ଭବାନୀପାଟଣା,୨୩।୮(ସ୍ବ.ପ୍ର): ନବଜାତ ଶିଶୁକୁ ମାରି ଫିଙ୍ଗିଦେବା ଘଟଣା କଳାହାଣ୍ଡି ଜିଲାରେ ନୂଆନୁହେଁ l ଗତବର୍ଷ କଳାହାଣ୍ଡିର ବିଭିନ୍ନ ସ୍ଥାନରୁ ନଜଜାତ ଶିଶୁଙ୍କ ମୃତଦେହ ଠାବ ହୋଇଥିଲା l ଏହାକୁ ନେଇ କଳାହାଣ୍ଡି ଜିଲା ରାଜ୍ୟରେ ଚର୍ଚ୍ଚାର ପରିସରକୁ ଆସିଥିଲା l ପରେ ଏଭଳି ଘଟଣା କିଛି ମାତ୍ରାରେ କମିଥିଲେ ମଧ୍ୟ ପୁଣି ଜିଲାରେ ଲଜ୍ଜାଜନକ ଘଟଣା ସାମ୍ନାକୁ ଆସିଛି l ଏବେ କିନ୍ତୁ କୌଣସି ସହରରେ ନୁହେଁ, ସଦର ମହକୁମାଠାରୁ ମାତ୍ର ୧୨ କି.ମି. ଦୂର ଗୋଟିଏ ଗାଁର ଘଟଣା l
ସୂଚନା ମୁତାବକ ଭବାନୀପାଟଣା ବ୍ଲକ ଅଧୀନ କରାଟିକିଲି ଗାଁର ମହାବନ୍ଧ ପୋଖରୀ ହୁଡାରେ ସୋମବାର ରାତିରେ ଏକ ନଜଜାତ ଶିଶୁର ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଏନେଇ ଭବାନୀପାଟଣା ସଦର ଥାନାକୁ ଫୋନ କରି ଜଣାଇଥିଲେ। ଖବର ପାଇ ସଦର ଥାନା ଆଇଆଇସି ରଶ୍ମିତା ପ୍ରଧାନ ଏବଂ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ନବଜାତ ଶିଶୁର ମୃତଦେହ ଉଦ୍ଧାର କରିଥିଲେ। ଏନେଇ ପୋଲିସ ପକ୍ଷରୁ ଏକ ମାମଲା ରୁଜୁ ହୋଇ ତଦନ୍ତ ଆରମ୍ଭ ହୋଇଛି।
