ରାଜକୋଟ,୧୮।୨: ଇଂଲଣ୍ଡ ବିପକ୍ଷ ପାଞ୍ଚ ଟେଷ୍ଟ ସିରିଜର ତୃତୀୟ ମ୍ୟାଚରେ ଭାରତ ଜିତିଛି। ଭାରତ ରାଜକୋଟରେ ୪୩୪ ରନ୍ରେ ଭ୍ରମଣକାରୀ ଦଳକୁ ପରାସ୍ତ କରିଥିଲେ। ଟେଷ୍ଟ ଇତିହାସରେ ଏହା ଭାରତର ସବୁଠାରୁ ବଡ ବିଜୟ। ଏହାପୂର୍ବରୁ ୨୦୨୧ରେ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ୩୭୨ ରନରେ ନ୍ୟୁଜିଲାଣ୍ଡକୁ ପରାସ୍ତ କରିଥିଲା। ଏହି ବଡ ବିଜୟ ସହିତ ଟିମ ଇଣ୍ଡିଆ ବିଶ୍ୱ ଟେଷ୍ଟ ଚାମ୍ପିଅନସିପର ପଏଣ୍ଟ ଟେବୁଲରେ ଏକ ବଡ଼ ଫାଇଦା ମିଳିଛି।
ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ଜିତିବା ପରେ ଭାରତ ୭ଟି ମ୍ୟାଚରୁ ୫୦ ପଏଣ୍ଟ ପାଇଛି। ଭାରତର ପ୍ରତିଶତ ୫୯.୫୨ରେ ପହଞ୍ଚିଛି। ଅଷ୍ଟ୍ରେଲିଆ ଦଳର ବିଜୟ ପ୍ରତିଶତ ୫୫ ରଖିଛି। ପଏଣ୍ଟ ଟେବୁଲରେ ଭାରତ ଏବେ ଦ୍ୱିତୀୟ ସ୍ଥାନରେ ପହଞ୍ଚିଛି।
ଦକ୍ଷିଣ ଆଫ୍ରିକା ଉପରେ ଦ୍ୱିତୀୟ ଟେଷ୍ଟରେ ବିଜୟ ପରେ ନ୍ୟୁଜିଲାଣ୍ଡ ଦଳ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଛି। ତାର ମାର୍କ ପ୍ରତିଶତ ହେଉଛି ୭୫.୦୦ ସେ ଏପର୍ଯ୍ୟନ୍ତ ଚାରିଟି ଟେଷ୍ଟ ଖେଳି ତିନୋଟି ମ୍ୟାଚ ଜିତିଛନ୍ତି। ଦଳ ଗୋଟିଏରେ ହାରିଛି। ଅଷ୍ଟ୍ରେଲିଆ ୨୦୨୩-୨୫ ସିଜନରେ ୧୦ଟି ଟେଷ୍ଟ ଖେଳି ୬ଟି ଜିତିଛି। କଙ୍ଗାରୁମାନେ ତିନିଟିରେ ପରାଜୟର ସମ୍ମୁଖୀନ ହୋଇଛନ୍ତି। ଗୋଟିଏ ମ୍ୟାଚ ଡ୍ର ହୋଇଛି। ଭାରତ ସାତୋଟି ଟେଷ୍ଟ ଖେଳି ଚାରିଟି ଜିତିଛି। ଟିମ ଇଣ୍ଡିଆ ଦୁଇଟି ମ୍ୟାଚ ହାରିଛି। ଗୋଟିଏ ଟେଷ୍ଟ ଡ୍ର ହୋଇଛି।
