Odisha Elections 2024

ବରୀ ବିଜେଡିରେ ଦଳଡିଆଁଙ୍କୁ ନେଇ ଚିନ୍ତା

ରସୁଲପୁର,୧୫ା୫(ରଂଜିତ ରାଉତ): ବରୀ ନିର୍ବାଚନମଣ୍ଡଳୀରେ ୩ପ୍ରମୁଖ ଦଳ ବିଜେଡି, ଭାଜପା, କଂଗ୍ରେସ ପ୍ରାର୍ଥୀଙ୍କ ନାମାଙ୍କପତ୍ର ଦାଖଲ ପରେ ଦଳୀୟ ପ୍ରଚାର ତୀବ୍ର ହେବାକୁ ଯାଉଛି। ଏଭଳି ସ୍ଥିତିରେ ବିଜେଡିକୁ ଦଳଡିଆଁ ଚିନ୍ତା ଘାରିଛି। ନିର୍ବାଚନ ପୂର୍ବରୁ ଦଳ ଯାହାକୁ ପ୍ରମୁଖ ଅସ୍ତ୍ର ଭାବରେ ବ୍ୟବହାର କରୁଥିଲା, ଏବେ ସେହି ପ୍ରମୁଖ ଜନପ୍ରତିନିଧିମାନେ ଦଳ ଛାଡୁଥିବା ଲକ୍ଷ୍ୟ କରାଯାଉଛି। ନିର୍ବାଚନକୁ ଆଉ ମାତ୍ର ୨ସପ୍ତାହ ବାକି ରହିଲା। ଦଳରେ ଏହି ପ୍ରକ୍ରିୟା ଜାରି ରହିଲେ ବିଜେଡି ପାଇଁ ଅଡୁଆ ପରିସ୍ଥିତି ସୃଷ୍ଟି କରିବ ବୋଲି ଆକଳନ କରାଯାଉଛି।

୨୦୧୯ ନିର୍ବାଚନ ଫଳାଫଳକୁ ଲକ୍ଷ୍ୟକଲେ ବରୀରେ ବିଜେଡି ଓ ଭାଜପା ମଧ୍ୟରେ ଜିତିବା ବ୍ୟବଧାନ ମାତ୍ର ୪୦୬୨ ଭୋଟ ଥିଲା। ବରୀର ବିଜେଡି ପ୍ରାର୍ଥୀ ସୁନନ୍ଦା ଦାସଙ୍କୁ ୭୨,୨୨୯ଖଣ୍ଡ ଭୋଟ ମିଳି ଥିବାବେଳେ ମୁଖ୍ୟ ପ୍ରତିଦ୍ୱନ୍ଦ୍ୱୀ ଭାଜପାର ବିଶ୍ୱରଞ୍ଜନ ମଲ୍ଲିକଙ୍କୁ ୬୮,୪୯୭ଖଣ୍ଡ ଭୋଟ ମିଳିଥିଲା। ଏହି ନିର୍ବାଚନମଣ୍ଡଳୀରେ ରସୁଲପୁର ବ୍ଲକରୁ ସାମିଲ ହୋଇଥିବା ୧୦ ପଞ୍ଚାୟତରୁ ବିଜେଡିକୁ ମିଳିଥିବା ଅଗ୍ରଣୀ ଭୋଟ ସୁନନ୍ଦାଙ୍କୁ ଜିତାଇବାରେ ସହାୟକ ହୋଇଥିଲା। ମାତ୍ର ସେହି ଅଞ୍ଚଳରେ ଦଳଡିଆଁମାନେ ବିଜେଡି ପାଇଁ ଚିନ୍ତାର କାରଣ ସାଜିଛନ୍ତି। ତା’ ଉପରେ ନଜର ପକାଇଲେ ଜଣାଯାଏ ଯାଜପୁର ଜିଲା ବିଜେଡି ସାଧାରଣ ସମ୍ପାଦକ ପ୍ରଦୀପ ଦାସ, ରାଜେନ୍ଦ୍ରପୁର ପୂର୍ବତନ ସରପଞ୍ଚ ସୁଶାନ୍ତ ବେହେରା, ସାମନ୍ତାରାପୁର ପୂର୍ବତନ ସରପଞ୍ଚ ଅଭିମନ୍ୟୁ ମହାଳିକ, ଅତଲାପୁର ପୂର୍ବତନ ସରପଞ୍ଚ ପ୍ରଫୁଲ୍ଲ ସାହୁ ଓ ସମବାୟ ନେତା ବିଦ୍ୟାଧର କରଣ ପ୍ରମୁଖ ଦଳ ଛାଡି ଭାଜପାରେ ଯୋଗ ଦେଇ ସାରିଛନ୍ତି। ଏମାନେ ସମସ୍ତ ବିଜେଡିରେ ପ୍ରମୁଖ ସେନା ଥିଲେ।

