ନୂଆଦିଲ୍ଲୀ,୮।୨: ଭାରତ ଯୋଡ ନ୍ୟାୟା ଯାତ୍ରା ସମୟରେ କଂଗ୍ରେସ ନେତା ରାହୁଲ ଗାନ୍ଧୀ ତାଙ୍କ ଜାତି ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଥିଲେ। ସେ ଅଭିଯୋଗ କରିଛନ୍ତି, ପ୍ରଧାନମନ୍ତ୍ରୀ ମୋଦି ଓବିସିରେ ଜନ୍ମ ହୋଇନାହାଁନ୍ତି। ଗୁଜୁରାଟର ମୁଖ୍ୟମନ୍ତ୍ରୀ ହେବା ପରେ ସେ ତାଙ୍କ ଜାତିକୁ ଓବିସି ଭାବରେ ସୂଚିତ କରିଥିଲେ।
ଏବେ ତାଙ୍କ ବିବୃତ୍ତିରେ ଭାଜପା ପୁଣିଥରେ ଗରମ ହୋଇଛି। ଭାଜପା କହିଛି, ଏହା ଏକ ମିଥ୍ୟା। ଗୁଜରାଟର ମୁଖ୍ୟମନ୍ତ୍ରୀ ହେବାର ଦୁଇ ବର୍ଷ ପୂର୍ବରୁ ୨୭ ଅକ୍ଟୋବର ୧୯୯୯ରେ ପ୍ରଧାନମନ୍ତ୍ରୀ ମୋଦିଙ୍କ ଜାତି ଓବିସି ଭାବରେ ସୂଚିତ କରାଯାଇଥିଲା।
କଂଗ୍ରେସ ଏମପି ରାହୁଲ ଗାନ୍ଧୀ କହିଥିଲେ, ପ୍ରଧାନମନ୍ତ୍ରୀ ମୋଦି ସଂସଦରେ କହିଛନ୍ତି ଯେ ଓବିସି ଶ୍ରେଣୀର ଅଂଶଗ୍ରହଣ କାହିଁକି ଦରକାର। ସେ କୁହନ୍ତି, ମୁଁ ଜଣେ ଓବିସି। ମୋଦିଜୀ ଗୁଜୁରାଟର ଏକ ତେଲି ଜାତି ପରିବାରରେ ଜନ୍ମଗ୍ରହଣ କରିଥିଲେ। ତାଙ୍କ ସମ୍ପ୍ରଦାୟକୁ ଭାଜପା ପକ୍ଷରୁ ୨୦୦୦ରେ ଓବିସି କରାଯାଇଥିଲା। ପ୍ରଧାନମନ୍ତ୍ରୀ ସାଧାରଣ ଜାତିରେ ଜନ୍ମଗ୍ରହଣ କରିଥିଲେ। ସେ କୌଣସି ଓବିସିକୁ ଆଲିଙ୍ଗନ କରନ୍ତି ନାହିଁ କିମ୍ବା କୌଣସି ଚାଷୀଙ୍କ ହାତ ଧରିନଥିଲେ।
ସେ ଆହୁରି ମଧ୍ୟ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାତଗତ ଜନଗଣନା କରିବେ ନାହିଁ। କେବଳ ଜନଗଣନା କଂଗ୍ରେସ କରିବ। ସେ ପଛୁଆବର୍ଗଙ୍କ ଅଧିକାର ଏବଂ ଭାଗିଦାରୀକୁ ନ୍ୟାୟ ଦେଇ ପାରିବେ ନାହିଁ। ଯେତେବେଳେ ମୋଦି କହିଛନ୍ତି ଯେ କେବଳ ଦୁଇଟି ଜାତି ଅଛନ୍ତି। ଦେଶରେ ଗରିବ ଏବଂ ଧନୀ ତେବେ ସେମାନେ କେଉଁଠାରେ ଓବିସି ହୋଇଗଲେ ବୋଲି ରାହୁଲ ପ୍ରଶ୍ନ କରିଛନ୍ତି।
