ନୂଆଦିଲ୍ଲୀ,୨୮ ।୧: ବିବିସି ଡକ୍ୟୁମେଣ୍ଟାରୀ ସ୍କ୍ରିନିଂକୁ ନେଇ ବିବାଦ ଜାରି ରହିଛି । ଦିଲ୍ଲୀ ଓ କୋଲକାତାରେ ସ୍କ୍ରିନିଂର ଜିଦ ପରେ ଶନିବାର ମୁମ୍ବାଇର ଟାଟା ଇନଷ୍ଟିଚ୍ୟୁଟ ଅଫ ସୋସିଆଲ ସାଇନସେଜ(ଟିଆଇଏସଏସ)ସେ ସ୍କିନିଂ ହେବାର ଘୋଷଣା କରାଯାଇଛି । ହେଲେ ଇନଷ୍ଟିଚ୍ୟୁଟ ପକ୍ଷରୁ ଏହାକୁ ଅନୁମତି ଦିଅଯାଇନାହିଁ ।
ଟାଟା ଇନଷ୍ଟିଚ୍ୟୁଟ ଅଫ ସୋସିଆଲ ସାଇନସେଜରେ ପଢୁଥିବା ଛାତ୍ରଙ୍କ ଏକ ଗ୍ରୁପ ପ୍ରୋଗ୍ରେସିଭ ଷ୍ଟୁଡେଣ୍ଟସ୍ ଫୋରମ (ପିଏସଏଫ) ପ୍ରଶାସନଠାରୁ କ୍ୟାମ୍ପସରେ ଡକ୍ୟୁମେଣ୍ଟାରୀର ସ୍କ୍ରିନିଂ ପାଇଁ ଅନୁମତି ମାଗିଥିଲେ । ହେଲେ ଟିଆଇଏସଏସ ସ୍କ୍ରିନିଂ ପାଇଁ ସଫାସଫା ମନାକରି ଦେଇଥିଲା । ଅନୁମତି ନ ମିଳିବା ପରେ ଫୋରମ ଶନିବାର ଅର୍ଥାତ୍ ୨୮ ଜାନୁୟାରୀ ସନ୍ଧ୍ୟା ୭ଟାରେ ସ୍କ୍ରିନିଂ କରିବାକୁ ଘୋଷଣା କରିଥିଲା । ପିିଏସଏଫ କହିଛି, ପ୍ରଶାସନ ମନା କରିବା ପରେ ବି ଆମେ କ୍ୟାମ୍ପସରେ ସ୍କ୍ରିନିଂ କରିବୁ ।
ଟିଆଇଏସଏସ କ୍ୟାମ୍ପସରେ ଡକ୍ୟୁମେଣ୍ଟାରୀର ସ୍କ୍ରିନିଂ ନ କରିବାକୁ ନେଇ ଆଡଭାଇଜରୀ ଜାରୀ କରାଯାଇଛି । ଟିଆଇଏସଏସ ପକ୍ଷରୁ କୁହାଯାଇଛି କି ସ୍କ୍ରିନିଂ ପରେ କ୍ୟାମ୍ପସର ବାତାବରଣ ନଷ୍ଟ ହେବ । ଯଦି କୌଣସି ଛାତ୍ର ଜୋରଜବରଦସ୍ତ ଏଭଳି କାର୍ଯ୍ୟ କରନ୍ତି ତେବେ ତାଙ୍କ ବିରୋଧରେ ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ତେଣୁ ଏଥିରୁ ଯଥା ସମ୍ଭବ ଦୂରେଇ ରହିବାକୁ କୁହାଯାଇଛି ।
