ବଲିଉଡ୍ ଫିଲ୍ମ ‘ଦିଲ୍ ପରଦେଶୀ ହୋ ଗୟା’ ଏବଂ ‘ଇସ୍କ ଭିସ୍କ’ରେ ଅଭିନୟ କରିଥିବା ଅଭିନେତା କପିଲ ଜାଭେରୀଙ୍କୁ ପୋଲିସ ଗିରଫ କରିଛି। ଗୋଆର ଭାଗେଟର ଗାଁରୁ କପିଲଙ୍କ ସମେତ ୩ ବିଦେଶୀ ମହିଳାଙ୍କୁୁ ମିଶାଇ ସମୁଦାୟ ୨୩ ଜଣଙ୍କୁ ଗିରଫ କରାଯାଇଛି। ସେମାନଙ୍କ ନିକଟରୁ ୯ ଲକ୍ଷରୁ ଅଧିକ ମୂଲ୍ୟର ଡ୍ରଗ୍ସ ଜବତ କରାଯାଇଛି। ପୋଲିସ ଅଧୀକ୍ଷକ ଶୋଭିତ ସକ୍ସେନାଙ୍କ କହିବାନୁଯାୟୀ, କପିଲଙ୍କ ଘରେ ପାର୍ଟିର ଆୟୋଜନ ହୋଇଥିଲା। ଏହି ଅବସରରେ ଉପସ୍ଥିତ ୧୯ଜଣ ବ୍ୟକ୍ତି ସାମାଜିକ ଦୂରତ୍ୱ ନିୟମ ପାଳନ କରି ନ ଥିବା ବେଳେ ମାତ୍ରାଧିକ ଡ୍ରଗ୍ସ ଥିବା ଜଣାପଡ଼ିଥିଲା। ଖବର ପାଇଁ ଉପସ୍ଥିବା ୨୩ ଜଣଙ୍କୁ ଗିରଫ କରାଯାଇଥିବା ସକ୍ସେନା କହିଛନ୍ତି।
