ହ୍ୟାଟ୍ରିକ୍‌ କରିବାକୁ ବିଜେଡିର ଉଦ୍ୟମ

ଗୁଣପୁର,୩ା୨(ଡି.ଏନ୍‌.ଏ.) ରାୟଗଡ଼ା ଜିଲା ଗୁଣପୁର ‘ଖ’ ଜୋନ୍‌ ଜିଲା ପରିଷଦ ପାଇଁ ୧୮ ରେ ନିର୍ବାଚନ ଅନୁଷ୍ଠିତ ହେବ। ଏଥିଲାଗି ୩ ପ୍ରମୁଖ ଦଳ ବିଜେଡି, କଂଗ୍ରେସ ଏବଂ ଭାଜପା ପକ୍ଷରୁ ପ୍ରଚାର ଜୋରାଦାର କରାଯାଇଛି। ପ୍ରାର୍ଥୀମାନେ ସେମାନଙ୍କ ସମର୍ଥକଙ୍କୁ ନେଇ ଘରକୁ ଘର ଯାଇ ପ୍ରଚାର କରୁଛନ୍ତି। ଏହି ଜୋନ୍‌ରେ ୮ ପଞ୍ଚାୟତ ଯଥା ମରମା, ଗୋଠଳପଦର, ଜଗନ୍ନାଥପୁର, ଶିରିଝୋଲି, ରେଗେଡ଼ା, ଗାଦିଆଖଳା, ଚିନାସାରି ଏବଂ କୁଲୁସିଂ ପଞ୍ଚାୟତ ରହିଛି। ଏହି ଜୋନରେ ୨୩,୨୭୨ ଭୋଟର ରହିଥିବାବେଳେ ମହିଳା ଭୋଟରଙ୍କ ସଂଖ୍ୟା ସର୍ବାଧିକ ୧୨,୧୬୯ ଏବଂ ଦୁଇ କିନ୍ନର ଭୋଟର ରହିଛନ୍ତି। ଏହି ଆସନ ଏବେ ମହିଳାଙ୍କ ପାଇଁ ସଂରକ୍ଷିତ ରହିଛି।
ଜୋନ୍‌ରେ ୪ ପ୍ରାର୍ଥୀ ମଇଦାନକୁ ଓହ୍ଲାଇଛନ୍ତି। ବିଜେଡି ପକ୍ଷରୁ ଗଦିଆଖଳା ପଞ୍ଚାୟତ ପ୍ରଧାନିଗୁଡ଼ା ଗ୍ରାମର ରଶ୍ମିରେଖା ଶତପଥୀ, କଂଗ୍ରେସ ପକ୍ଷରୁ ଗୋଠଳପଦର ପଞ୍ଚାୟତ କୁକୁରୁଗୁଡ଼ା ଗ୍ରାମର କୁନି ନିମାଲା, ଭାଜପା ପକ୍ଷରୁ ରେଗେଡ଼ା ଗ୍ରାମର ସଞ୍ଜୁ ତଇକା ଏବଂ ବିଏସ୍‌ପି ପକ୍ଷରୁ ଚିନାସାରି ପଞ୍ଚାୟତ ବାଙ୍କଡ଼ା ଗ୍ରାମର ବିନିମା ଶବର ପ୍ରାର୍ଥୀ ରହିଛନ୍ତି। ୨୦୦୭ରୁ ବିଜେଡି ଏଠାରେ ବିଜୟୀ ହୋଇଆସୁଛି। ଏବେ ତୃତୀୟ ଥର ପାଇଁ ଦଳ ଏହି ଆସନରେ ବିଜୟୀ ହୋଇ କରି ହ୍ୟାଟ୍ରିକ୍‌ କରିବାକୁ ଉଦ୍ୟମ ଚଳାଇଛି। ଏହି ଜୋନ୍‌ ଆଦିବାସୀ ବହୁଳ ଅଞ୍ଚଳ। ତଥାପି ଏହି ଅଞ୍ଚଳ ପ୍ରଥମ ଥର ପାଇଁ ମହିଳାଙ୍କ ନିମନ୍ତେ ସଂରକ୍ଷିତ ରହିବାରୁ ବିଜେଡି ପକ୍ଷରୁ ସାଧାରଣ ବର୍ଗର ମହିଳାଙ୍କୁ ପ୍ରାର୍ଥୀ କରାଯାଇଛି। ତେବେ କଂଗ୍ରେସ, ଭାଜପା ଏବଂ ବିଏସ୍‌ପି ପକ୍ଷରୁ ଆଦିବାସୀ ମହିଳା ପ୍ରାର୍ଥୀ ହୋଇଛନ୍ତି। ସମସ୍ତ ପ୍ରାର୍ଥୀ ଚଳିତ ଥର ପ୍ରଥମ ଥର ପାଇଁ ନିର୍ବାଚନ ଲଢ଼ୁଛନ୍ତି। ଭାଜପା ଏବଂ କଂଗ୍ରେସ ପକ୍ଷରୁ ବିଜେଡିର ବିଜୟ ଅଭିଯାନ ଉପରେ ଅଙ୍କୁଶ ଲଗାଇବା ଉଦ୍ୟମ ଚାଲିଛି। କଂଗ୍ରେସ ପକ୍ଷରୁ ପୂର୍ବତନ ଜିଲା ପରିଷଦ ଅଧ୍ୟକ୍ଷ ବିଜୟ ଗମାଙ୍ଗ ଏବଂ ଭାଜପା ପକ୍ଷରୁ ଜିଲା ଉପସଭାପତି ୱାଇ.ଗଣପତି ଦୁଇ ଦଳର ନିର୍ବାଚନ ମଙ୍ଗ ସମ୍ଭାଳିଛନ୍ତି। ବିଜେଡି ରାଜ୍ୟ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ କହି ଲୋକଙ୍କ ମନ ଜିଣିବାକୁ ଚାହୁଁଥିବାବେଳେ ଭାଜପା କେନ୍ଦ୍ର ସରକାରଙ୍କ ସଫଳତା ଏବଂ ରାଜ୍ୟ ସରକାରଙ୍କ ବିଫଳତାକୁ ଆୟୁଧ କରିଛି। ସେହିପରି କଂଗ୍ରସେ ଉଭୟ ରାଜ୍ୟ ଏବଂ କେନ୍ଦ୍ର ସରକାରଙ୍କ ବିଫଳତାକୁ ନେଇ ନିର୍ବାଚନି ପ୍ରସଙ୍ଗ କରିଛି। ଗତ ନିର୍ବାଚନରେ ବିଜେଡିର ବିଦ୍ରୋହି ପ୍ରାର୍ଥୀଭାବେ ତ୍ରିନାଥ ଶବର ପ୍ରତିଦ୍ବନ୍ଦ୍ୱୀତା କରିବା ସତ୍ତ୍ବେ ଏଠାରେ ଦଳକୁ କୌଣସି ଫରକ ପଡ଼ି ନ ଥିଲା। ଅଶ୍ୱିନି ଗମାଙ୍ଗ ବିଜୟ ଲାଭ କରିଥିଲେ। ଦ୍ବିତୀୟରେ ତ୍ରିନାଥ ଶବର, ତୃତୀୟରେ କଂଗ୍ରେସର କାଲେବ ଶବର, ୪ର୍ଥରେ ଭାଜପାର ଈଶ୍ୱର ଗମାଙ୍ଗ ଏବଂ ୫ମ ସ୍ଥାନରେ ସ୍ବାଧୀନ ପ୍ରାର୍ଥୀ ରହିଥିଲେ। ତେଣୁ କଂଗ୍ରେସ ଏବଂ ଭାଜପା ଜୋନ୍‌ରେ ବିଜେଡି ଗଡ଼କୁ ଭାଙ୍ଗି ନିଜ ନିଜ ସପକ୍ଷରେ ନେବାକୁ ଅଣ୍ଟା ଭିଡ଼ିଛନ୍ତି। ଆଗକୁ କେତେ ସଫଳ ଏବଂ ବିଫଳ ହେଉଛନ୍ତି ତାହାକୁ ଅପେକ୍ଷା।


