ବିଜେଡି-ଭାଜପା ମୁଦ୍ରାର ଉଭୟ ପାର୍ଶ୍ୱ : ସଚିନ୍‌

ବାଲେଶ୍ୱର(ମାନସ ବିଶ୍ୱାଳ)/ ଭୋଗରାଇ(ପ୍ରଦୀପ ଦାସ), ୧୯।୫: ‘ଲୋକେ ଜାଣିଗଲେଣି ବିଜେଡି ଓ ଭାଜପା ଗୋଟିଏ ମୁଦ୍ରାର ଉଭୟ ପାର୍ଶ୍ୱ’, ଜାତୀୟ କଂଗ୍ରେସର ସାଧାରଣ ସମ୍ପାଦକ ତଥା ଷ୍ଟାର ପ୍ରଚାରକ ସଚିନ ପାଇଲଟ ଏହା କହିଛନ୍ତି।  ବାଲେଶ୍ୱର ମିଶନପଡିଆଠାରେ ଜିଲା କଂଗ୍ରେସ ସଭାପତି ସଞ୍ଜିବ ଗିରିଙ୍କ ନେତୃତ୍ୱରେ ଆୟୋଜିତ ସଂକଳ୍ପ ସମାବେଶରେ ଯୋଗଦେଇ ସଚିନ କହିଛନ୍ତି, ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା ବାଲେଶ୍ୱର ଲୋକସଭା କ୍ଷେତ୍ର ଲାଗି ପ୍ରତିଦ୍ୱନ୍ଦ୍ୱିତା କରୁଛନ୍ତି। ତାଙ୍କ ସହ ସଂସଦୀୟ କ୍ଷେତ୍ରର ସମସ୍ତ ବିଧାୟକ ପ୍ରାର୍ଥୀଙ୍କ ସମର୍ଥନରେ ଭୋଟ୍‌ ମାଗିବାକୁ ଆସିଛି। ତେବେ ଏଠାକାର ଲୋକେ ଜାଣିଗଲେଣି ବିଜେଡି ଓ ଭାଜପା ଗୋଟିଏ ମୁଦ୍ରାର ଉଭୟ ପାର୍ଶ୍ୱ। ଦୀର୍ଘଦିନ ଧରି ରାଜ୍ୟରେ ଥିବା ବିଜେଡି ସରକାର ନାମରେ ବହୁ ଅଭିଯୋଗ ରହିଛି। ଅବୈଧ ଖଣି ଉତ୍ତୋଳନ, ଚିଟ୍‌ଫଣ୍ଡ ଭଳି ବିଭିନ୍ନ ସ୍କାମର ତଦନ୍ତ ପାଇଁ ରାଜ୍ୟ ସରକାର ଆଶ୍ୱାସନା ଦେଇ ଚୁପ୍‌ ରହିଛନ୍ତି। ଏଥିପାଇଁ ଲୋକଙ୍କ ମଧ୍ୟରେ ଅସନ୍ତୋଷ କୁହୁଳୁଛି। ସରକାରକୁ ବଦଳାଇବା ପାଇଁ ସେମାନେ ମନବଳାଇଲେଣିି। ସେହିପରି କେନ୍ଦ୍ରରେ ଭାଜପା ସରକାର ୧୦ବର୍ଷ ଧରି ରହିଛି। ସରକାର ଗଢ଼ିବା ବେଳେ ଦରଦାମ୍‌ ନିୟନ୍ତ୍ରଣ, ବେରୋଜଗାରୀ, କଳାଧନ ଫେରସ୍ତ, ଭ୍ରଷ୍ଟାଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ ନେଇ ଆଶ୍ୱାସନା ଦେଇଥିଲେ। ହେଲେ ୧୦ବର୍ଷ ମଧ୍ୟରେ ଏସବୁର ରିପୋର୍ଟ ଦେଖାଇବା ପାଇଁ ସରକାରଙ୍କ ପାଖରେ ରିପୋର୍ଟ କାର୍ଡ଼ ନାହଁି। ଯେତେବେଳେ କଂଗ୍ରେସ ସରକାର ଥିଲା ରାଜ୍ୟରେ ବଡ଼ବଡ଼ ଉଦ୍ୟୋଗ, କଳକାରଖାନା ଗଢ଼ି ଉଠିଥିଲା। ଲୋକମାନଙ୍କ ପାଇଁ ଉନ୍ନତି କରିବାର ସୁଯୋଗ ରହିଥିଲା। ଏହି ରାଜ୍ୟରେ ଜଙ୍ଗଲ, ପାଣି, କୋଇଲା ଭଳି ଖଣିଜ ପଦାର୍ଥ ଭରି ରହିଛି। କିନ୍ତୁ ଏଠାକାର ସରକାର ୨୫ବର୍ଷ ଧରି ଲୋକଙ୍କୁ ଶୋଷଣ କରିଆସୁଛନ୍ତି। କେବଳ ରାଜ୍ୟରେ ନୁହେଁ ଦେଶ ସାରା ଲୋକେ ପରିବର୍ତ୍ତନ ଚାହୁଁଛନ୍ତି।
