ମୁମ୍ବାଇ,୨।୨: ଗ୍ଲାମର ଦୁନିଆର ଫେମସ କପଲ ରଶ୍ମିକା ମନ୍ଦାନା ଏବଂ ବିଜୟ ଦେବରକୋଣ୍ଡା ସେମାନଙ୍କ ବିବାହ ଖବରକୁ ନେଇ ବେଶ ଚର୍ଚ୍ଚାରେ ରହିଛନ୍ତି । ନୂଆ ନୂଆ ତାରିଖକୁ ନେଇ ସସପେନ୍ସ ଜାରି ରହିଛି । ସେମାନେ ଦୁହେଁ ସେମାନଙ୍କ ଜୀବନର ଏକ ନୂତନ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି । ପ୍ରାୟ ଆଠ ବର୍ଷ ଧରି ଡେଟିଂ କରିବା ପରେ, ଏହି ଦମ୍ପତି ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।
କୁହାଯାଉଛି ଯେ ରଶ୍ମିକା ମନ୍ଦାନା ଏବଂ ବିଜୟ ଦେବରକୋଣ୍ଡାଙ୍କ ରାଜକୀୟ ବିବାହ ହେବ ।ଦମ୍ପତିଙ୍କ ଡେଷ୍ଟିନେସନ୍ ବିବାହ ଉଦୟପୁର ସିଟି ପ୍ୟାଲେସରେ ହେବ ବୋଲି ଚର୍ଚ୍ଚା ହେଉଛି । ତେବେ ଫେବୃଆରୀ ୨ ତାରିଖରେ ତାଙ୍କର ବିବାହ ହେବା ନେଇ ଅନେକ ଗଣମାଧ୍ୟମରେ ଚର୍ଚ୍ଚା ହେଉଥିଲା । ହେଲେ ଆଜି ପୁଣି ଆଉ ଏକ ନୂଆ ତାରିଖ ସାମ୍ନାକୁ ଆସିଛି । ଏକ ତେଲୁଗୁ ଗଣମାଧ୍ୟମର ରିପୋର୍ଟ ଅନୁସାରେ, ତାଙ୍କର ବିବାହ ଉଦୟପୁରରେ ହିଁ ହେବ କିନ୍ତୁ ଦୁଇ ତାରିଖ ବଦଳରେ ୨୬ ତାରିଖରେ ହେବ ।
ଏହି ବିବାହରେ କେବଳ ନିକଟ ସମ୍ପର୍କୀୟ ଏବଂ ଇଣ୍ଡଷ୍ଟ୍ରିର କିଛି ବଛା ବଛା ବ୍ୟକ୍ତି ଯୋଗ ଦେବେ । ଏହି ବିବାହ କୌଣସି ଗଣମାଧ୍ୟମ କଭରେଜ୍ ବିନା ବ୍ୟକ୍ତିଗତ ଭାବରେ ଆୟୋଜନ କରାଯାଉଛି । ଏହା ମଧ୍ୟ କୁହାଯାଉଛି ଯେ ବିବାହ ପରେ ଦମ୍ପତି ହାଇଦ୍ରାବାଦରେ ଏକ ଭବ୍ୟ ରିସେପ୍ସନ ପାର୍ଟିର ଆୟୋଜନ କରିବେ। ବର୍ତ୍ତମାନ ସୁଦ୍ଧା ଦମ୍ପତିଙ୍କ ପକ୍ଷରୁ କୌଣସି ସୂଚନା ପ୍ରଦାନ କରାଯାଇ ନାହିଁ ।
Dharitri – Odisha’s No.1 Odia Daily
