ବାୟୋମେଟ୍ରିକ ଖୋଲିବ ବାଟମାରଣା

ଯାଜପୁର ରୋଡ,୫ା୯(ଡି.ଏନ.ଏ.):ସହରର ପରିଷ୍କାର ପରିଚ୍ଛନ୍ନତା ସ୍ବାୟତ୍ତ ଶାସନ ସଂସ୍ଥାର ପ୍ରାଥମିକ ଓ ମୌଳିକ ଦାୟିତ୍ୱ ବୋଲି ନଗର ବିଜ୍ଞାନ ପାଠରେ ଲେଖା ହୋଇଛି। ନଗରବାସୀଙ୍କ ଆବଶ୍ୟକତା ବୃଦ୍ଧି ସାଙ୍ଗକୁ ସ୍ବାୟତ୍ତ ଶାସନ ସଂସ୍ଥାର ଦାୟିତ୍ୱ ସିନା ବଢିଛି, କିନ୍ତୁ ସହରକୁ ପରିଷ୍କାର ପରିଚ୍ଛନ୍ନ ରଖିବା ଦାୟିତ୍ୱ ପ୍ରାଥମିକତା ହରାଇନାହିଁ। ପରିମଳ ଦାୟିତ୍ୱରେ ରହିଥିବା ଠିକାସଂସ୍ଥାକୁ ଅଧିକ ଅର୍ଥ ପ୍ରଦାନ କରି ମାସିକ ଚାନ୍ଦା ଆଦାୟ ସହ ଅଯାଚିତ ଅନୁକମ୍ପା ପ୍ରଦର୍ଶନରୁ ଶୁକ୍ରବାର ଓ ଶନିବାର ନିର୍ବାହୀ ଅଧିକାରଙ୍କୁ ହଟହଟା ହେବାକୁ ପଡିଛି। ଅନ୍ୟପକ୍ଷେ ସରକାରଙ୍କ ନିର୍ଦ୍ଦେଶ ଅନୁସାରେ ପରିମଳ ସେବା ପରିଚାଳନାରେ ସୁଧାର ଆଣିବାକୁ କାର୍ଯ୍ୟାଳୟରେ ବାୟୋମେଟ୍ରିକ ଯନ୍ତ୍ର ସ୍ଥାପନ କରିବା ନିର୍ବାହୀ ଅଧିକାରୀଙ୍କ ପାଇଁ କାଳ ହୋଇଛି। ଏପରିକି ଶନିବାର ଜରୁରୀକାଳୀନ କାଉନସିଲର ବୈଠକରେ ନିର୍ବାହୀ ଅଧିକାରୀ ଅଶୋକ କୁମାର ରାଉତ କ୍ଷୋଭ ପ୍ରକାଶ କରିଛନ୍ତି ା ଯଦି ତାଙ୍କ କାର୍ଯ୍ୟକୁ ପସନ୍ଦ କରାଯାଉନାହିଁ, ତେବେ ତାଙ୍କୁ ବଦଳି କରିଦିଆଯାଉ ବୋଲି କହି ସେ ବୈଠକରୁ ଉଠି ଚାଲି ଆସିଥିବା ସୂଚନା ମିଳିଛି।
ବ୍ୟାସନଗର ପୌର ପରିଷଦର ୨୬ଟି ୱାର୍ଡର ସଫେଇ ଏବଂ ଆବର୍ଜନା ଉଠାଇବା ସକାଶେ ମାସିକ ପ୍ରାୟ ୨୫ ଲକ୍ଷ ଟଙ୍କା ଖର୍ଚ୍ଚ ହେଉଛି। ସହରରେ ଆବର୍ଜନା ଜମା କରିବାକୁ ମ୍ୟୁନିସିପାଲିଟି ପକ୍ଷରୁ ବ୍ୟାସ ସରୋବରରେ ଏକ ସମ୍ପଦ କେନ୍ଦ୍ର ନିର୍ମାଣ କରାଯାଇଛି। କିନ୍ତୁ ସେଠାରେ ଆବର୍ଜନା ଜମା ନ କରି ଗାନ୍ଧୀ କୁଷ୍ଠ କଲୋନୀ ନିକଟସ୍ଥ ରେଳୱେ ଲାଇନ କଡରେ ପାହାଡ ଭଳି ଆବର୍ଜନା ଗଦା କରାଯାଉଛି। ସଫେଇ କର୍ମଚାରୀମାନେ ସହରର ବିଭିନ୍ନ ସ୍ଥାନରେ ଆବର୍ଜନା ଗଦା କରିବା ପରେ ସେଠାରୁ ଟ୍ରାକ୍ଟର ଓ ଡମ୍ଫର ଯୋଗେ ଆବର୍ଜନାକୁ ସ୍ଥାନାନ୍ତରିତ କରୁଛନ୍ତି। କିନ୍ତୁ ଚୁକ୍ତି ଅନୁଯାୟୀ ୧୬୦ ଜଣ ସଫେଇ କର୍ମଚାରୀଙ୍କ ବଦଳରେ ମାତ୍ର ୬୦ରୁ ୭୦ ଜଣ କର୍ମଚାରୀଙ୍କୁ ନିୟୋଜନ କରି ଅନ୍ୟମାନଙ୍କ ନାମରେ ଲକ୍ଷାଧିକ ଟଙ୍କା ବାଟମାରଣା ହେଉଥିବା ଅଭିଯୋଗ ହୋଇଛି। ଏହାକୁ ମିଳିମିଶି ଭାଗବଣ୍ଟା କରାଯାଉଛି। ଏହାର ସୁଧାର ଆଣିବାକୁ କାର୍ଯ୍ୟାଳୟରେ କିଛି ଦିନ ତଳେ ସଫେଇ କର୍ମଚାରୀଙ୍କ ପାଇଁ ଏକ ବାୟୋମେଟ୍ରିକ ଯନ୍ତ୍ର ସ୍ଥାପନ କରାଯାଇଛି। ଏହାର ବ୍ୟବହାର ପାଇଁ ସେଠାରେ ଜଣେ କର୍ମଚାରୀଙ୍କୁ ମଧ୍ୟ ନିୟୋଜିତ କରାଯାଇଛି। ଏଥିରେ ପ୍ରତ୍ୟହ କେତେ ସଂଖ୍ୟକ କର୍ମଚାରୀ ଉପସ୍ଥାନ ରହୁଛନ୍ତି ତାହା ଜଣା ପଡିଯାଉଛି। ଏଥିରେ କେତେକ ଲୋକ ପ୍ରତିନିଧି ଏବଂ ଅଧିକାରୀଙ୍କ ମାସିକ ଚାନ୍ଦା ବନ୍ଦ ହେବା ଆଶଙ୍କା କରି ବ୍ୟତିବ୍ୟସ୍ତ ହୋଇ ପଡିଛନ୍ତି। ସେମାନଙ୍କ ପ୍ରରୋଚନାରେ କେତେକ ସଫେଇ କର୍ମଚାରୀମାନେ ବାୟୋମେଟ୍ରିକ ଯନ୍ତ୍ରକୁ ବିରୋଧ କରୁଛନ୍ତି। ସରକାରଙ୍କ ଏହି ମହତ ପ୍ରକଳ୍ପକୁ ସରକାରୀ ଦଳର କେତେଜଣ ନେତାଙ୍କ ନାପସନ୍ଦକୁ ସହରବାସୀ ହାସ୍ୟାସ୍ପଦ ବୋଲି ଅଭିହିତ କରିଛନ୍ତି। ଏପରିକି ଅଧ୍ୟକ୍ଷା ସଙ୍ଗୀତା ପିଙ୍ଗୁଆ ଶୁକ୍ରବାର ସର୍ବସାଧାରଣରେ ନିର୍ବାହୀ ଅଧିକାରୀଙ୍କୁ ଉଚ୍ଚ ସ୍ବରରେ ଅସମ୍ମାନିତ କରିବା ଘଟଣାକୁ କେତେକ ବୁଦ୍ଧିଜୀବୀ ନିନ୍ଦା କରିଛନ୍ତି।
