ପାଟଣା,୧୮।୮(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ନିର୍ବାଚନ ମଣ୍ଡଳୀରେ ପଞ୍ଚାୟତ ନିର୍ବାଚନ ପୂର୍ବରୁ ରାଜନୈତିକ ହଲଚଲ ଦେଖା ଦେଇଛି। ରବିବାର ପାଟଣା ଏବଂ ସାହାରପଡ଼ା ବ୍ଲକରୁ ବିଜେଡି ଓ ଭାଜପା ଛାଡି କେତେକ ନେତା ଭୁବନେଶ୍ୱରଠାରେ କଂଗ୍ରେସରେ ଯୋଗ ଦେଇଥିବା ବେଳେ ସୋମବାର ରାଜ୍ୟ ଭାଜପା କାର୍ଯ୍ୟାଳୟ ଭୁବନେଶ୍ୱରଠାରେ ବିଜେଡି ଛାଡି କେତେକ ନେତା ଭାଜପାରେ ସାମିଲ ହୋଇଛନ୍ତି। ଫଳରେ ବିଜେଡି ପାଟଣା ନିର୍ବାଚନ ମଣ୍ଡଳୀରେ ଦୁର୍ବଳ ହୋଇଥିବା ଆଲୋଚନା ଆରମ୍ଭ ହୋଇଯାଇଛି।
ବିଜେଡି ଛାଡି ଭାଜପାରେ ଯୋଗ ଦେଇଥିବା ନେତାଙ୍କ ମଧ୍ୟରେ ରହିଛନ୍ତି ପାଟଣା ବ୍ଲକ ଅଧ୍ୟକ୍ଷା ବୀଣା ପାଣି ନାୟକ, ତାଙ୍କ ସ୍ବାମୀ ପୂର୍ବତନ ବ୍ଲକ ଅଧ୍ୟକ୍ଷ ବିଶନାଥ ନାୟକ। ଏପରିକି ପାଟଣା ବ୍ଲକର ୧୦ ସରପଞ୍ଚ, ୧୧ସମିତି ସଭ୍ୟ। ସେମାନେ ହେଲେ ଚିନାମାଳି ପଶି ସରପଞ୍ଚ ଝୁମିତା ନାଏକ, ମୁଷଖୋରି ସରପଞ୍ଚ ଭାମା ମଣି ଦାସ, ପଲାଣ ଘାଟିର ରାଉତ ମୁଣ୍ଡା, ମୁରୁସୁଆଁ ହରିଶଙ୍କର ଦେହୁରୀ, ତୁରୁମୁଙ୍ଗାର ସୁଲେଖା ନାଏକ, ବୁଢ଼ୀକାପୁଡି ମମତା ନାଏକ, ଚେମେଣାର ହେମଲତା ନାଏକ, ବାଉଁଶୁଳୀ ସୁଜାତା ସର୍ଦ୍ଦାର, ରାଜନଗର ସୁଧାଂଶୁ ଶେଖର ନାଏକ, ଚାକୁଣ୍ଡାପାଳର ରକ୍ଷାମଣି ନାଏକ।
ସେହିପରି ତୁରୁମୁଙ୍ଗାର ସମିତି ସଭ୍ୟାସଭ୍ୟଙ୍କ ମଧ୍ୟରେ ଅଛନ୍ତି ଆଶୁମତି ସାହୁ, କେନ୍ଦେଇପୋଶି ପ୍ରଦୀପ ନାଏକ, ଟାଙ୍ଗରପଡ଼ାର ଭାଗବତ ନାଏକ, ଚାକୁଣ୍ଡା ପାଳ ଉତ୍ତମ ଚନ୍ଦ୍ର ବେହେରା, ମିରିଗିଖୋଜିର ଦ୍ରୌପଦି ମହାନ୍ତ, କଣ୍ଟିଆପଡ଼ାର ସଞ୍ଜୁ ମହାନ୍ତ, ଏରେଣ୍ଡେଇର ଜମ୍ବୁ ନାଏକ, ଡୁମୁରିଆ ଜୟନ୍ତୀ ନାଏକ, ଚୀନା ମାଳି ପୋଷି ଚନ୍ଦ୍ର ମଣି ପାତ୍ର ।
ସେହିପରି ଜଣା ଶୁଣା ବ୍ୟକ୍ତିଙ୍କ ମଧ୍ୟରେ ପାଟଣାର ସମବାୟବିତ ଦିନ ବନ୍ଧୁ ମିଶ୍ର, ଘନ ଶ୍ୟାମ ମିଶ୍ର, ପୂର୍ବତନ ସାହାରପଡା ବ୍ଲକ ଅଧ୍ୟକ୍ଷା ରମ୍ଭା ବତୀ ଦେହୁରୀ, ବିଜେଡି ନେତା ଭାଗିରଥି ଦାଶ, ଉଦୟପୁର କଂଗ୍ରେସ ନେତା ରବି ବୋଘେଲ, ଗୋରାସର ନାରାୟଣ ନାଏକ।
ସାହାରପଡ଼ା ବ୍ଲକ ଡାଳପକା ସମିତି ସଭ୍ୟ ଦିପୁ ମହାନ୍ତ, ଦାମହୁଦାର ପରେଶ ଚନ୍ଦ୍ର ସେଠୀ, ତେଣ୍ଡରାର ଲଳିତ ମୁଣ୍ଡା, ଉଦୟ ପୁରର ରିନୁ ମୁଣ୍ଡା, ମାଛଗଡର ଟିପୁ ନାଥ ହୋ, ଖୁଣ୍ଟାପଡ଼ାର ନିରଞ୍ଜନ ଲୋହାର, ଖଜିରା ପାଟର ଅଞ୍ଜୁଲତା ନାଏକ। ସାହାର ପଡ଼ା ବ୍ଲକ ରାଇଡିହା ସରପଞ୍ଚ ବିଜୁ ନାଏକ, ଗୋରାସର ଜଳଧର ନାଏକଙ୍କ ସହ ଚମ୍ପୁଆ ବ୍ଲକର ଅନେକ ନେତା ଭାଜପାରେ ଯୋଗ ଦେଇଛନ୍ତି।
ଏହି ଅବସରରେ ରାଜ୍ୟ ଭାଜପା ପ୍ରଭାରୀ ବୀଜୟ ପାଲସିଂ ତୋମାର, ରାଜ୍ୟ ଭାଜପା ଉପସଭାପତି ବିରଞ୍ଚି ତ୍ରିପାଠୀ, ରାଜ୍ୟ ସମ୍ପାଦକ ସରୋଜ କର, ପାଟଣା ବିଧାୟକ ଅଖିଳ ଚନ୍ଦ୍ର ନାଏକ, ତେଲକୋଇ ବିଧାୟକ ଡାକ୍ତର ଫକୀର ଚରଣ ନାଏକ, ରାଜ୍ୟ କୃଷକ ମୋର୍ଚ୍ଚା ଉପସଭାପତି ରାଧାକାନ୍ତ ମହାନ୍ତ, ପାଟଣା ବିଧାୟକଙ୍କ ପ୍ରତିନିଧି କମଳା କାନ୍ତ ଦାଶ, ପୂର୍ବତନ ସାହାରପଡ଼ା ବ୍ଲକ ଅଧକ୍ଷ ଗୌତମ ନାଏକ ପ୍ରମୁଖ ଉପସ୍ଥିତ ରହି ନୂତନ ଭାବେ ଯୋଗଦେଇଥିବା କର୍ମକର୍ତ୍ତାଙ୍କୁ ଉତ୍ତରୀୟ ଦେଇ ସ୍ବାଗତ କରିଥିଲେ।
