ପ୍ରାର୍ଥୀ ଚୟନରେ ବଦଳିଗଲା ବିଜେଡି ଅଙ୍କ

ରାୟଗଡ଼ା, ୯।୬(ଆଶିଷ ରଞ୍ଜନ ପଣ୍ଡା)ଚଳିତ ନିର୍ବାଚନ ଫଳାଫଳ ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ୨୫ ବର୍ଷ ଧରି ଶାସନ କରୁଥିବା ବିଜେଡିକୁ ପ୍ରତ୍ୟାଖ୍ୟାନ କରି ଓଡ଼ିଶାବାସୀ ଭାଜପାକୁ ସମର୍ଥନ କରିଛନ୍ତି। ହେଲେ କୋରାପୁଟ ଲୋକ ସଭା ଆସନ ଏବଂ ଏହା ଅଧୀନ ୬ଟି ବିଧାନସଭା ଆସନର ଫଳାଫଳ ଗୋଟେ ବଡ଼ ଟ୍ବିଷ୍ଟ ଆଣିଛି। କଂଗ୍ରେସ ଶାସକ ବିଜେଡିକୁ ଧରାଶାୟୀ କରିବା ସହ ଭାଜପାକୁ ପୂର୍ବଭଳି ଖାତା ଖୋଲିବାକୁ ଦେଇନାହିଁ। ରାୟଗଡ଼ା ଜିଲାର ୩ଟି ଯାକ ବିଧାନସଭା ଆସନକୁ କଂଗ୍ରେସ ଦଖଲ କରିଛି। ରାୟଗଡ଼ାରେ କଂଗ୍ରେସ ପ୍ରାର୍ଥୀ ଆପଲସ୍ବାମୀ କାଡ୍ରାକା, ବିଷମ କଟକରେ ନୀଳମାଧବ ହିକ୍‌କା ଏବଂ ଗୁଣପୁରରେ ସତ୍ୟଜିତ୍‌ ଗମାଙ୍ଗ ବିଜୟ ଲାଭ କରିଛନ୍ତି। ତେବେ ୨୪ ବର୍ଷ ଅପରାଜେୟ ରହିଥିବା ବିଜେଡି ଚଳିତ ନିର୍ବାଚନରେ ଜିଲାରେ ନୈରାଶ୍ୟଜନକ ପ୍ରଦର୍ଶନକୁ ନେଇ ଦଳୀୟ ନେତା ସମୀକ୍ଷା କରୁଛନ୍ତି। ଅନ୍ୟପଟେ ଦଳର ପ୍ରାର୍ଥୀ ଚୟନକୁ ନେଇ ବିଜେଡିର ଏଭଳି ପରିସ୍ଥିତି ହୋଇଥିବା ଦଳୀୟ କର୍ମୀ ଓ ଲୋକେ ଆଲୋଚନା କରୁଛନ୍ତି।
ରାୟଗଡ଼ା ବିଧାନସଭା ଆସନରେ ବିଜେଡି ପ୍ରଥମଥର ପାଇଁ ମହିଳା ପ୍ରାର୍ଥୀ ଦେଇଥିଲା। ହେଲେ ପ୍ରାର୍ଥୀଙ୍କ ନିଜସ୍ବ ସଂଗଠନ ଏବଂ ଭୋଟବ୍ୟାଙ୍କ ନ ଥିବା ଯୋଗୁ ଦଳ ଏଠାରେ ପରାଜୟ ବରଣ କରିଥିବା ଦଳୀୟ କର୍ମୀଙ୍କ ମଧ୍ୟରେ ଆଲୋଚନା ଚାଲିଛି। ରାୟଗଡ଼ା ବିଧାନସଭା ଆସନ ପାଇଁ ପୂର୍ବତନ ମନ୍ତ୍ରୀ ଲାଲବିହାରୀ ହିମିରିକା, ଜିଲା ପରିଷଦ ପୂର୍ବତନ ଅଧ୍ୟକ୍ଷ ଗଙ୍ଗାଧର ପୁଆଲା, କାଶୀପୁର ବ୍ଲକରେ ପୂର୍ବତନ ବିଧାୟକ ବିଭୀଷଣ ମାଝି, ନବାଗତା ରୀନା ସାଉଁତା ପ୍ରମୁଖ ରହିଥିଲେ ମଧ୍ୟ ଦଳର ଶୀର୍ଷନେତୃତ୍ୱ ସେମାନଙ୍କୁ ଅଣଦେଖା କରି ଅନସୂୟାଙ୍କୁ ଟିକେଟ ଦେଇଥିଲା। ଏପରିକି ରାୟଗଡ଼ାର ନିର୍ବାଚିତ ପ୍ରତିନିଧିଙ୍କ କୌଣସି ମତାମତ ସଂଗ୍ରହ ନ କରି ରାଜ୍ୟ ଶୀର୍ଷ ନେତୃତ୍ୱ ଏକପାଖିଆ ଅନସୂୟାଙ୍କୁ ଟିକେଟ ପ୍ରଦାନ କରିଥିବାରୁ ସେତେବେଳେ ଦଳରେ ଏକପ୍ରକାର ବିରୋଧର ସ୍ବର ଉଠିଥିଲା। ତେବେ ଦଳର ବରିଷ୍ଠ ନେତାଙ୍କ ବୁଝାଶୁଝା ପରେ ସେମାନେ ଅନସୂୟାଙ୍କୁ ସମର୍ଥନ କରିଥିଲେ ହେଁ ପରୋକ୍ଷରେ କର୍ମୀମାନେ ଚୁପ୍‌ ରହିଥିଲେ। ତୃଣମୂଳସ୍ତରର କର୍ମୀଙ୍କୁ ଅଣଦେଖା କରିବା ବିଜେଡି ପାଇଁ କାଳ ସାଜିଲା ବୋଲି ରାଜନୈତିକ ସମୀକ୍ଷକମାନେ ମତ ଦେଇଛନ୍ତି। ଅନ୍ୟପକ୍ଷରେ ରାୟଗଡ଼ା ଜିଲାରେ ବିଜେଡିର ପତିଆରା ସ୍ଥାପନରେ ମୁଖ୍ୟ ଭୂମିକା ଗ୍ରହଣ କରିଥିବା ପୂର୍ବତନ ରାଜ୍ୟ ସଭା ସଦସ୍ୟ ତଥା ଜିଲା ବିଜେଡି ସଭାପତି ଏନ୍‌. ଭାସ୍କର ରାଓଙ୍କୁ ଜିଲାର ସମସ୍ତ ଦାୟିତ୍ୱ ନ ଦେଇ ଏକପ୍ରକାର ସଂକୁଚିତ କରି ରଖିବା ମଧ୍ୟ ଦଳର ସଙ୍ଗଠନ ଉପରେ ବିପରୀତ ପ୍ରଭାବ ପକାଇଥିବା କର୍ମୀ ମହଲରେ ଆଲୋଚନା ଚାଲିଛି। ସେହିଭଳି କୋରାପୁଟ ଲୋକ ସଭା ପ୍ରାର୍ଥୀ କୌଶଲ୍ୟା ହିକ୍‌କା ୨୦୧୯ ନିର୍ବାଚନରେ କଂଗ୍ରେସ ପ୍ରାର୍ଥୀ ସପ୍ତଗିରିଙ୍କଠାରୁ ୩୬୧୩ ଭୋଟରେ ପରାଜିତ ହୋଇଥିଲେ। ତେଣୁ ବିଜେଡି ଏଥର ପୁଣି କୌଶଲ୍ୟାଙ୍କ ଉପରେ ଭରସା କରି ଟିକେଟ ପ୍ରଦାନ କରିଥିଲା। ତେବେ ସପ୍ତଗିରିଙ୍କ ରଣନୀତି ଆଗରେ କୌଶଲ୍ୟା ଫେଲ୍‌ ମାରିଥିଲେ। ସେହିଭଳି ବିଷମକଟକ ଏବଂ ଗୁଣପୁର ଆସନରେ ମଧ୍ୟ ବିଜେଡି ପ୍ରାର୍ଥୀଙ୍କ ପ୍ରଦର୍ଶନ ନୈରାଶ୍ୟଜନକ ରହିଛି। ବିଷମକଟକ ବିଜେଡି ପ୍ରାର୍ଥୀ ଜଗନ୍ନାଥ ସାରକା ଗତ ୨ଥର ନିର୍ବାଚନ ଜିତିବା ସହିତ ମନ୍ତ୍ରୀ ମଧ୍ୟ ଥିଲେ। ହେଲେ ଅଞ୍ଚଳର ପ୍ରକୃତ ବିକାଶରେ ସମୟ ନ ଦେବା ପରାଜୟର କାରଣ ବୋଲି କର୍ମୀ ମହଲରେ ଆଲୋଚନା ହେଉଛି। ଚଳିତ ନିର୍ବାଚନରେ ରାଜ୍ୟ ଶୀର୍ଷନେତୃତ୍ୱଙ୍କ ବହୁ ଭୁଲ୍‌ ନିଷ୍ପତ୍ତି ଯୋଗୁ ଦଳ କେବଳ ରାୟଗଡ଼ାରେ ନୁହେଁ, ବରଂ ଓଡ଼ିଶାରେ ଶାସନ ଗାଦିରୁ ହଟିଯିବାର ମୁଖ୍ୟ କାରଣ ବୋଲି କର୍ମୀ ମହଲରେ ଆଲୋଚନା ଚାଲିଛି। ଅପରପକ୍ଷରେ ଜିଲାର ସମସ୍ତ ଆସନରେ କାହିଁକି ପରାଜୟ ଘଟିଲା ତାହାର ସମୀକ୍ଷା ଆମେ କରୁଛୁ ବୋଲି ଜିଲା ବିଜେଡି ସଭାପତି ଭାସ୍କର ରାଓ କହିଛନ୍ତି। କେଉଁ ବୁଥ୍‌ରେ ଆମର ଭୋଟ କମିଛି ତାହା ଅନୁଧ୍ୟାନ ଚାଲିଛି। ସେ ଦଳର ସମସ୍ତ ନେତାଙ୍କ ସହ ଆଲୋଚନା ପରେ ଏକ ରିପୋର୍ଟ ପ୍ରସ୍ତୁତକରି ଦଳର ସଭାପତିଙ୍କୁ ପ୍ରଦାନ କରିବେ ବୋଲି କହିଛନ୍ତି। ତେବେ ଗତ ୨ ଦିନ ଧରି କେତେଜଣ ନେତା ଦଳଡିଆଁ କରିବା ନେଇ ଆଲୋଚନା ଚାଲିଥିବା ସମ୍ପର୍କରେ ପଚାରିବାରୁ ସେ କହିଛନ୍ତି, ସେ ପ୍ରଥମେ ଜନତା ଦଳ ଓ ପରେ ବିଜୁ ଜନତା ଦଳରେ ରହିଛନ୍ତି। ମୋର ରାଜନୀତି ବିଜୁ ପରିବାରକୁ ନେଇ। ହାର୍‌ଜିତ ରାଜନୀତିରେ ରହିଛି। ସେ କୁଆଡ଼େ ଯିବାର ନାହିଁ, କିଏ କୁଆଡ଼େ ଯିବେ ସେ ସୂଚନା ମଧ୍ୟ ତାଙ୍କ ନିକଟରେ ନାହିଁ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଶମ୍ବର ଶିକାର କରି କରୁଥିଲେ ମାଂସ ଚାଲାଣ: ମାଡ଼ି ବସିଲେ ରେଞ୍ଜ କର୍ମଚାରୀ

