ୱାଶିଂଟନ,୨୨ ।୨: ରୁଷିଆ ଦ୍ୱାରା ପୂର୍ବ ୟୁକ୍ରେନର ୨ଟି ଅଞ୍ଚଳକୁ ସ୍ୱତନ୍ତ୍ର ଦେଶର ମାନ୍ୟତା ଦିଆଯିବା ପରେ ଆମେରିକା କଠୋର ପଦକ୍ଷେପ ନେଇଛି । ଆମେରିକା ରାଷ୍ଟ୍ରପତି ଜୋ ବାଇଡେନ ସୋମବାର ଏକ କାର୍ଯ୍ୟକାରୀ ଆଦେଶରେ ଦସ୍ତଖତ କରିଛନ୍ତି ଯାହା ଫଳରେ ଆମେରିକାର ନାଗରିକ ଓ ବ୍ୟବସାୟୀ ଏହି ଅଞ୍ଚଳରେ କୌଣସି ପ୍ରକାର ନିବେଶ, ବ୍ୟବସାୟ ଓ ଆର୍ଥିକ ସହାୟତା କରିପାରିବେ ନାହିଁ । ସୂଚନାଯୋଗ୍ୟ, ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ସୋମବାର ରାତିରେ ପୂର୍ବ ୟୁକ୍ରେନର ଦୁଇଟି ଅଞ୍ଚଳକୁ ସ୍ୱତନ୍ତ୍ର ଦେଶର ମାନ୍ୟତା ଦେଇଛନ୍ତି । ଯାହା ଫଳରେ ପଶ୍ଚିମ ଦେଶ ଓ ରୁଷିଆ ମଧ୍ୟରେ ତିକ୍ତତା ଆହୁରି ବୃଦ୍ଧି ପାଇଛି ।
ବାଇଡେନ ଟୁଇଟ କରି କହିଛନ୍ତି, କାର୍ଯ୍ୟକାରୀ ଆଦେଶରେ ହସ୍ତାକ୍ଷର କରି ମୁଁ ରୁଷିଆ ଓ ଅନ୍ତରାଷ୍ଟ୍ରୀୟ ଆଇନର ଘୋର ଉଲ୍ଲଂଘନକୁ ରୋକିବାକୁ ଏପରି କରିଛି । ଆଗକୁ ୟୁକ୍ରେନ୍ ସହିତ ସହଯୋଗୀ ଓ ଭାଗିଦାରୀଙ୍କ ସହ ଲଗାତାର ପରାମର୍ଶ କରୁଛି ।