Enter your email to get our daily news in your inbox.

All Right Reserved By Dharitri.Com

ପୂର୍ବରୁ ଥିଲା ଶତ୍ରୁତା, ବଚସା ପରେ ଯୁବକଙ୍କୁ ମଦ କାଚ ଭୁସି ହତ୍ୟା

ରାୟଗଡ଼ା,୨୭।୩(ଆଶିଷ ରଞ୍ଜନ ପଣ୍ଡା)-ରାୟଗଡ଼ା ସହରର ରାମକୃଷ୍ଣ ନଗରରେ ଜଣେ ଯୁବକଙ୍କୁ ମଦ କାଚରେ ଭୁସି ହତ୍ୟା କରାଯାଇଛି। ମୃତ ଯୁବକ ହେଲେ କ୍ରିଷ୍ଣା କଣ୍ଡାଗରି (୩୦)।...

କୋରାପୁଟ ଲୋକସଭା ଆସନ: ୩ ଆଶାୟୀଙ୍କ ମଧ୍ୟରୁ କାଳୀରାମଙ୍କ ଉପରେ ଆସ୍ଥା ପ୍ରକଟ କଲା ଭାଜପା

ରାୟଗଡ଼ା,୨୪।୩(ଆଶିଷ ରଞ୍ଜନ ପଣ୍ଡା)-ପଞ୍ଚମ ପର୍ଯ୍ୟାୟରେ ରାଜ୍ୟର ବିଭିନ୍ନ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି ଭାଜପା। କୋରାପୁଟରୁ ଜଣେ ମହିଳାଙ୍କ ସମେତ ୩ ପ୍ରମୁଖ...

ଚିଟ୍‌ଫଣ୍ଡ ନାଁରେ ୫କୋଟି ଠକେଇ, ମହିଳା ଫେରାର

ରାୟଗଡ଼ା,୨୩ା୩(ଆଶିଷ ରଞ୍ଜନ ପଣ୍ଡା): ବେଆଇନ ଭାବେ ଚାଲିଥିବା ଚିଟ୍‌ଫଣ୍ଡ ସ୍କିମ୍‌ ଓ ସୁଧ କାରବାର ଉପରେ କୌଣସି ଅଙ୍କୁଶ ଲଗାଯାଇ ନ ଥିବାରୁ ଦିନକୁ ଦିନ...

ମା’ ମଝିଘରିଆଣୀ ହୁଣ୍ଡି ଟଙ୍କା ଗଣତି ଶେଷ: ବାହାରିଲା ୮୯ଲକ୍ଷରୁ ଊର୍ଦ୍ଧ୍ୱ ଟଙ୍କା

ରାୟଗଡ଼ା,୧୮।୩(ରଞ୍ଜନ ପଣ୍ଡା): ରାୟଗଡ଼ା ଜିଲା ଅଧିଷ୍ଠାତ୍ରୀ ଦେବୀ ମା’ ମଝିଘରିଆଣୀ ମନ୍ଦିର ହୁଣ୍ଡି ଟଙ୍କା ଗଣତି ସୋମବାର ଶେଷ ହୋଇଛି। ମା’ ମଝିଘରିଆଣୀଙ୍କ ଚୈତ୍ର ଯାତ୍ରା...

ମା’ ମଝିଘରିଆଣୀ ମନ୍ଦିର ହୁଣ୍ଡି ଗଣତି ଆରମ୍ଭ

ରାୟଗଡ଼ା,୧୮ା୩(ଆଶିଷ ରଞ୍ଜନ ପଣ୍ଡା): ରାୟଗଡ଼ା ଜିଲାର ଅଧିଷ୍ଠାତ୍ରୀ ଦେବୀ ମା’ ମଝିଘରିଆଣୀ ମନ୍ଦିର ହୁଣ୍ଡି ସୋମବାର ଖୋଲାଯାଇଛି। ଏହି ଗଣତିରେ ଉତ୍କଳ ଗ୍ରାମୀଣ ବ୍ୟାଙ୍କର କର୍ମଚାରୀଙ୍କ...

ହାର୍ଡଓ୍ବୟାର ଦୋକାନରେ ଜିଏସ୍‌ଟି ଚଢ଼ାଉ

ରାୟଗଡ଼ା,୧୬ା୩(ଆଶିଷ ରଞ୍ଜନ ପଣ୍ଡା): ରାୟଗଡ଼ା ସହର ନ୍ୟୁ କଲୋନୀସ୍ଥିତ ଫେୟାର ଡିଲ୍‌ କର୍ପୋରେଶନ ଦୋକାନରେ ଶନିବାର ଜିଏସ୍‌ଟି ଚଢ଼ାଉ ହୋଇଛି। ରାୟଗଡ଼ାସ୍ଥିତ ଜିଏସ୍‌ଟି ଏନଫୋର୍ସମେଣ୍ଟ ଡେପୁଟି...

ଭାଜପା ଆଶାୟୀଙ୍କ ସହ ଯୋଡ଼ିହେଲେ ତ୍ରିନାଥ

ରାୟଗଡ଼ା/ଗୁଣପୁର,୧୬।୩(ଆଶିଷ ରଞ୍ଜନ ପଣ୍ଡା/ପ୍ରଦୀପ କୁମାର ପାଢ଼ୀ): ରାୟଗଡ଼ା ଜିଲା ଗୁଣପୁରର ପୂର୍ବତନ ବିଧାୟକ ତ୍ରିନାଥ ଗମାଙ୍ଗ ବିଜେଡି ଛାଡ଼ି ଶୁକ୍ରବାର ବିଧିବଦ୍ଧ ଭାବେ ଭାଜପାରେ ଯୋଗ...

ପ୍ରମୁଖ ଦଳ ଆଶାୟୀଙ୍କ ମେଣ୍ଟ ମନ୍ତବ୍ୟ, ଟିକେଟ ମିଳିଲେ କ’ଣ କରିବେ?

ରାୟଗଡ଼ା,୧୪।୩(ଆଶିଷ ରଞ୍ଜନ ପଣ୍ଡା): ୩ ପ୍ରମୁଖ ରାଜନୈତିକ ଦଳ ବିଜେଡି, ଭାଜପା ଓ କଂଗ୍ରେସର ଆଶାୟୀମାନେ ଲୋକ ସଭା ଓ ବିଧାନସଭା ଆସନରେ ପ୍ରାର୍ଥୀ ହେବା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri