ପୁରୀ,୨।୯(ଅଜିତ୍ ମହାନ୍ତି): ପୁରୀ ପେଣ୍ଠକଟା ପେଟ୍ରୋଲ ପମ୍ପ ନିକଟ ଡଙ୍ଗା ଫ୍ୟାକ୍ଟ୍ରିରେ ଅଘଟଣ ଘଟିଛି। ଏକ ମାଛ ଧରା ଡଙ୍ଗାରେ ବୋମା ବିସ୍ଫୋରଣ । ଶନିବାର ହଠାତ୍ ପେଟ୍ରୋଲ ପମ୍ପ ପଛ ପଟେ ବିସ୍ଫୋରଣ ହୋଇଥିଲା। ଏଥିରେ ଡଙ୍ଗାଟି ସଂପୂର୍ଣ୍ଣ ଭାଙ୍ଗି ନଷ୍ଟ ହୋଇଯାଇଛି। ଏହାବ୍ୟତୀତ ଏକ ବୁଲା କୁକୁରର ମୃତ୍ୟୁ ହୋଇଥିବା ସୂଚନା ମିଳିଛି ।
ଘଟଣାସ୍ଥଳରେ ସମୁଦ୍ରକୂଳ ଥାନା ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବା ବେଳେ ବମ୍ ସ୍କ୍ବାଡ୍ ଓ ଡଗ ସ୍କ୍ବାଡ୍ ମଧ୍ୟ ଆଉ କିଛି ସମୟ ପରେ ପହଞ୍ଚିବ ବୋଲି ଥାନା ଆଇଆଇସି କହିଛନ୍ତି।
ତେବେ ଡଙ୍ଗା ଫ୍ୟାକ୍ଟ୍ରି ଭିତରେ କେହି ଦୁର୍ବୁତ୍ତ ଏକ ଜୀବନ୍ତ ବୋମା ରଖିଥିବା ବେଳେ ଗୋଟିଏ କୁକୁର ଏହାକୁ ପାଟିରେ ଭିଡୁଥିଲା । ଠିକ ସେହି ସମୟରେ ବୋମାଟି ଫାଟିଯାଇଥିଲା ଓ କୁକୁରଟି ବୋମା ଫୁଟିବା ଯୋଗୁ ପ୍ରାୟ ୫୦ ମିଟର ଛିଟିକି ପଡ଼ିଥିଲା। ତେବେ ଏଭଳି ଘଟଣା ମନୁଷ୍ୟକୃତ ବୋଲି ସ୍ଥାନୀୟ ବାସିନ୍ଦା କହିଥିବା ବେଳେ ଏହା ପେଣ୍ଠକଟା ଅଞ୍ଚଳରେ ପ୍ରଥମ ଘଟଣା ବୋଲି କୁହାଯାଉଛି । ତେବେ କିଏ ଓ କାହିଁକି ବୋମା ରଖିଲା ତାହା ପୋଲିସ ତଦନ୍ତ ପରେ ଜଣାପଡ଼ିବ।