ପୂର୍ବତନ ପୌରାଧ୍ୟକ୍ଷା ତଥା ରାଜ୍ୟ ମହିଳା କଂଗ୍ରେସର ସଭାନେତ୍ରୀ ବନ୍ଦିତା ପରିଡା କୁହନ୍ତି ବ୍ୟକ୍ତିଗତ ସ୍ବାର୍ଥ ଛାଡି ସମ୍ବିଧାନକୁ ସମ୍ମାନ ଦେଇ ସହରବାସୀଙ୍କ ପାଇଁ କାମ କରିବା ଉଚିତ। ଯାହା ଚାଲିଛି ତାହା ଆଗାମୀ ଦିନ ପାଇଁ ଭଲ ନୁହେଁ। ବରିଷ୍ଠ ଆଇନଜୀବୀ ଚନ୍ଦ୍ରଶେଖର ପଣ୍ଡା କୁହନ୍ତି, ପୌରାଧ୍ୟକ୍ଷା ଏବଂ ନିର୍ବାହୀ ଅଧିକାରୀଙ୍କ ମଧ୍ୟରେ ସମନ୍ବୟ ରହିବା ଆବଶ୍ୟକ। ନିର୍ବାହୀ ଅଧିକାରୀ ଗତ ଦେଢ ବର୍ଷ ପର୍ଯ୍ୟନ୍ତ କ’ଣ ପାଇଁ ନୀରବ ରହିଥିଲେ। ତେଣୁ ବର୍ତ୍ତମାନ କ’ଣ ପରିସ୍ଥିତି ହେଲା ଯେ, ଏବେ ମୁହଁ ଖୋଲୁଛନ୍ତି। ଅନ୍ୟପକ୍ଷେ ପରିମଳ ବ୍ୟବସ୍ଥା ସମ୍ପୂର୍ଣ୍ଣ ଭାବେ ବିପର୍ଯ୍ୟସ୍ତ ହୋଇ ପଡିଛି। ଯେତେ ଟଙ୍କା ଖର୍ଚ୍ଚ ହେଉଛି ତାହାର ସିଂହଭାଗ ଅର୍ଥ ବାଟମାରଣା ହେଉଛି।
ପୌରାଧ୍ୟକ୍ଷା ପିଙ୍ଗୁଆଙ୍କୁ ପଚାରିବାରେ ସେ କହିଛନ୍ତି, ନିର୍ବାହୀ ଅଧିକାରୀଙ୍କ ସହ ପରବର୍ତ୍ତୀ କୌଣସି ବୈଠକ କିମ୍ବା ଇସ୍ୟୁ ହୋଇନାହିଁ। କେବଳ କାଉନସିଲରମାନଙ୍କ ସହିତ ଏକ ଜରୁରୀକାଳୀନ ବୈଠକ ହୋଇଥିଲା। ନିର୍ବାହୀ ଅଧିକାରୀ ରାଉତ କହିଛନ୍ତି, କାଉନସିଲର ବୈଠକରେ ଅନୁମୋଦନ ନେଇ ବାୟୋମେଟ୍ରିକ ଯନ୍ତ୍ର ଲଗାଯାଇଛି। ସହରର ପରିମଳ କ୍ଷେତ୍ରରେ ବିକାଶ ଏହାର ଏକ ମାତ୍ର ଲକ୍ଷ୍ୟ। କିନ୍ତୁ ଏହାକୁ ଉଭୟ ଅଧ୍ୟକ୍ଷା ଓ କାଉନସିଲରମାନେ ବିରୋଧ କରି ତାଙ୍କୁ ଟାର୍ଗେଟ କରୁଛନ୍ତି। ଏନେଇ ଜିଲାପାଳଙ୍କ ସେ ଦୃଷ୍ଟି ଆକର୍ଷଣ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କର୍ତ୍ତବ୍ୟ ଆଗ, ସବୁ ପଛ

