ପୁଣେ,୨୫।୩: ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଥିବା ତିନି ମ୍ୟାଚ ବିଶିଷ୍ଟ ଏକଦିବସୀୟ ସିରିଜରୁ ଟିମ ଇଣ୍ଡିଆର ବ୍ୟାଟ୍ସମ୍ୟାନ ଶ୍ରେୟସ ଆୟରଙ୍କୁ ବାଦ ଦିଆଯାଇଛି। ପୁଣେରେ ଖେଳାଯାଇଥିବା ପ୍ରଥମ ଏକଦିବସୀୟ ମ୍ୟାଚ ବେଳେ ତାଙ୍କ କାନ୍ଧରେ ଆଘାତ ଲାଗିଥିଲା। ତାଙ୍କ କାନ୍ଧରେ ଆଘାତ ଗୁରୁତର ଏବଂ ଶ୍ରେୟସ ସମ୍ପୂର୍ଣ୍ଣ ସୁସ୍ଥ ହେବାକୁ ସମୟ ଲୋଗିବ ବୋଲି ଜଣାପଡିଛି। ଶ୍ରେୟସ ଆୟର ଅଧା ଆଇପିଏଲରୁ ମଧ୍ୟ ବାଦ୍ ପଡିପାରନ୍ତି। ଶ୍ରେୟାସ ଆୟର ହେଉଛନ୍ତି ଆଇପିଏଲ ଦଳ ଦିଲ୍ଲୀ କ୍ୟାପିଟାଲ୍ସର ଅଧିନାୟକ। ଇଂଲଣ୍ଡ ଇନିଂସର ଅଷ୍ଟମ ଓଭରରେ ଶ୍ରେୟାସ ଆୟର ଆହତ ହୋଇଥିଲେ। ଶାର୍ଦ୍ଦୁଲ ଠାକୁର ଇଂଲଣ୍ଡର ଇନିଂସର ଅଷ୍ଟମ ଓଭର ଫିଙ୍ଗିଥିଲେ। ଏହି ସମୟରେ ଇଂଲଣ୍ଡ ବ୍ୟାଟ୍ସମ୍ୟାନ ଜନି ବେୟାରଷ୍ଟୋ ଠାକୁରଙ୍କ ବଲରୁ ଏକ ଡ୍ରାଇଭ୍ ମାରିଥିଲେ। ଏହାକୁ ରୋକିବା ପାଇଁ ଶ୍ରେୟସ ଚେଷ୍ଟା କରୁଥିବାବେଳେ ଆହତ ହୋିଥିଲେ। ଅନ୍ୟପକ୍ଷରେ ପୁଣେରେ ଖେଳାଯାଇଥିବା ଏକଦିବସୀୟ ମ୍ୟାଚରେ ଟିମ ଇଣ୍ଡିଆର ତାରକା ବ୍ୟାଟ୍ସମ୍ୟାନ ରୋହିତ ଶର୍ମା ମଧ୍ୟ ଆହତ ହୋଇଛନ୍ତି।
