ଅହମ୍ମଦାବାଦ,୧।୨: ବୋର୍ଡ ଅଫ କଣ୍ଟ୍ରୋଲ ଫର୍ କ୍ରିକେଟ ଇନ ଇଣ୍ଡିଆ (ବିସିସିଆଇ) ମହିଳା ଅଣ୍ଡର-୧୯ ଟି-୨୦ ବିଶ୍ୱକପ ବିଜେତା ଦଳକୁ ପୁରସ୍କୃତ କରିଛି। ବିଶ୍ୱର ସର୍ବବୃହତ କ୍ରିକେଟ ଷ୍ଟାଡିୟମ ନରେନ୍ଦ୍ର ମୋଦି ଷ୍ଟାଡିୟମରେ ଆୟୋଜିତ ଏହି ସମାରୋହରେ ବିସିସିଆଇ ଖେଳାଳିଙ୍କୁ ପୁରସ୍କାର ସ୍ବରୂପ ପାଞ୍ଚ କୋଟି ଟଙ୍କା ଦେଇଥିଲା। ଏହି କାର୍ଯ୍ୟକ୍ରମରେ ବିସିସିଆଇ ସଭାପତି ରୋଜର ବିନି, ଉପସଭାପତି ରାଜୀବ ଶୁକ୍ଲା ଏବଂ ସଚିବ ଜୟ ଶାହା ଉପସ୍ଥିତ ଥିଲେ।
ଯୁବ ମହିଳା କ୍ରିକେଟରଙ୍କୁ ସମ୍ବୋଧିତ କରି ସଚିନ ତେନ୍ଦୁଲକର କହିଛନ୍ତି, ମୁଁ ଅଣ୍ଡର -୧୯ ଦଳକୁ ଅଭିନନ୍ଦନ ଜଣାଉଛି। ଏହା ଏକ ଚମତ୍କାର ସଫଳତା। ସମଗ୍ର ଦେଶ ଏହି ବିଜୟ ଉତ୍ସବ ପାଳନ କରୁଛି ଏବଂ ଲୋକମାନେ ଭବିଷ୍ୟତରେ ଏଥିରୁ ଅନେକ ପ୍ରେରଣା ନେଇପାରିବେ। ଏହି ବିଶ୍ୱକପ ଜିତିବା ଅନେକ ଯୁବତୀଙ୍କୁ କ୍ରିକେଟକୁ ଆସିବାକୁ ପ୍ରେରଣା ଦେଇଛି।
ଏହା ବ୍ୟତୀତ ସଚିନ ତେନ୍ଦୁଲକର ଆଗାମୀ ମହିଳା ପ୍ରିମିୟର ଲିଗକୁ ମଧ୍ୟ ପ୍ରଶଂସା କରିଛନ୍ତି। ସେ କହିଛନ୍ତି -ଡବ୍ଲ୍ୟୁପିଏଲ୍ ଏକ ବହୁତ ବଡ ଟୁର୍ନାମେଣ୍ଟ। ମୁଁ ପୁରୁଷ ଏବଂ ମହିଳାଙ୍କ ପାଇଁ ସମାନ ଭାବରେ ଭାବୁଛି। ଏହି ଟୁର୍ନାମେଣ୍ଟ ଆୟୋଜନ ପାଇଁ ମୁଁ ବିସିସିଆଇ ଏବଂ ମହିଳା ଖେଳାଳିଙ୍କୁ ଅଭିନନ୍ଦନ ଜଣାଉଛି।
