କୋରାପୁଟ,୨୮ା୧୦: କୋରାପୁଟ ଜିଲାର ପାଡୁଆ ଥାନା ଅନ୍ତର୍ଗତ ଜଲାପୁଟ ଜଳଭଣ୍ଡାରରେ ଏକ ଦେଶୀ ଡଙ୍ଗାବୁଡ଼ି ୩ ଜଣ ଯୁବକ ନିଖୋଜ ହୋଇଥିବା ବେଳେ ମଙ୍ଗଳବାର ଜଣଙ୍କର ମୃତଦେହ ଉଦ୍ଧାର ହୋଇଥିବାବେଳେ ବୁଧବାର ପୁଣି ଜଣଙ୍କ ମୃତଦେହ ଉଦ୍ଧାର ହୋଇଛି ା ଏହି ମୃତଦେହଟି ପ୍ରଶାନ୍ତ ଖରାଙ୍କର। ତାଙ୍କ ଘର ପାଡୁଆ ଉପରସାହି ବୋଲି ପାଡୁଆ ଥାନା ପକ୍ଷରୁ ଜଣାଯାଇଛି। ବୁଧବାର ସ୍ଥାନୀୟ ଅଗ୍ନିଶମ ବିଭାଗ ଓ କୋରାପୁଟ ଓଏସ୍ଏପି ତୃତୀୟ ବାଟାଲିଆନ ମିଳିତ ଭାବେ ପ୍ରଶାନ୍ତଙ୍କ ମୃତଦେହ ଉଦ୍ଧାର କରିଛନ୍ତି।
ସୂଚନାଯୋ୍ୟ, ଗତ ରବିବାର ରାତିରେ ପାଡୁଆ ଉପରସାହିର ୫ ଜଣ ଯୁବକ ଏକ ଦେଶୀ ଡଙ୍ଗାରେ ଜଲାପୁଟ ଜଳଭଣ୍ଡାରର ରାମତା ଗ୍ରାମକୁ ଯାଉଥିବାବେଳେ ଡଙ୍ଗାଟି ଭାରସାମ୍ୟ ହରାଇ ବୁଡିଯାଇଥିଲା। ଯାହା ଫଳରେ ୩ ଜଣ ଯୁବକ ନିଖୋଜ ହୋଇଯାଇଥିଲେ। ମନୋଜ ହନ୍ତାଳ ଓ ଅଭୟ ହନ୍ତାଳ ପହଁରି ପହଁରି କୂଳକୁ ଆସିଥିଲେ। ଘଟଣା ସମ୍ପର୍କରେ କାହାରିକୁ କିଛି କହି ନ ଥିଲେ। ପରେ ନିଖୋଜ ଯୁବକମାନେ ହେଲେ ପ୍ରଶାନ୍ତ, ଚିତ୍ତ ଓ ମନୋଜକୁ ନେଇ ସଂପୃକ୍ତ ପରିବାର ପକ୍ଷରୁ ପଚରାଉଚରା କରାଯିବା ପରେ ଉଦ୍ଧାର ପାଇଥିବା ଏହି ଦୁଇ ଯୁବକ ଏହି ଘଟଣା ରବିବାର ଅପରାହ୍ନରେ ଘଟିଥିବା ପ୍ରକାଶ କରିଥିଲେ ା କିନ୍ତୁ ଭୟରେ କାହାରିକୁ କହି ନ ଥିଲେ। ପାଡୁଆ ଥାନାରେ ସୋମବାର ରାତିରେ ନିଖୋଜ ଯୁବକଙ୍କ ପରିବାର ପକ୍ଷରୁ ସ୍ଥାନୀୟ ପାଡୁଆ ଥାନାରେ ଏତଲା ଦିଆଯିବା ପରେ ମଙ୍ଗଳବାର ସକାଳୁ କୋରାପୁଟ ଓଡ୍ରାଫ ଟିମ୍ ଘଟଣାସ୍ଥଳରେ ପହଞ୍ଚି ତଲାସି କାର୍ଯ୍ୟ ଜାରି ରଖିଥିବାବେଳେ ପ୍ରଶାନ୍ତଙ୍କ ମୃତଦେହ ମିଳିଥିବାବେଳେ ବୁଧବାର ପୁଣି ଓଡ୍ରାଫ୍ ଟିମ୍ର ହାବିଲଦାର ଗୋପାଳ ନାୟକଙ୍କ ନେତୃତ୍ୱରେ ପ୍ରଶାନ୍ତ ଖରାଙ୍କ ମୃତଦେହ ଉଦ୍ଧାର ହୋଇଥିବା ନନ୍ଦପୁର ତହସିଲଦାର ନରସିଂହ ଗଦବା ପ୍ରକାଶ କରିଛନ୍ତି।