 କଂଗ୍ରେସ ଦଳ ଦେଶର ବଡ଼ ବିରୋଧୀ ଦଳ ଭାବେ କାର୍ଯ୍ୟ କରୁଛି। ଏହାପରେ ମଧ୍ୟ ଭାଜପା ସରକାର ଆଚରଣ ବିଧିକୁ ଆଳ କରି ଦଳର ଆକାଉଣ୍ଟ ସିଜ୍‌ କରିଦେଇଛି। ତଥାପି ଦୃଢଭାବେ କଂଗ୍ରେସ ଓ ଇଣ୍ଡିଆ ଆଲାଏନ୍ସ ପ୍ରାର୍ଥୀଙ୍କ ସହଭାଗିତାରେ ନିର୍ବାଚନ ଲଢୁଛୁ। ଯେଉଁଠି ନିର୍ବାଚନ ସରିଲାଣି ସେଠାରେ ଭାଜପା ପଛୁଆ ରହିଛି। ଭାଜପା ନେତାମାନେ ସେଥିପାଇଁ ଧର୍ମକୁ ନେଇ ମନ୍ଦିର ଓ ମସଜିଦ୍‌ ଏବଂ ହିନ୍ଦୁ ଓ ମୁସଲମାନ ସମ୍ପର୍କରେ କଥା ରଖୁଛନ୍ତି। ବିକାଶ ଓ ଲୋକଙ୍କ କଥା କହିବା ବନ୍ଦ କରିଦେଲେଣି। ଚଳିତ ନିର୍ବାଚନରେ ଓଡ଼ିଶାରେ କଂଗ୍ରେସ ଭଲ ପ୍ରଦର୍ଶନ କରିବ। ବାଲେଶ୍ୱରରେ କଂଗ୍ରେସ ଜିତିବ। ଏଥିସହିତ କଂଗ୍ରେସ ସରକାରକୁ ଆସିଲେ ପ୍ରତି ଗରିବ ପରିବାରର ଆକାଉଣ୍ଟକୁ ୧ଲକ୍ଷ ଟଙ୍କା ଲେଖାଏଁ ଦିଆଯିବ, ଏମ୍‌ଏସ୍‌ପି ପାଇଁ ନିର୍ଦ୍ଦିଷ୍ଟ ନିୟମ ତିଆରି କରାଯାଇ ଗ୍ୟାରେଣ୍ଟି ଦିଆଯିବ। ଦେଶରେ ୩୦ଲକ୍ଷ ଖାଲି ପଡ଼ିଥିବା ସରକାରୀ ପଦବୀ ପୂରଣ କରାଯିବ ଭଳି ସଚିନ କହିଥିଲେ। ସମାବେଶରେ ବାଲେଶ୍ୱର ଏମ୍‌ପି ପ୍ରାର୍ଥୀ ଶ୍ରୀକାନ୍ତ ଜେନା, ବାଲେଶ୍ୱର ବିଧାନସଭା ପ୍ରାର୍ଥୀ ମୋନାଲିସା ସାମଲ, ରେମୁଣା ବିଧାୟକ ପ୍ରାର୍ଥୀ ସୁଦର୍ଶନ ଜେନା, ବସ୍ତା ବିଧାୟକ ପ୍ରାର୍ଥୀ ବିଜନ ନାୟକ, ଜଳେଶ୍ୱର ବିଧାୟକ ପ୍ରାର୍ଥୀ ସୁଦର୍ଶନ ଦାସ, ନୀଳଗିରି ବିଧାୟକ ପ୍ରାର୍ଥୀ ଅକ୍ଷୟ ଆଚାର୍ଯ୍ୟ, ବଡ଼ସାହି ବିଧାୟକ ପ୍ରାର୍ଥୀ କ୍ଷୀରୋଦ ପାତ୍ର, ପିସିସି ଗଣମାଧ୍ୟମ ଓ ଯୋଗାଯୋଗ ବିଭାଗ ଅଧ୍ୟକ୍ଷ ବିଶ୍ୱରଞ୍ଜନ ମହାନ୍ତି, ପିସିସି ଜିଲା ଅବଜରଭର ଅଭୟ ଚହଲ, ଗଣମାଧ୍ୟମ ଓ ଯୋଗାଯୋଗ ବିଭାଗର ଜିଲା ମୁଖ୍ୟ ବିକାଶ କୁମାର ଦାସ ପ୍ରମୁଖ ଉପସ୍ଥିତ ରହି ନିର୍ବାଚନୀ ପ୍ରଚାର କରିଥିଲେ।
ଏହାପରେ ଅପରାହ୍ନ ୩ଟାରେ ସଚିନ ଭୋଗରାଇ ହେଲିପ୍ୟାଡ୍‌ ପଡ଼ିଆଠାରେ ସ୍ଥାନୀୟ ବିଧାୟକ ପ୍ରାର୍ଥୀ ସତ୍ୟଶିବ ଦାସଙ୍କ ନେତୃତ୍ୱରେ ଆୟୋଜିତ ସଂକଳ୍ପ ସମାବେଶରେ ଯୋଗ ଦେଇଥିଲେ। ସେ କହିଥିଲେ, ଦୀର୍ଘ ୨୫ ବର୍ଷ ଉକ୍ତ ଅଞ୍ଚଳର ଲୋକେ ବିଜେଡି ପ୍ରାର୍ଥୀଙ୍କୁ ଜିତାଇ ଆସୁଥିଲେ ମଧ୍ୟ ସ୍ଥାନୀୟ ସମସ୍ୟା ଭରି ରହିଛି। ଏପରିକି ଚଳିତ ନିର୍ବାଚନରେ ବିଜେଡି ଓ ଭାଜପାରେ ମଧ୍ୟ କଂଗ୍ରେସର ପୂର୍ବତନ ନେତାମାନେ ପ୍ରାର୍ଥୀ ହୋଇଛନ୍ତି। ଯଦି ଭୋଗରାଇବାସୀ ତାଙ୍କୁ ଭୋଟ୍‌ ଦେବେ, ତେବେ କାହଁିକି ଅରିଜିନାଲ କଂଗ୍ରେସ ପ୍ରାର୍ଥୀଙ୍କୁ ଭୋଟ୍‌ ଦେଇ ସ୍ଥାନୀୟ ସମସ୍ୟାର ସମାଧାନ ନ କରିବେ ବୋଲି ସେ ପ୍ରଶ୍ନ ଉଠାଇଥିଲେ। ଏଥିସହିତ ଭୋଗରାଇବାସୀଙ୍କୁ ଏମ୍‌ପି ପ୍ରାର୍ଥୀ ଶ୍ରୀକାନ୍ତ ଜେନା ଓ ସ୍ଥାନୀୟ ବିଧାୟକ ପ୍ରାର୍ଥୀଙ୍କୁ ଭୋଟ୍‌ ଦେବା ପାଇଁ ନିବେଦନ କରିଥିଲେ।