କେନ୍ଦୁଝର, ୨୭ା୩ (ନରେଶ ଚନ୍ଦ୍ର ପଟ୍ଟନାୟକ)-କର୍ତ୍ତବ୍ୟ ଆଗ, ଆଉ ସବୁ ପଛ। ଏହାକୁ ପାଥେୟ କରି କେନ୍ଦୁଝର ପୌରପାଳିକା ସଫେଇ କର୍ମଚାରୀ ଆଗେଇ ଆସିଛନ୍ତି। କରୋନା...

ସର୍ବଶ୍ରେଷ୍ଠ ଆଇଟିଆଇରେ ରାଜ୍ୟର ୬

ଭୁବନେଶ୍ୱର,୨୭। ୭(ବ୍ୟୁରୋ): ଆଇଟିଆଇ, ପଲିଟେକ୍‌ନିକ୍‌ରେ ନାମଲେଖା ପାଇଁ ପ୍ରଚାର ଅଭିଯାନ ଆରମ୍ଭ ହୋଇଛି। ସୋମବାର ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ମନ୍ତ୍ରୀ ପ୍ରେମାନନ୍ଦ ନାୟକ...

ଭିଜିଲାନ୍ସ ଜାଲରେ ବିଇଓ କାର୍ଯ୍ୟାଳୟ କନିଷ୍ଠ କିରାଣି

ଲଖନପୁର,୧୧।୭(ଡି.ଏନ.ଏ.): ଝାରସୁଗୁଡ଼ା ଜିଲା ଲଖନପୁର ବ୍ଲକ ଶିକ୍ଷା ଅଧିକାରୀ(ବିଇଓ)ଙ୍କ କାର୍ଯ୍ୟାଳୟରେ ଗୁରୁବାର ଭିଜିଲାନ୍ସ ପକ୍ଷରୁ ଚଢ଼ାଉ ହୋଇଛି। କାର୍ଯ୍ୟାଳୟର ଜଣେ କନିଷ୍ଠ କିରାଣି ଇନକ୍ରିମେଣ୍ଟ କରାଇ...

ବାହାରେ ରୋଜଗାର ଖୋଜୁଛନ୍ତି ଯୁବପିଢ଼ି

କେନ୍ଦ୍ରାପଡ଼ା ଅଫିସ, ୪-୯- କର୍ମ ସଂସ୍ଥା ଓ ଭିତ୍ତିଭୂମିର ଅଭାବ ଯୋଗୁ କେନ୍ଦ୍ରାପଡ଼ାର ଅଧିକାଂଶ ଯୁବପିଢ଼ି ଏବେ ଜିଲା ଛାଡ଼ିବାକୁ ବାଧ୍ୟ ହେଉଛନ୍ତି। ବାହାର ରାଜ୍ୟ...

ଟାର୍ଗେଟ୍‌ ନାହିଁ, ପଡ଼ିରହିଛି ଧାନ

ଧାମନଗର,୬।୩: ଭଦ୍ରକ ଜିଲା ଧାମନଗର ସେବା ସମବାୟ ସମିତି ଅଧୀନରେ ଥିବା ଚାଷୀମାନେ ଧାନ ବିକ୍ରି କରି ନ ପାରି ହତାଶ ହୋଇପଡ଼ିଛନ୍ତି। ଟୋକନ ଅବଧି...

ବରଗଡ଼ରେ ଲକ୍‌ ଡାଉନ୍‌ ସ୍ଥିତି ପରଖିଲେ ପୋଲିସ ଡିଜି ଅଭୟ

ବରଗଡ଼‌,୩୦।୪: ରାଜ୍ୟ ପୋଲିସ ମହାନିର୍ଦ୍ଦେଶକ(ଡିଜି) ଅଭୟ ଗୁରୁବାର ବରଗଡ଼ ଜିଲା ଗସ୍ତରେ ଆସିଛନ୍ତି । ଦିନ ପ୍ରାୟ ଗୋଟାଏରେ ସେ ହେଲିକପ୍ଟର ଯୋଗେ ଆସି ସ୍ଥାନୀୟ...

ବେପରୁଆ ଚାଲିଛି ବର୍ତ୍ତନା-ଆଗରପଡା ରାସ୍ତା

ଖଇରା, ୨୦।୮(ଡି.ଏନ.ଏ.)-ବାଲେଶ୍ୱର ଭଦ୍ରକ କେନ୍ଦୁଝର ଓ ମୟୂରଭଞ୍ଜ ୪ ଜିଲାକୁ ସଂଯୋଗ କରୁଥିବା ବର୍ତ୍ତନା-ଆଗରପଡା ପୂର୍ତ୍ତ ବିଭାଗ ରାସ୍ତା ଏବେ ବେପରୁଆ ଢଙ୍ଗରେ ଚାଲୁଥିବାରୁ ଯାତ୍ରୀଙ୍କ...

ଦାଦାବଟି ମାଗି ଅଭିଯୁକ୍ତ ଗିରଫ: ୩୫ ହଜାର ଟଙ୍କା ସହ ମୋବାଇଲ, ଗାଡ଼ି ଜବତ

ପଟ୍ଟାମୁଣ୍ଡାଇ, ୩।୭(ସ୍ବ.ପ୍ର): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ସହରର କପଡ଼ା ବ୍ୟବସାୟୀ ଉମେଶ ଚନ୍ଦ୍ର ସାହୁଙ୍କୁ ଫୋନରେ ଦାଦା ବଟି ମାଗିବା ସହ ଧମକ ଦେବା ଅଭିଯୋଗରେ...

Advertisement
Archives

Model This Week