ଦଳ ପାଇଁ ଭୋଟ ସଂଗ୍ରହ କରିବାରେ ଅଗ୍ରଣୀ ଭୂମିକା ଅର୍ଜନ କରିଆସୁଥିଲେ। ନିର୍ବାଚନର ବର୍ଷକ ପୂର୍ବରୁ ଏମାନେ ସମସ୍ତେ ବିଧାୟିକା ସୁନନ୍ଦା ଦାସଙ୍କୁ ବିରୋଧ କରି ମେଳି ବାନ୍ଧି ଥିଲେ। ଅର୍ଥଗାଁ ପଞ୍ଚାୟତର ଅଳପୁଆଠାରେ ମେଳି ହୋଇ ବିଧାୟିକାଙ୍କ କାର୍ଯ୍ୟାଧାରାକୁ ସମାଲୋଚନା କରିଥିଲେ। ସେତେବେଳେ ବିଜେଡି ନେତାମାନେ ଏମାନଙ୍କୁ ବ୍ୟବହାର କରି ବିଧାୟିକାଙ୍କୁ ବରୀରୁ ବିଦା କରିବା ଚକ୍ରାନ୍ତ କରିଥିଲେ। ସେଥିରେ ଚକ୍ରାନ୍ତକାରୀମାନେ ସଫଳ ହେଲେ, ଶେଷରେ ବରୀରେ ବିଜେଡି ବିଧାୟିକା ସୁନନ୍ଦାଙ୍କ ଟିକେଟ କାଟି ବିଶ୍ୱରଞ୍ଜନଙ୍କୁ ପ୍ରାର୍ଥୀ କରିଛି। ହେଲେ ଅସ୍ତ୍ର ଭାବରେ ବ୍ୟବହାର ହୋଇଥିବା ପୁରୁଣା ନେତାମାନଙ୍କୁ ଧରି ରଖିବାରେ ଦଳ ବିଫଳ ହୋଇଛି। ଏହି ନେତାମାନେ ବିଜେଡି ଛାଡି ଭାଜପାରେ ମିଶିବା ପରେ ଭାଜପାର ବଳ ବଢିଛି। ତେବେ ଏହି ବଳ ଦଳକୁ ବିଜୟୀ କରିବାରେ କେତେ ସହାୟକ ହେଉଛି ତାହା ନିର୍ବାଚନ ଫଳାଫଳରୁ ସ୍ପଷ୍ଟ ହୋଇପାରିବ। ଆଉ ଦଳଡିଆଁରୁ ବିଜେଡିକୁ ପହଞ୍ଚିଥିବା କ୍ଷତିକୁ ଭରଣା କରିବା ପାଇଁ ଦଳ କି ରଣନୀତି ଆପଣଉଛି ତା ଉପରେ ସମସ୍ତଙ୍କର ନଜର ରହିଛି।

ବରୀ ନିର୍ବାଚନମଣ୍ଡଳିରେ ୩ଟି ପ୍ରମୁଖ ଦଳ ମଧ୍ୟରେ ଲଢେଇ ସୀମିତ ରହିନାହିଁ। ଏଠାରେ ନବ ନିର୍ମାଣ କୃଷକ ସଂଗଠନ ନିମାଇଁ ରାୟଙ୍କୁ ପ୍ରାର୍ଥୀ କରିଛି। ଚାଷୀ ନେତା ରାୟଙ୍କ ପ୍ରାର୍ଥତ୍ତ୍ୱ କୃଷକମାନଙ୍କ ଭୋଟକୁ ପ୍ରଭାବିତ କରିବ ବୋଲି କୁହାଯାଉଛି। ଏଭଳି ସ୍ଥିତିରେ ଉଭୟ ବିଜେଡି ଓ ଭାଜପାଙ୍କ ପାଇଁ ଅଡୁଆ ପରିସ୍ଥିତି ସୃଷ୍ଟି କରିପାରେ ବୋଲି କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

ଚନ୍ଦନ ଯାତ୍ରା ସମୟରେ ନରେନ୍ଦ୍ର ପୋଖରୀରେ ବାଣ ବିସ୍ଫୋରଣ ଘଟଣା : ଉଦବେଗ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୯l୫: ଚନ୍ଦନ ଯାତ୍ରା ସମୟରେ ନରେନ୍ଦ୍ର ପୋଖରୀ ଦେବୀଘାଟରେ ଘଟିଥିବା ଦୁର୍ଭାଗ୍ୟଜନକ ବାଣ ଦୁର୍ଘଟଣାରେ ବହୁ ଲୋକ ଆହତ ହୋଇଛନ୍ତି l ଏନେଇ ମୁଖ୍ୟମନ୍ତ୍ରୀ...