ନାକଟୀଦେଉଳ, ୧୭ା୬(ବୈକୁଣ୍ଠନାଥ ସାହୁ): ସମ୍ବଲପୁର ଜିଲା ଖଳାଶୁଣୀ ବନ୍ୟପ୍ରାଣୀ ଅଭୟାରଣ୍ୟରେ ଅବାଧରେ ଚାଲିଛି ବନ୍ୟପ୍ରାଣୀ ଶିକାର। ଶିକାରୀମାନେ ଯୋଜନାବଦ୍ଧଭାବେ ତାର ଓ ବାରୁଦ ଗୁଳା ବିଛାଇ...

ସିକିମ୍‌ରେ ଫସିଛନ୍ତି ଓଡ଼ିଆ ପର୍ଯ୍ୟଟକ: ଉଦ୍ଧାର ପାଇଁ ଲୋଡ଼ିଲେ ସରକାରଙ୍କ ସହାୟତା

ସୋନପୁର,୧୭।୬(ମୃତ୍ୟୁଞ୍ଜୟ ଶତପଥୀ): ଉତ୍ତର-ପୂର୍ବ ସିକିମ୍‌ ରାଜ୍ୟକୁ ପରିବାର ସହିତ ଖରାଛୁଟିରେ ବୁଲିବାକୁ ଯାଇଥିବା ସୁବର୍ଣ୍ଣପୁର ଜିଲାର ୪ ଜଣଙ୍କ ସମେତ ମୟୂରଭଞ୍ଜ ଜିଲାର ଅନ୍ୟ ପର୍ଯ୍ୟଟକ...

