ସୋରଡ଼ା,୨୬ା୩(ଡି.ଏନ୍.ଏ.): ଗଞ୍ଜାମ ଜିଲା ସୋରଡ଼ା ଏନ୍ଏସି ପୌର ନିର୍ବାଚନରେ ବିଜେଡିର ଶିବଶଙ୍କର ପଣ୍ଡା ବିଜୟୀ ହୋଇଛନ୍ତି। ସେ ଭଜପାର ସାଧୀନ ପଣ୍ଡାଙ୍କଠାରୁ ୨୮୮ ଖଣ୍ଡ ଭୋଟ୍ ବ୍ୟବଧାନରେ ବିଜୟୀ ହୋଇଛନ୍ତି। ସୋରଡ଼ା ଏନ୍ଏସିର ୧୧ଟି ଓ୍ବାର୍ଡରେ ୯ଟିରେ ବିଜେଡି ଓ ଗୋଟିଏ ଲେଖାଏ ଆସନ କଂଗ୍ରେସ, ଭଜପାକୁ ଯାଇଛି। ବିଜେଡିର ୧ ନମ୍ବର ଓ୍ବାର୍ଡରେ ସସ୍ମିତା ପାଢ଼ୀ,୨ ନମ୍ବର ଓ୍ବାର୍ଡରେ ନାଗେଶ୍ୱର ବେହେରା,୩ରେ ସନ୍ତୋଷ ପଣ୍ଡା, ୪ରେ ସତ୍ୟନାରାୟଣ ସୁବୁଦ୍ଧି, ୫ରେ ସୁଷମା ବେହେରା, ୬ରେ କାଜଲ ପ୍ରଧାନ, ୭ରେ ଭାଗ୍ୟଲତା ଡାକୁଆ, ୮ରେ ଭାଜପାର ରଜନୀକାନ୍ତ ମହାପାତ୍ର, ୯ରେ କଂଗ୍ରେସର ସୁନୀ ବେହେରା,୧୦ରେ ଲିପିକା ନାୟକ ଓ ୧୧ରେ ସୁନୀତା ସେନାପତି ବିଜୟୀ ହୋଇଛନ୍ତି। ବିଧାୟକ ପୂର୍ଣ୍ଣଚନ୍ଦ୍ର ସାଇଁ ସମସ୍ତ ନବ ନିର୍ବାଚିତଙ୍କୁ ଅଭିନନ୍ଦନ ଜଣାଇଛନ୍ତି।
