ନୂଆଦିଲ୍ଲୀ,୭।୩ : ମଙ୍ଗଳବାର କଂଗ୍ରେସ ୱାଶିଂ ପାଉଡର ଥିବା ଏକ ବିଜ୍ଞାପନକୁ ନେଇ ଭାଜପାକୁ କଡ଼ା ସମାଲୋଚନା କରିଛି। ସେ କଂଗ୍ରେସ ମହାସଚିବ ଜୟରାମ ରମେଶ କହିଛନ୍ତି ଭାଜପାର ରାଜ୍ୟ ସରକାର ଡବଲ ୱାଶିଂ ମେଶିନ ସିଷ୍ଟମ ଛଡା ଆଉ କିଛି ନୁହେଁ । ଯାହାଦ୍ୱାରା ଅତୀତର ପାପ ଧୋଇ ହୋଇଯାଏ।
ୱାଶିଂ ପାଉଡର ବିଜ୍ଞାପନର ଏକ ଗ୍ରାଫିକ ଟୱିଟରରେ ପୋଷ୍ଟ କରିଛନ୍ତି, ଯେଉଁଥିରେ କ୍ୟାପଶନରେ କୁହାଯାଇଛି ଯେ ଭାଜପା ଧଳା ହୋଇଯାଇଛି। ଦଳର କଳଙ୍କିତ ନେତା ନିଜର ପାପ ଧୋଇ ସଫା ହୋଇ ଧଳା ହୋଇଯାଇଛନ୍ତି।
କଂଗ୍ରେସର ଏହି ସମାଲୋଚନା ଏପରି ଏକ ସମୟରେ କରାଯାଇଛି ଯେତେବେଳେ ଉତ୍ତର-ପୂର୍ବରେ ତିନିଟି ରାଜ୍ୟରେ ସରକାର ଶପଥ ଗ୍ରହଣ କରିବା ଧାରା ଜାରି ରହିଛି। ଏଥି ମଧ୍ୟରେ ଏନପିପି ମୁଖ୍ୟ କୋନରାଡ ସାଙ୍ଗମାଙ୍କ ନେତୃତ୍ୱରେ ମେଘାଳୟ ସରକାର ଅନ୍ତର୍ଭୁକ୍ତ। ମେଘାଳୟର ସାଙ୍ଗମା ନେତୃତ୍ୱାଧୀନ ସରକାରକୁ ଭାଜପା ସମର୍ଥନ କରୁଛି। ଏହାକୁ ନେଇ କଂଗ୍ରେସ କହିଛି ଯେ କିଛି ଦିନ ପୂର୍ବରୁ ଭାଜପାର ସର୍ବୋଚ୍ଚ ନେତୃତ୍ୱ ସେମାନଙ୍କ ସରକାରକୁ ସବୁଠାରୁ ଦୁର୍ନୀତିଗ୍ରସ୍ତ ବୋଲି କହିଥିଲେ ଏବଂ ବର୍ତ୍ତମାନ ଭାଜପା କ୍ଷମତା ଲୋଭରେ ସେମାନଙ୍କ ସହ ହାତ ମିଳାଇଛି।