Enter your email to get our daily news in your inbox.

All Right Reserved By Dharitri.Com

ଶମ୍ବର ଶିକାର କରି କରୁଥିଲେ ମାଂସ ଚାଲାଣ: ମାଡ଼ି ବସିଲେ ରେଞ୍ଜ କର୍ମଚାରୀ

ନାକଟୀଦେଉଳ, ୧୭ା୬(ବୈକୁଣ୍ଠନାଥ ସାହୁ): ସମ୍ବଲପୁର ଜିଲା ଖଳାଶୁଣୀ ବନ୍ୟପ୍ରାଣୀ ଅଭୟାରଣ୍ୟରେ ଅବାଧରେ ଚାଲିଛି ବନ୍ୟପ୍ରାଣୀ ଶିକାର। ଶିକାରୀମାନେ ଯୋଜନାବଦ୍ଧଭାବେ ତାର ଓ ବାରୁଦ ଗୁଳା ବିଛାଇ...

ସିକିମ୍‌ରେ ଫସିଛନ୍ତି ଓଡ଼ିଆ ପର୍ଯ୍ୟଟକ: ଉଦ୍ଧାର ପାଇଁ ଲୋଡ଼ିଲେ ସରକାରଙ୍କ ସହାୟତା

ସୋନପୁର,୧୭।୬(ମୃତ୍ୟୁଞ୍ଜୟ ଶତପଥୀ): ଉତ୍ତର-ପୂର୍ବ ସିକିମ୍‌ ରାଜ୍ୟକୁ ପରିବାର ସହିତ ଖରାଛୁଟିରେ ବୁଲିବାକୁ ଯାଇଥିବା ସୁବର୍ଣ୍ଣପୁର ଜିଲାର ୪ ଜଣଙ୍କ ସମେତ ମୟୂରଭଞ୍ଜ ଜିଲାର ଅନ୍ୟ ପର୍ଯ୍ୟଟକ...

