ପୁରୁଷୋତ୍ତମପୁର,୧୭।୪(ସିମାଞ୍ଚଳ ମିଶ୍ର):ଗଞ୍ଜାମ ଜିଲା ପୁରୁଷୋତ୍ତମପୁର ନଗର ବିଜେଡି ପକ୍ଷରୁ ପ୍ରବାଦପୁରୁଷ ସ୍ବର୍ଗତ ବିଜୁ ପଟ୍ଟନାୟକଙ୍କ ତିରୋଧାନ ଦିବସ ଗୁରବାର ନଗର ବିଜେଡି ସଭାପତି ପ୍ରଭାତ କୁମାର ପଟ୍ଟନାୟକଙ୍କ ତତ୍ତ୍ୱାବଧାନରେ ପାଳିତ ହୋଇଯାଇଛି। ଏହି ଅବସରରେ ଦଳୀୟ କର୍ମୀ ଓ ବିଜୁପ୍ରେମୀମାନେ ଯାଇ ସହରପକଣ୍ଠ ପାଣ୍ଡିଆଛକ ସ୍ଥିତ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିରେ ପୁଷ୍ପ ମାଲ୍ୟ ପ୍ରଦାନ କରି ଓଡିଶା ଲାଗି ବିଜୁବାବୁଙ୍କ ରହିଥିବାଅବଦାନ ସମ୍ପର୍କରେ ଗୁଣଗାନ କରିଥିଲେ l ଏଥିରେ କାଉନସିଲର ଅଶୋକ କୁମାର ମହାଙ୍କୁଡ,ଅରୁଣକୁମାର ମହାଙ୍କୁଡ, କାଉନସିଲର ପ୍ରତିନିଧି ଭାଗିରଥି ବେହେରା, ନଗର ବିଜେଡି ନିର୍ବାଚନ ଅଧିକାରୀ କେ ଉମା ଶଙ୍କର ରାଓ, ଶଙ୍କର୍ଷଣ ବେହେରା ପ୍ରମୁଖ ଯୋଗ ଦେଇଥିଲେ l
