କେନ୍ଦ୍ରାପଡା,୨୬।୨ (ଜଗନ୍ନାଥ ଧଳ): କେନ୍ଦ୍ରାପଡା ସଦର ଥାନା ଅନ୍ତର୍ଗତ ଗଣ୍ଡାକିଆ କେନାଲ ରାସ୍ତ ରାସ୍ତାର ଓସ୍ତପୁର ଠାରେ ବୋଲେରୋ ଗାଡି ସୋମବାର ସକାଳେ ଦୁର୍ଘଟଣାଗସ୍ତ ହୋଇଛି। ଏହି ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ହୋଇଛି। ଏଥିସହିତ ନରଣପୁର ଗ୍ରାମର ଉତମ କୁମାର ସ୍ବାଇଁ, ଉତ୍କଳ କୁମାର ସ୍ବାଇଁ, କଟକ ଜିଲା ନେମାଳ ଗ୍ରାମର କୁସୁମ ଆଚାର୍ଯ୍ୟ ଓ ରୁବି ଗୁରୁତର ହୋଇଛନ୍ତି। ଜିଲା ମେଡିକାଲରେ ପ୍ରାଥମିକ ଚିକିତ୍ସା ପରେ ଗୁରୁତରଙ୍କ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି। ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ ।
ମିଳିଥିବା ସୂଚନା ଅନୁଯାୟୀ ନେମାଳ ଗ୍ରାମର କେତେକ କଳାକାଳ ନରଣପୁରକୁ ମଞ୍ଚ କଳାକାର ନୃତ୍ୟ କଳା ପ୍ରଦର୍ଶନ ପାଇଁ ଆସିଥିଲେ। ସକାଳ ପ୍ରାୟ ୬ଟା ସମୟରେ ବେଲେରୋ (ନଂ-ଓଡି୦୫ ବିଏ ୮୯୦୧) ନରଣପୁରରୁ ବାହାରି ନେମାଳକୁ ଯାଉଥିଲା । ଓସ୍ତପୁରଠାରେ ଏହି ଗାଡି ଭାରସାମ୍ୟ ହରାଇ ଗଛରେ ପିଟି ହୋଇଥିଲା। ଗାଡିରୁ ମୃତାହତଙ୍କୁ ଦମକଳବାହିନୀ ଓ ଆମ୍ବୁଲାନ୍ସ ଦ୍ୱାରା ଉଦ୍ଧାର କରାଯାଇ ଜିଲା ମୁଖ୍ୟ ଚିକିତ୍ସାଳୟକୁ ପଠାଯାଇ ଥିଲା। ଏହି ଦୁର୍ଘଟଣା ସମ୍ପର୍କରେ ସଦର ଥାନା ପୋଲିସ ତଦନ୍ତ ଆରମ୍ଭ କରିଛି।
