ଲଣ୍ଡନ,୧।୪ : ଇଂଲଣ୍ଡର ସ୍ବାସ୍ଥ୍ୟ ବିଭାଗ ଶନିବାର କହିଛି ଯେ ଚଳିତ ବସନ୍ତ ଋତୁରେ ଦେଶରେ ୫୦ ଲକ୍ଷ ଲୋକଙ୍କୁ ବୁଷ୍ଟର ଡୋଜଚ ଦିଆଯିବ। ୭୫ ବର୍ଷରୁ ଅଧିକ ବୟସ୍କ, ଦୁର୍ବଳ ଏବଂ କମ ରୋଗ ପ୍ରତିରୋଧକ ଶକ୍ତି ଥିବା ବ୍ୟକ୍ତିମାନେ ମଧ୍ୟ ଏଥିରେ ଅଛନ୍ତି। କେୟାର ହାଉସରେ ରହୁଥିବା ଲୋକଙ୍କୁ ଏନେଇ ଅଗ୍ରାଧିକାର ଦିଆଯିବ । କରୋନାର ଗୁରୁତର ପ୍ରଭାବରୁ ସେମାନଙ୍କୁ ରକ୍ଷା କରିବା ପାଇଁ ସୋମବାର ଠାରୁ ସେମାନଙ୍କର ଟିକାକରଣ ଆରମ୍ଭ ହେବ। ଟିକାକରଣ ପାଇଁ ଏନଏଚଏସ ଦଳ ଘର ଘର ବୁଲିବେ।
ଜାତୀୟ ସ୍ବାସ୍ଥ୍ୟ ସେବା କହିଛି ଯେ ଯୋଗ୍ୟ ବ୍ୟକ୍ତିମାନେ ଆସନ୍ତା ବୁଧବାର ଠାରୁ ବ୍ରିଟେନର ନ୍ୟାସ୍ଶନାଲ ବୁକିଂ ସେବା କିମ୍ବା ଏନଏଚଏସ ଆପରେ ବୁକ କରିପାରିବେ। ପ୍ରଥମ ବୁକିଂ ଡୋଜ ପ୍ରଦାନ ୧୭ ଏପ୍ରିଲରୁ ଉପଲବ୍ଧ ହେବ। ବ୍ରିଟେନର ସ୍ବାସ୍ଥ୍ୟ ଏବଂ ସାମାଜିକ ଯତ୍ନ ବିଭାଗର ସଚିବ ଷ୍ଟିଭ ବାରକଲେ କହିଛନ୍ତି ଯେ ଆମର ସଫଳ ଟିକାକରଣ କାର୍ଯ୍ୟକ୍ରମ ଲୋକଙ୍କୁ ସାହାଯ୍ୟ କରିଛି। ହଜାର ହଜାର ଲୋକଙ୍କ ଜୀବନ ରକ୍ଷା କରାଯାଇଛି ଏବଂ ସବୁଠାରୁ ଅସୁରକ୍ଷିତ ଲୋକ ମଧ୍ୟ ଗୁରୁତର ରୋଗରୁ ରକ୍ଷା ପାଇଛନ୍ତି।
