ବଲିଉଡ୍ର ସୁପରହିଟ୍ ଫିଲ୍ମ ‘ଆଶିକୀ’ର ଅଭିନେତା ରାହୁଲ ରୟଙ୍କ ଏକ ଫଟୋ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ନିଜେ ରାହୁଲ ଏହାକୁ ନିଜ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। ଫଟୋରେ ରାହୁଲଙ୍କୁ ୨ ପୋଲିସ କର୍ମଚାରୀ ବାଡାଉଥିବାର ଦେଖିବାକୁ ମିଳୁଛି। ମାତ୍ର ଫଟୋର ବାସ୍ତବତା ଆଉ କିଛି। ପ୍ରକୃତ କଥାହେଲା, ରାହୁଲ ‘ଦି ଓ୍ବାକ’ ନାମକ ଏକ ସିନେମାରେ ଅଭିନୟ କରୁଛନ୍ତି। ଏହା ହେଉଛି ଉକ୍ତ ଫିଲ୍ମର ଏକ ଦୃଶ୍ୟ। ‘ଦି ଓ୍ବାକ’ର କାହାଣୀ ୨ ପ୍ରବାସୀ ଶ୍ରମିକଙ୍କ ଉପରେ ଆଧାରିତ। ଏହି ଫଟୋକୁ ଶେୟାର କରି ରାହୁଲ ଲେଖିଛନ୍ତି, ଦି ଓ୍ବାକ୍….ନିର୍ଦ୍ଦେଶକ ନିତିନ ଗୁପ୍ତା, ନିଓଲ ଫିଲ୍ମସ୍…ଟିମ୍ ଏଫର୍ଟସ ପାଇଁ ମୁଁ ଗର୍ବିତ।