ହୋଇଗଲା ଫାଇନାଲ! ଓଡ଼ିଶାର ଏହି ନେତାଙ୍କୁ ମିଳିପାରେ ଲୋକ ସଭାର ବାଚସ୍ପତି ପଦ

ନୂଆଦିଲ୍ଲୀ,୧୭।୬: ଲୋକ ସଭାରେ ବାଚସ୍ପତି କିଏ ହେବେ, ତା’କୁ ନେଇ ସସପେନ୍ସ ଜାରି ରହିଥିବା ବେଳେ ଏବେ ଆଉ ଏକ ଖବର ସାମ୍ନାକୁ ଆସିଛି। ସୂଚନାନୁଯାୟୀ,...

ସମ୍ବଲପୁର: ୨୧ରେ ଖୋଲିବ ସ୍କୁଲ

ସମ୍ବଲପୁର,୧୭।୬ (ଭବାନୀ ଶଙ୍କର ଭୋଇ): ସମ୍ବଲପୁର ଜିଲାରେ ଆସନ୍ତା ୨୧ ତାରିଖରେ ସ୍କୁଲ ଖୋଲିବା ନେଇ ଭାରପ୍ରାପ୍ତ ଜିଲାପାଳ ସୁଚାରୁ ବଳ ସୂଚନା ଦେଇଛନ୍ତି ।...

କୃଷି ବିଭାଗ ଦାୟିତ୍ୱ ଗ୍ରହଣ କଲେ ଉପମୁଖ୍ୟମନ୍ତ୍ରୀ ସିଂଦେଓ

ଭୁବନେଶ୍ୱର, ୧୭।୬(ଅସମାପିକା ସାହୁ): ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ସୋମବାର ପୂର୍ବାହ୍ନରେ କୃଷି ଓ କୃଷକ ସଶକ୍ତୀକରଣ ବିଭାଗର ମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଛନ୍ତି।...

ସରିଲା ଖରା ଛୁଟି: କଳାହାଣ୍ଡିରେ ଖୋଲିବ ସ୍କୁଲ

ଭବାନୀପାଟଣା,୧୭।୬(ଉତ୍ତମ କୁମାର ଦାଶ): ସରିଲା ଖରା ଛୁଟି। ମଙ୍ଗଳବାରଠାରୁ କଳାହାଣ୍ଡି ଜିଲାରେ ଖୋଲିବ ସ୍କୁଲ। ସକାଳ ୬.୩୦ରୁ ୧୦.୩୦ ପର୍ଯ୍ୟନ୍ତ ଚାଲୁ ରହିବ ପାଠ ପଢା।...

ଏହି ସବୁ ଜିଲାରେ ଆସନ୍ତାକାଲିଠୁ ସକାଳୁଆ ସ୍କୁଲ

ଭୁବନେଶ୍ୱର,୧୭।୬: ଖରାକୁ ଦୃଷ୍ଟିରେ ରଖି ସମଗ୍ର ରାଜ୍ୟରେ ଆସନ୍ତାକାଲି ସ୍କୁଲ ଖୋଲିବା ନିଷ୍ପତ୍ତି ରାଜ୍ୟ ସରକାର ବଦଳାଇଛନ୍ତି । ସ୍କୁଲ ଖୋଲିବା ନିଷ୍ପତ୍ତି ଏବେ ଜିଲାପାଳ...

ପାରମ୍ପରିକ ବାଦ୍ୟ, ନୃତ୍ୟରେ ନବ ନିର୍ବାଚିତ ଏମ୍‌ପିଙ୍କୁ ପାଛୋଟିନେଲେ

ରାଇକିଆ,୧୭।୬(ପ୍ରଦୀପ ବେହେରା): କନ୍ଧମାଳ ନବ ନିର୍ବାଚିତ ସାଂସଦ ସୁକାନ୍ତ ପାଣିଗ୍ରାହୀଙ୍କ କନ୍ଧମାଳ ଗସ୍ତ ଅବସରରେ ରାଇକିଆଠାରେ ସ୍ବାଗତ ସମ୍ବର୍ଦ୍ଧନା କରାଯାଇଛି। ବେରେଡାକିଆ ଛକଠାରୁ ପାରମ୍ପରିକ ବାଦ୍ୟ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri