ଲାହୋର,୧୧।୧: ପାକିସ୍ତାନର ପୂର୍ବତନ ଅଧିନାୟକ ତଥା ଅଲରାଉଣ୍ଡର ସୋଏବ ମଲିକଙ୍କ ସହ ଏକ ବଡ ଦୁର୍ଘଟଣା ଘଟିଛି। ମଲିକଙ୍କ କାର ଲାହୋରରେ ଦୁର୍ଘଟଣାଗ୍ରସ୍ତ ହୋଇଛି। ରାସ୍ତା କଡ଼ରେ ପାର୍କିଂ ହୋଇଥିବା ଟ୍ରକ ସହିତ ମଲିକଙ୍କ କାର ମୁହାଁମୁହିଁ ଧକ୍କା ହୋଇଥିଲା। ଦୁର୍ଘଟଣା ପରେ ମଲିକଙ୍କ କାର ଖରାପ ହୋଇଯାଇଥିଲା, କିନ୍ତୁ ସୋଏବ ମଲିକ ଅଳ୍ପକେ ବଞ୍ଚି ଯାଇଥିଲେ। ଟେନିସ ତାରକା ସାନିଆ ମିର୍ଜାଙ୍କ ସ୍ବାମୀ ସୋଏବ ମଲିକ ପାକିସ୍ତାନ ସୁପର ଲିଗ ପ୍ଲେୟାର ଡ୍ରାଫ୍ଟ ପ୍ରୋଗ୍ରାମରୁ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା। ସୂଚନାଯୋଗ୍ୟ, ସୋଏବ ମଲିକଙ୍କ ସ୍ପୋର୍ଟସ କାର ବହୁତ ଦ୍ରୁତ ଗତିରେ ଥିଲା ଏବଂ ହଠାତ୍ ଭାରସାମ୍ୟ ହରkାଇ କାରଟି ରାସ୍ତା କଡ଼ରେ ଅଟକି ରହିଥିବା ଏକ ଟ୍ରକରେ ବାଡେଇ ହୋଇଯାଇଥିଲା। କାର୍ଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିବାବେଳେ ସୌଭାଗ୍ୟବଶତଃ ମଲିକ ବର୍ତ୍ତି ଯାଇଥିଲେ।
