗତ ମାର୍ଚ୍ଚରେ ଅନୁଷ୍ଠିତ ପୌର ନିର୍ବାଚନ ପରେ ରାଜନୈତିକ ଦ୍ୱନ୍ଦ୍ୱ ଏତେ ତୀବ୍ର ହୋଇଛି ଯେ, ଏଥିରେ ଗୁରୁତ୍ୱର ଭାବେ ପ୍ରଭାବିତ ହେଉଛି ଉଭୟ ଉନ୍ନୟନ କାର୍ଯ୍ୟ ଏବଂ ସାମାଜିକ ସଦ୍‌ଭାବନା। ଏହି ବିବାଦରେ କାରଣରୁ ସାଧାରଣ ଲୋକଙ୍କୁ ପୌର କାର୍ଯ୍ୟାଳୟରୁ ନ୍ୟାୟ ମିଳୁନାହିଁ, ଯାହାକୁ ନେଇ ସହରବାସୀଙ୍କ ମଧ୍ୟରେ ଅସନ୍ତୋଷ ତେଜିବାରେ ଲାଗିଛି।
ଚଳିତ ବର୍ଷ ପୌରାଧ୍ୟକ୍ଷ ପଦବୀରେ ପ୍ରଥମ ଥର ପାଇଁ ସିଧାସଳଖ ନିର୍ବାଚନ ଅନୁଷ୍ଠିତ ହୋଇଥିଲା। ଶାସକ ବିଜେଡିର ସମସ୍ତ ରଣକୌଶଳକୁ ମାତ୍‌ ଦେଇ ଭାଜପା ହାତେଇଥିଲା ପୌରାଧ୍ୟକ୍ଷ ପଦବୀ। ତେବେ ମୋଟ୍‌ ୨୩ ଓ୍ବାର୍ଡ ମଧ୍ୟରୁ ୧୪ଟିରେ ବିଜେଡି କାଉନ୍‌ସିଲର ବିଜୟୀ ହୋଇଥିଲେ। ଅବଶିଷ୍ଟ ୯ ଓ୍ବାର୍ଡ ଯାଇଥିଲା ଭାଜପା ଖାତାକୁ। ଏହାପରଠାରୁ ସଂଖ୍ୟାଗରିଷ୍ଠ କାଉନ୍‌ସିଲର ଥିବା ବିଜେଡି ଏବଂ ପୌରାଧ୍ୟକ୍ଷ ପଦବୀ ଜିତିଥିବା ଭାଜପା ମଧ୍ୟରେ ଆରମ୍ଭ ହୋଇଛି କନ୍ଦଳ। ଏପରି ବାଦବିବାଦ କାରଣରୁ କୌଣସି ଗୋଟିଏ ବୈଠକ ମଧ୍ୟ ଠିକ୍‌ ଭାବେ ହୋଇପାରୁନାହିଁ। ଜୁଲାଇ ୩୦ରେ ଭେଣ୍ଡିଂ ଜୋନ୍‌ ଆବଣ୍ଟନକୁ ନେଇ ପୌର ନିର୍ବାହୀ ଅଧିକାରୀଙ୍କ ପ୍ରକୋଷ୍ଠରେ ଦୁଇ ରାଜନୈତିକ ଦଳର ସମର୍ଥକ ହାତାହାତି ହେବା ହେଉ କି ଅଗଷ୍ଟ ୩୧ ସ୍ବାୟତ୍ତ ଶାସନ ଦିବସରେ ଫଳକ ରାଜନୀତିକୁ ନେଇ ସାନ୍ଧ୍ୟ ଉତ୍ସବ ବାତିଲ ସବୁଥିରେ ରାଜନୈତିକ କ୍ଷମତା କନ୍ଦଳ ରହିଥିବା ସ୍ପଷ୍ଟ ହୋଇଛି। ପୌର ପରିଷଦର ୭୧ବର୍ଷ ଇତିହାସରେ ପ୍ରଥମ ଥର ସାନ୍ଧ୍ୟ ଉତ୍ସବ ବାତିଲ ହେବା ଯେତିକି ଚର୍ଚ୍ଚିତ ହୋଇଥିଲା, ତା’ଠାରୁ ବେଶି ଆଲୋଚନାର ବିଷୟ ପାଲଟିଥିଲା ଜଣେ କାଉନ୍‌ସିଲରଙ୍କ ବିବାଦୀୟ ମନ୍ତବ୍ୟ ପ୍ରତିବାଦରେ ପୌର କର୍ମଚାରୀ କଲମ ଛାଡ଼ି ଦୁଇଦିନ ଧରି କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇବା। ତେବେ ଏହି ବିବାଦର ସବୁସୀମା ଟପିଯାଇଥିଲା ଗଣପର୍ବ ଲକ୍ଷ୍ମୀପୂଜାର ନୂତନ ସଭାପତି ପଦବୀ ଚୟନ ବୈଠକରେ। ପରମ୍ପରା ଅନୁଯାୟୀ ସୁନିଆ ପରଦିନ ଅର୍ଥାତ ଗୁରୁବାର ସନ୍ଧ୍ୟାରେ ସ୍ଥାନୀୟ ସୂର୍ଯ୍ୟମଣ୍ଡପରେ ଆୟୋଜିତ ବୈଠକରେ ଦୁଇ ପୂଜା ପ୍ରତିଷ୍ଠାନର ସଭାପତି ତଥା ରାଜନୈତିକ ଦଳ ସହ ସଂଶ୍ଳିଷ୍ଟ ଦୁଇଜଣ ବ୍ୟକ୍ତିଙ୍କ ନାମ ସଭାପତି ଭାବେ ଚୟନ କରିବା ଲାଗି ପ୍ରସ୍ତାବ ଆଗତ ହୋଇଥିଲା। ନିୟମ ଅନୁଯାୟୀ କେବଳ ପୂଜା ପ୍ରତିଷ୍ଠାନଗୁଡ଼ିକର ସଭାପତି ଏବଂ ସମ୍ପାଦକମାନେ ଉପସ୍ଥିତ ରହି ମିଳିତ ବଜାର ପୂଜା କମିଟି ସଭାପତିଙ୍କୁ ଚୟନ କରିବେ। ତେବେ ଏଥିରେ ଉଭୟ ଦଳର ସମର୍ଥକ ପ୍ରବେଶ କରିବାରୁ ବିବାଦ ତେଜିଥିଲା। ପରସ୍ପର ମଧ୍ୟରେ ଆକ୍ଷେପ-ପ୍ରତିଆକ୍ଷେପରୁ ଧସ୍ତାଧସ୍ତି ପର୍ଯ୍ୟନ୍ତ କଥା ଯାଇଥିଲା। ଶେଷରେ ସ୍ଥିତି ଏମିତି ହୋଇଥିଲା ଯେ ସଭାପତି ଚୟନ ବିନା ବୈଠକ ବାତିଲ କରିବାକୁ ପଡ଼ିଥିଲା। ଲକ୍ଷ୍ମୀପୂଜା ଇତିହାସରେ ଏଭଳି ଘଟଣା ପ୍ରଥମ ଥର ହୋଇଥିବା ବେଳେ ଆଗାମୀ ଦିନରେ ଭାଜପା-ବିଜେଡି କଳି ପାଇଁ ସହରବାସୀଙ୍କୁ ବହୁମୂଲ୍ୟ ଦେବାକୁ ପଡ଼ିବ ବୋଲି ଗଳିକନ୍ଦିରେ ଚର୍ଚ୍ଚା ହେଉଛି।