ହୋଇଗଲା ଫାଇନାଲ! ଓଡ଼ିଶାର ଏହି ନେତାଙ୍କୁ ମିଳିପାରେ ଲୋକ ସଭାର ବାଚସ୍ପତି ପଦ

ନୂଆଦିଲ୍ଲୀ,୧୭।୬: ଲୋକ ସଭାରେ ବାଚସ୍ପତି କିଏ ହେବେ, ତା’କୁ ନେଇ ସସପେନ୍ସ ଜାରି ରହିଥିବା ବେଳେ ଏବେ ଆଉ ଏକ ଖବର ସାମ୍ନାକୁ ଆସିଛି। ସୂଚନାନୁଯାୟୀ,...

ସମ୍ବଲପୁର: ୨୧ରେ ଖୋଲିବ ସ୍କୁଲ

ସମ୍ବଲପୁର,୧୭।୬ (ଭବାନୀ ଶଙ୍କର ଭୋଇ): ସମ୍ବଲପୁର ଜିଲାରେ ଆସନ୍ତା ୨୧ ତାରିଖରେ ସ୍କୁଲ ଖୋଲିବା ନେଇ ଭାରପ୍ରାପ୍ତ ଜିଲାପାଳ ସୁଚାରୁ ବଳ ସୂଚନା ଦେଇଛନ୍ତି ।...

କୃଷି ବିଭାଗ ଦାୟିତ୍ୱ ଗ୍ରହଣ କଲେ ଉପମୁଖ୍ୟମନ୍ତ୍ରୀ ସିଂଦେଓ

ଭୁବନେଶ୍ୱର, ୧୭।୬(ଅସମାପିକା ସାହୁ): ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ ସୋମବାର ପୂର୍ବାହ୍ନରେ କୃଷି ଓ କୃଷକ ସଶକ୍ତୀକରଣ ବିଭାଗର ମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିଛନ୍ତି।...

ସରିଲା ଖରା ଛୁଟି: କଳାହାଣ୍ଡିରେ ଖୋଲିବ ସ୍କୁଲ

ଭବାନୀପାଟଣା,୧୭।୬(ଉତ୍ତମ କୁମାର ଦାଶ): ସରିଲା ଖରା ଛୁଟି। ମଙ୍ଗଳବାରଠାରୁ କଳାହାଣ୍ଡି ଜିଲାରେ ଖୋଲିବ ସ୍କୁଲ। ସକାଳ ୬.୩୦ରୁ ୧୦.୩୦ ପର୍ଯ୍ୟନ୍ତ ଚାଲୁ ରହିବ ପାଠ ପଢା।...

ଏହି ସବୁ ଜିଲାରେ ଆସନ୍ତାକାଲିଠୁ ସକାଳୁଆ ସ୍କୁଲ

ଭୁବନେଶ୍ୱର,୧୭।୬: ଖରାକୁ ଦୃଷ୍ଟିରେ ରଖି ସମଗ୍ର ରାଜ୍ୟରେ ଆସନ୍ତାକାଲି ସ୍କୁଲ ଖୋଲିବା ନିଷ୍ପତ୍ତି ରାଜ୍ୟ ସରକାର ବଦଳାଇଛନ୍ତି । ସ୍କୁଲ ଖୋଲିବା ନିଷ୍ପତ୍ତି ଏବେ ଜିଲାପାଳ...

ପାରମ୍ପରିକ ବାଦ୍ୟ, ନୃତ୍ୟରେ ନବ ନିର୍ବାଚିତ ଏମ୍‌ପିଙ୍କୁ ପାଛୋଟିନେଲେ

ରାଇକିଆ,୧୭।୬(ପ୍ରଦୀପ ବେହେରା): କନ୍ଧମାଳ ନବ ନିର୍ବାଚିତ ସାଂସଦ ସୁକାନ୍ତ ପାଣିଗ୍ରାହୀଙ୍କ କନ୍ଧମାଳ ଗସ୍ତ ଅବସରରେ ରାଇକିଆଠାରେ ସ୍ବାଗତ ସମ୍ବର୍ଦ୍ଧନା କରାଯାଇଛି। ବେରେଡାକିଆ ଛକଠାରୁ ପାରମ୍ପରିକ ବାଦ୍ୟ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri