ବରଗଡ଼ ଅଫିସ,୭ା୧୦: ବରଗଡ଼ ଜିଲା ଅତାବିରା ବ୍ଲକ ବିଜେଡି ସଭାପତି ଲମ୍ବୋଦର ମଲ୍ଲିକଙ୍କ ମଙ୍ଗଳବାର ବିଳମ୍ବିତ ରାତିରେ ହୃଦ୍ଘାତରେ ପରଲୋକ ହୋଇଯାଇଛି। ତାଙ୍କ ଆକସ୍ମିକ ବିୟୋଗରେ ଅତାବିରା ନିିର୍ବାଚନ ମଣ୍ଡଳୀ ସମେତ ସମଗ୍ର ବରଗଡ଼ ଜିଲା ସ୍ତବ୍ଧ ହୋଇପଡ଼ଛି। ଉଚ୍ଚଶିକ୍ଷା ଲାଭ କରିଥିଲେ ସୁଦ୍ଧା ସ୍ବର୍ଗତ ମଲ୍ଲିକ ଚାକିରି ପଛରେ ନ ଗୋଡ଼ାଇ ଜନସେବା ପାଇଁ ଯୁବାବସ୍ଥାରୁ ରାଜନୀତିରେ ପାଦ ଥାପିଥିଲେ। ଅତାବିରା ବ୍ଲକ ବୁଗବୁଗା ପଞ୍ଚାୟତ ଅନ୍ତର୍ଗତ ଗରିଆଟିକ୍ରାର ସ୍ବର୍ଗତ ମଲ୍ଲିକ ସ୍ଥାନୀୟ ସରପଞ୍ଚ, ଜିଲା ପରିଷଦ ନିର୍ବାଚିତ ହୋଇଥିବା ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କ ପ୍ରତି ଆସ୍ଥା ପ୍ରକଟ କରି ଅତାବିରା ବ୍ଲକ ବିଜେଡି ସଭାପତି ପଦବୀରେ ତାଙ୍କ ଉପରେ ଦାୟିତ୍ୱ ନ୍ୟସ୍ତ କରିଥିଲେ। ସେହିପରି ସ୍ବର୍ଗତ ମଲ୍ଲିକ ବରଗଡ଼ ଜିଲା ଯାଦବ ସମାଜର ସଭାପତି ଥିବାବେଳେ ତାଙ୍କ ସ୍ତ୍ରୀ ଋକି୍ମଣୀ ମଧ୍ୟ ଜିଲା ପରିଷଦ ସଭ୍ୟା, ବ୍ଲକ ଅଧ୍ୟକ୍ଷା ରହିଥିଲେ। ଜଣେ ନିଃସ୍ବାର୍ଥପର, ନିର୍ବିବାଦୀୟ ରାଜନେତା, ସଂଗଠକଙ୍କୁ ହରାଇ ଜିଲାର ବିଭିନ୍ନ ମହଲରେ ଗଭୀର ଶୋକପ୍ରକାଶ ପାଇଛି।