 

ଲକ୍ଷ୍ମୀପୂଜା ରାଜନୀତିର ପ୍ଲାଟ୍‌ଫର୍ମ ନୁହେଁ
ଲକ୍ଷ୍ମୀପୂଜା ଉତ୍ସବ କୌଣସି ରାଜନୀତିର ପ୍ଲାଟଫର୍ମ ନୁହେଁ। ଏହା ସହିତ ସହରବାସୀଙ୍କ ଭାବାବେଗ ଜଡ଼ିତ। ସଂକୀର୍ଣ୍ଣ ସ୍ବାର୍ଥ ପାଇଁ ଏଭଳି ବିବାଦ କରିବା ଠିକ୍‌ ନୁହେଁ। ରାଜନୈତିକ ଦଳର ନେତୃବୃନ୍ଦ ଏଥିପ୍ରତି ଯଥେଷ୍ଟ ସଚେତନ ହେବା ଉଚିତ।

-ନବୀନଚନ୍ଦ୍ର ନାରାୟଣ ଦାସ, ଜବାହର ଚୌକ ପୂଜା କମିଟି ସଭାପତି
ସବୁକ୍ଷେତ୍ରରେ ରାଜନୀତି ଭାଇଚାରାକୁ ନଷ୍ଟ କରୁଛି
ଜନପ୍ରତିନିଧିମାନେ ବିକାଶରେ ଧ୍ୟାନ ଦେବା ଉଚିତ। ହେଲେ ସବୁକ୍ଷେତ୍ରରେ ରାଜନୀତୀକରଣ ଭାଇଚାରାକୁ ନଷ୍ଟ କରୁଛି। ବିଜେଡି-ଭାଜପା ମଧ୍ୟରେ ସୃଷ୍ଟି ହୋଇଥିବା ବିବାଦ ପ୍ରତିହତ ନ ହେଲେ ଆଗାମୀ ଦିନରେ ବିପଦ ସୃଷ୍ଟି କରିବା ଆଶଙ୍କା ରହିଛି।

-ସୁରେନ୍ଦ୍ର କୁମାର ମିଶ୍ର, ପୂର୍ବତନ ନଗରପାଳ
ଅତ୍ୟଧିକ ରାଜନୀତୀକରଣ ଠିକ୍‌ ନୁହେଁ
ଢେଙ୍କାନାଳର ଲକ୍ଷ୍ମୀପୂଜା ଭାଇଚାରା ପର୍ବ। ଏଠାରେ ଜଣେ ସାଧାରଣ ବୁଦ୍ଧିଜୀବୀ ମଧ୍ୟ ସଭାପତି ଭାବେ ଚୟନ ହୋଇଥିବାର ନଜିର ରହିଛି। କିନ୍ତୁ ଚଳିତ ଥର ନୂତନ ସଭାପତି ଚୟନ ବେଳେ ଯେଉଁ ଘଟଣା ଘଟିଲା, ତାହା ନିନ୍ଦନୀୟ। ପ୍ରତିକାର୍ଯ୍ୟରେ
ଅତ୍ୟଧିକ ରାଜନୀତିକରଣ ଠିକ୍‌ ନୁହେଁ।
-ପ୍ରଦ୍ୟୁମ୍ନ ରଥ, ଶିକ୍ଷାବିତ୍‌
ବିବାଦ ଯୋଗୁ ପରମ୍ପରା ଭଙ୍ଗ ହୋଇଛି
ସହର ଉନ୍ନତି ପାଇଁ ଜନପ୍ରତିନିଧିଙ୍କୁ ଚୟନ କରାଯାଇଛି। କିନ୍ତୁ ରାଜନୀତିକୁ ନେଇ ହେଉଥିବା ବିବାଦ ଜନସାଧାରଣଙ୍କୁ ନ୍ୟାୟ ପ୍ରଦାନ କ୍ଷେତ୍ରରେ ବାଧକ ନ ସାଜୁ। ବୈଠକରେ ଦୁଇ ଦଳର ସମର୍ଥକଙ୍କ ବିବାଦ ଯୋଗୁ ପରମ୍ପରା ଭଙ୍ଗ ହୋଇଛି, ଯାହା ଦୁଃଖ ଓ ପରିତାପର ବିଷୟ ା
-ବିଶ୍ୱନାଥ ବେହେରା, ମିଳିତ ବଜାର ପୂଜା କମିଟି ସଭାପତି


Enter your email to get our daily news in your inbox.

All Right Reserved By Dharitri.Com

ଗାଧୋଇବାକୁ ଯାଇ ଋଷିକୁଲ୍ୟାରେ ଯୁବକଙ୍କ ଜୀବନଗଲା

ପୁରୁଷୋତ୍ତମପୁର,୧୪।୩(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ସହର ଉପକଣ୍ଠ ଦେଇଯାଇଥିବା ଋଷିକୁଲ୍ୟା ନଦୀରେ ବୁଡି ଶନିବାର ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ହେଲେ ପୁରୁଷୋତ୍ତମପୁର ବଜାର...

ସାତ୍‌ସପନ ହେଇଛେ ଆବାସ ଘର: ଦଦ୍‌ରା ଘରେ ମୁଡ଼ ଗୁଁଜିଛନ୍‌ ଗରିବ୍‌ ପରିବାର

ଲାଠୋର, ୨୫।୧ (ଡି.ଏନ୍‌.ଏ.)- କେନ୍ଦ୍ର ଆର ରାଏଜ୍‌ ସରକାର ଉଭଏ ଗରିବ୍‌ ଦୁଖି, ବାସହୀନ ପରିବାରମାନକୁ ଆବାସ ଯୋଜନାରେ ପକାଘର ଯୁଗେଇ ଦେଉଛନ୍‌। ହେଲେ ସର୍ଭେରେ...

କୋଚିଂ ସେଣ୍ଟରରେ ଅଗ୍ନି ନିରାପତ୍ତା ଚିନ୍ତା

ବାଲେଶ୍ୱର ଅଫିସ, ୨୭।୫-ଗୁଜୁରାଟର ସୁରଟ ଜିଲା ଅନ୍ତର୍ଗତ ସୁରଥନା ଅଞ୍ଚଳର ଏକ ଘରୋଇ କୋଚିଂ ସେଣ୍ଟରରେ ଗତ ଶୁକ୍ରବାର ଅଗ୍ନିକାଣ୍ଡ ଘଟି ୨୦ଜଣ ଛାତ୍ରୀଛାତ୍ର ମୃତ୍ୟୁବରଣ...

କୃଷି ତାଲିମ କାର୍ଯ୍ୟକ୍ରମ: କେସିଙ୍ଗାରୁ ଗଲେ ୨୫ ଚାଷୀ

କେସିଙ୍ଗା,୧୦।୯(ଡି.ଏନ୍‌.ଏ.): ଆତ୍ମା ଯୋଜନା କଳାହାଣ୍ଡି ଆନୁକୂଲ୍ୟରେ କେସିଙ୍ଗା ବ୍ଲକର ମହିଳା ଖାଦ୍ୟ ନିରାପତ୍ତା ଦଳର ୮ଜଣ ମହିଳା ଓ ୧୭ ଚାଷୀଙ୍କୁ ବୌଦ୍ଧ ଜିଲାର ପାଲିଝରସ୍ଥିତ...

ଚିତ୍ରକଳା ଯାଦୁକର କୁବେର

ବଇଣ୍ଡା, ୨୬ା୭(ଡି.ଏନ.ଏ.)  ତାଙ୍କ ତୂଳୀରେ ରହିଛି ଯାଦୁ। ସ୍ପର୍ଶ ମାତ୍ରକେ ଚିତ୍ରସବୁ ଯେମିତି ହୋଇଉଠନ୍ତି ଜୀବନ୍ତ। ସ୍କୁଲରୁ ଆର୍ଟ କଲେଜ ଯାଏ ସେ ଆଙ୍କିଛନ୍ତି ଅନେକ ଚିତ୍ର।...

ଅଧା ବୁଲାଇ ପର୍ଯ୍ୟଟକଙ୍କୁ ଛାଡ଼ିଦେଲା ବ୍ୟାଟେରି ଗାଡ଼ି

ବାରଙ୍ଗ,୨୧।୧୦(ଡି.ଏନ୍‌.ଏ.): ନନ୍ଦନକାନନର ବ୍ୟାଟେରି ଚାଳିତ ଗାଡ଼ିକୁ ନେଇ ବୁଧବାର ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ୨୫ଜଣ ବଙ୍ଗୀୟ ପର୍ଯ୍ୟଟକ ନନ୍ଦନକାନନ ବୁଲିବାକୁ ଆସିଥିବାବେଳେ ଏକକାଳୀନ ବ୍ୟାଟେରି...

ଉଲିବୁରୁ ଖଣି ଦୁର୍ନୀତି ମାମଲା: ଜେଲରୁ ମୁକୁଳିଲେ ଦୀପକ ଗୁପ୍ତା

କେନ୍ଦୁଝର,୨୭।୬(ସ୍ବ.ପ୍ର)-ଉଲିବୁରୁ ଖଣି ମହାଦୁର୍ନୀତି ମାମଲାର ମୁଖ୍ୟ ଅଭିଯୁକ୍ତ ଦୀପକ ଗୁପ୍ତା ଶନିବାର ସାରେ କେନ୍ଦୁଝର ଜେଲରୁ ଜାମିନ ପାଇ ମୁକୁଳିଛନ୍ତି। ଗତକାଲି ହାଇକୋର୍ଟରେ ତାଙ୍କୁ ଏକ...

ପୋଲିସକୁ ଓଏଚ୍‌ଆର୍‌ସିଙ୍କ କଡ଼ା ସମାଲୋଚନା

କଟକ ଅଫିସ୍‌,୨୧।୫: କେନ୍ଦୁଝର ଜିଲା ପାଟଣା ଥାନା ପରିସରରେ ଜଣେ ଯୁବକଙ୍କୁ ଆଇଆଇସି ସନ୍ଧ୍ୟାରାଣୀ ଜେନା ମାଡ଼ ମାରିବାର ଭିଡିଓ ଭାଇରାଲ ଖବର ପ୍ରକାଶ ପରେ...

Advertisement
Archives

Model This Week