କଟକ,୮ା୭, (ସୁପ୍ରିୟା ପ୍ରିୟଦର୍ଶିନୀ): ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ଆନୁକୂଲ୍ୟରେ ବାରବାଟୀ ଷ୍ଟାଡିୟମ ଏବଂ ସଚିନ ତେନ୍ଦୁଲକର ଇନଡୋର ହଲ ପରିସରରେ ପେସ ବୋଲର ପ୍ରତିଭା ଅନ୍ବେଷଣ ଶିବିର ଶୁକ୍ରବାର ଉଦ୍ଯାପିତ ହୋଇଛି।
୩ଦିନିଆ ଉକ୍ତ ଶିବିରରେ ମୋଟ ୫୮୮ ଖେଳାଳି ଭାଗ ନେଇଥିଲେ। ରାଜ୍ୟର ବିଭିନ୍ନ ପ୍ରାନ୍ତରୁ ତିନି ପର୍ଯ୍ୟାୟରେ ପଞ୍ଜୀକୃତ ଖେଳାଳିଙ୍କୁ ଡକାଯାଇଥିଲା। ରାଜ୍ୟ ସିନିୟର ପୁରୁଷ ଦଳର ମୁଖ୍ୟ କୋଚ ତଥା ପୂର୍ବତନ ଅନ୍ତର୍ଜାତୀୟ କ୍ରିକେଟର ଦିନେଶ ମୋଙ୍ଗିଆଙ୍କ ତତ୍ତ୍ୱାବଧାନରେ ଆୟୋଜିତ ଉକ୍ତ ଶିବିରକୁ ଜୁନିୟର ଏବଂ ସିନିୟର ଦଳ ଚୟନକର୍ତ୍ତା ଅମୀୟ ରାୟ, ସୌରଜିତ ମହାପାତ୍ର, ସୁବିତ ବିଶ୍ୱାଳ, ପ୍ରଭଞ୍ଜନ ମଲ୍ଲିକ ପରିଚାଳନା କରିଥିଲେ। ତେବେ ଉକ୍ତ ଶିବିରରୁ କିଛି ଖେଳାଳିଙ୍କୁ ଚୟନ କରାଯାଇଛି। ଯେଉଁମାନଙ୍କୁ ନେଇ ଆଗାମୀ ଦିନରେ ପ୍ରଶିକ୍ଷଣ ଶିବିର ଆୟୋଜନ ହେବ। ପୂର୍ବତନ ଅନ୍ତର୍ଜାତୀୟ କ୍ରିକେଟର ଦେବାଶିଷ ମହାନ୍ତି ପ୍ରଶିକ୍ଷଣ ଦେବେ।
