ଭୁବନେଶ୍ୱର,୧୯।୬: ଗୁରୁବାର ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ କୋଲକାତା ଯାଉଥିବା ଏକ ବିମାନରେ ପକ୍ଷୀ ମାଡ ହୋଇଥିବା ସୂଚନା ମିଳିଛି।
ସୌଭାଗ୍ୟର କଥା ଯେ ଏହି ସମୟରେ ବିମାନ ଏବଂ ଯାତ୍ରୀଙ୍କର କୌଣସି କ୍ଷତି ହୋଇନାହିଁ। ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି।
ସୂଚନା ଅନୁଯାୟୀ, ଗୁରୁବାର ଇଣ୍ଡିଗୋ ବିମାନର ପାଇଲଟଙ୍କୁ ଜରୁରୀକାଳୀନ ବ୍ରେକ ଲଗାଇବାକୁ ପଡିଥିଲା। ଉକ୍ତ ବିମାନରେ ପକ୍ଷୀ ଧକ୍କା ହେବାରୁ ତାଙ୍କୁ ଉଡ଼ାଣ ବାତିଲ କରିବାକୁ ପଡିଥିବା ଜଣାପଡିଛି।
ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଭୁବନେଶ୍ୱରରୁ କୋଲକାତା ଯାଉଥିବା ଇଣ୍ଡିଗୋ ବିମାନ 6E-6101 ଉଡ଼ାଣ ପୂର୍ବରୁ ଏକ ପକ୍ଷୀ ସହିତ ଧକ୍କା ହୋଇଥିଲା। ପାଇଲଟ ତୁରନ୍ତ ଉଡ଼ାଣ ବାତିଲ କରି ସୁରକ୍ଷିତ ରହିବା ପାଇଁ ଜରୁରୀକାଳୀନ ବ୍ରେକ ଲଗାଇଥିଲେ।
କ୍ଷତି ପାଇଁ ବିମାନର ଯାଞ୍ଚ କରାଯାଇଥିଲା ଏବଂ ଯାତ୍ରୀ କିମ୍ବା କର୍ମଚାରୀଙ୍କ ମଧ୍ୟରେ କୌଣସି ଆଘାତ ହୋଇନଥିଲା। ଏହି ଘଟଣା କିଛି ସମୟ ପାଇଁ ବିମାନର ପରିଚାଳନାରେ ବାଧା ସୃଷ୍ଟି କରିଥିଲା।
ହେଲେ, ବିମାନର କ୍ଷତି ବିଷୟରେ ସୂଚନା ଏପର୍ଯ୍ୟନ୍ତ ଜଣାପଡିନାହିଁ।
