ରାଜନଗର, ୧୫।୧(ଡି.ଏନ.ଏ.): ଭିତରକନିକା ଜାତୀୟ ଉଦ୍ୟାନରେ ଓ ବାହାରେ ପ୍ରବାହିତ ନଦୀ ନାଳଗୁଡିକରେ ଥିବା ବଉଳା କୁମ୍ଭୀରମାନଙ୍କର ଗଣନା କରାଯିବ। ଜାନୁୟାରୀ ୧୫ରୁ ୨୩ ତାରିଖ ଯାଏ ଭିତରକନିକା ଦେଶ ବିଦେଶର ପର୍ଯ୍ୟଟକଙ୍କ ପାଇଁ ବନ୍ଦ ରଖାଯାଇଛି। ବଉଳା କୁମ୍ଭୀରଙ୍କ ଗଣନା ପାଇଁ ୨୨ଟି ଟିମ୍ ଗଠନ କରାଯାଇଛି। ଖୋଳାରୁ କଣ୍ଟିଆଖାଇ ମାଉଥ, ଜେଠିରୁ ପାଟ୍ଟଶାଳା ଓ ଖୋଳା ମାଉଥ, ଖୋଳା ମାଉଥ ରୁଚେକ ଗେଟ, ପତି ମାଉଥରୁ ଗୋଖଣି, ବାଲିଯୋରରୁ ଧୋଇଆ କ୍ରିକ୍, ମହିଁଷାମଣ୍ଡା ମାଉଥ ରୁକାଠୁଆ, କାଠୁଆ ମାଉଥ ରୁସାପୁଆ ମାଉଥ, ଥାନପତି ମାଉଥ ରୁଚିନ୍ତାମଣି ମହାନ୍ତ କ୍ରିକ୍, ଶୁଆଯୋର କ୍ରିକ୍, ଡାଙ୍ଗମାଳ ସ୍କିମରୁ ବାଙ୍କୁଆଳ ଓ ଭିତରକନିକା ଫରେଷ୍ଟ ବ୍ଲକ୍, ଜୟନଗରରୁ ଦୁର୍ଗା ପ୍ରସାଦ ଡିଆ, ରାଜନଗରରୁ ଖୋଳା, ରାଜନଗରରୁ ବରୁଣେଇ, ଗୁପ୍ତିରୁ ଏକକୁଳା, ଗୁପ୍ତିରୁ ହଂସିଣା ବ୍ରିଜ, ବାଉଶଗଡ ନଦୀରୁ ସୁନେଇ ରୁପେଇ ଓ ସାତଭାୟା କ୍ରିକ, ସାତଭାୟା ଗେଟରୁ ଚିଞ୍ଚତ୍ରିବେରି ଓ ଅଙ୍ଗାରି କ୍ରିକ୍, ବଗୁଳି, ପାପୁଲି ମାଉଥ ରୁଶାସନପେଟା ବିଟ, କଣ୍ଡରାପାଟିଆ ମାଉଥରୁ ପାଣିଆଖିଆ, ଗୋବରୀ, କଂସାରଡିଆରୁ ଉତ୍ତରଖୋଳା କ୍ରିକ୍ ଆଦିରେ ୨୨ଟି ଟିମ ନଦୀ ଓ କ୍ରିକରେ ଗଣନା କରିବେ। କୁମ୍ଭୀର ବିଶାରଦ ଡ. ସୁଧାକର କରଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ଗଣନା କରାଯିବ। ପ୍ରତ୍ୟେକ ଟିମରେ ୪ ରୁ ୫ଜଣ ଲେଖାଏ ଅଛନ୍ତି। ସକାଳେ ଖରା ପୁଇଁବା ସମୟ ଓ ରାତିରେ ସ୍ପଟ ଲାଇଟ ମାଧ୍ୟମରେ କୁମ୍ଭୀର ଗଣନା କରାଯିବ। ଶୁକ୍ରବାର ଡାଙ୍ଗମାଳଠାରେ କୁମ୍ଭୀର ଗଣନାକାରୀଙ୍କୁ ପ୍ରଶିକ୍ଷଣ ଦିଆଯିବ।
