ପାଟନା,୩୧।୮: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ବୁଧବାର କେନ୍ଦ୍ରରେ ଭାଜପା ନେତୃତ୍ୱାଧୀନ ମୋଦି ସରକାରଙ୍କୁ କଡ଼ା ସମାଲୋଚନା କରିଛନ୍ତି। କେନ୍ଦ୍ର ସରକାର ବିକାଶମୂଳକ କାର୍ଯ୍ୟ ବଦଳରେ କେବଳ ‘ପ୍ରଚାରପ୍ରସାର’ କାର୍ଯ୍ୟ କରୁଥିବା ସେ ଅଭିଯୋଗ କରିଛନ୍ତି।
ଏକ କାର୍ଯ୍ୟକ୍ରମ ସମୟରେ ନୀତୀଶ କୁମାର କେନ୍ଦ୍ରରେ ମୋଦି ସରକାରଙ୍କୁ ସମାଲୋଚନା କରିବା ବେଳେ ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ମଧ୍ୟ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ନୀତୀଶ କୁମାର ଚନ୍ଦ୍ରଶେଖର ଏବଂ ତାଙ୍କର କାର୍ଯ୍ୟକୁ ପ୍ରଶଂସା କରିଥିଲେ। ଏହାସହ ବିରୋଧୀ ଏକଜୁଟ ହୋଇ ଦେଶରୁ ଭାଜପାକୁ ଯେକୌଣସି ଭାବେ ହଟାଇବାକୁ ପଡିବ ବୋଲି କହିଛନ୍ତି।
ଭାଜପାକୁ ଟାର୍ଗେଟ କରି କେସିଆର କହିଛନ୍ତି, ଦେଶରେ ବିକାଶର ନାମ ନାହିଁ, ଏହା କେବଳ ଏକ ସ୍ଲୋଗାନରେ ରହିଯାଇଛି। ୧୩ ମାସ ଚାଷୀଙ୍କୁ ଧାରଣା ଦେବାକୁ ପଡୁଛି। ଧର୍ମ ନାମରେ ଦେଶ ଭାଙ୍ଗିବା କାର୍ଯ୍ୟ କରାଯାଉଛି। ଦେଶର ଅର୍ଥନୀତି ହ୍ରାସ ପାଇଛି, ଋଣ ବୃଦ୍ଧି ପାଇଛି। ଦେଶର ଅବସ୍ଥା ଅତ୍ୟନ୍ତ ଖରାପ, କୌଣସି କ୍ଷେତ୍ରରେ ଉନ୍ନତି ହୋଇନାହିଁ। ସବୁକିଛି ନଷ୍ଟ ହୋଇଯାଉଛି।