ନରେନ୍ଦ୍ର ପୁଷ୍କରିଣୀରେ ଚାପ ଖେଳ ବେଳେ ଅଘଟଣ, ବାଣ ନିଆଁ ପଡ଼ି ୨୦ରୁ ଉର୍ଦ୍ଧ ଆହତ

ପୁରୀ,୨୯।୫: ନରେନ୍ଦ୍ର ପୁଷ୍କରିଣୀରେ ଚାପ ଖେଳ ବେଳେ ଏକ ବଡଧରଣର ଅଘଟଣ ଘଟିଛି। ବାଣ ନିଆଁ ପଡ଼ି ୨୦ରୁ ଉର୍ଦ୍ଧ ଗୁରୁତର ଆହତ ହୋଇଛନ୍ତି। ମହାପ୍ରଭୁ...

ଗ୍ୟାସ୍‌ ଚୁଲାରୁ ନିଆଁ ଲାଗି ମହିଳାଙ୍କ ଜୀବନ ଗଲା, ବଞ୍ଚାଇବାକୁ ଯାଇ ସ୍ବାମୀ-ପୁଅ ଆହତ

ଖଲ୍ଲିକୋଟ,୨୯ା୫(ପ୍ରଶାନ୍ତ କୁମାର ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ସିକୁଳା ଗ୍ରାମର ଜଣେ ମହିଳା ଗ୍ୟାସ୍‌ଚୁଲାରୁ ନିଆଁ ଲାଗି ଗୁରୁତର ଅବସ୍ଥାରେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ...

ସପ୍ତାହକରେ ବନ୍ଧାହେଲେଣି ଶହେରୁ ଅଧିକ ଅସାମାଜିକ

ଛତ୍ରପୁର,୨୯ା୫(ଦିଲ୍ଲୀପ ସାମଲ): ଗଞ୍ଜାମ ପୋଲିସ ଜିଲା ପକ୍ଷରୁ ଏକ ସ୍ବତନ୍ତ୍ର ଡ୍ରାଇଭ ଜାରି ରହିଛି। ଗଞ୍ଜାମ ଏସ୍‌ପି ଜଗମୋହନ ମୀନାଙ୍କ ନିର୍ଦ୍ଦେଶ କ୍ରମେ ବିଭିନ୍ନ ଥାନାରେ...

ଗଛତଳେ ଆଶ୍ରୟ ନେଇଥିବା ବେଳେ ହେଲା ବଜ୍ରପାତ, ଚାଲିଗଲା ଦୁଇ ଯୁବକଙ୍କ ଜୀବନ

କୋକସରା,୨୯ା୫(ଦୁଷ୍ମନ୍ତ କୁମାର ପାଟ୍ଟଯୋଷୀ): କଳାହାଣ୍ଡି ଜିଲା କୋକସରା ଥାନା ଧଅଁରପୁର ପଞ୍ଚାୟତ ତେନ୍ତୁଳିପଡ଼ାରେ ବଜ୍ରପାତ ଘଟି ଦୁଇ ଯୁବକଙ୍କ ଜୀବନ ଯାଇଛି। ଧଅଁରପୁର ଗ୍ରାମକୁ ମିସ୍ତ୍ରୀ...

ଜୁନ୍‌ ୧ ଭୋଟଗ୍ରହଣ ପାଇଁ ୩୦ ତାରିଖ ସନ୍ଧ୍ୟାରୁ ୧୪୪ ଧାରା ଜାରି,୧୦୦ ମିଟର ମଧ୍ୟରେ ଫୋନ୍‌ ବ୍ୟବହାର ନିଷେଧ

କଟକ,୨୯ା୫ (କାର୍ତ୍ତିକ ସାହୁ): ଅନ୍ତିମ ପର୍ଯ୍ୟାୟ ଜୁନ୍‌ ୧ ତାରିଖ ଭୋଟ ପାଇଁ କଟକ ଜିଲାର ନିଆଳି, ସାଲେପୁର ଏବଂ ମାହାଙ୍ଗା ବିଧାନସଭା ନିର୍ବାଚନ ମଣ୍ଡଳୀର...

ଲୋକପ୍ରିୟ ମୃଦୁ ପାନୀୟରେ କଣ୍ଡୋମ୍, କଡ଼ା କାର୍ଯ୍ୟାନୁଷ୍ଠାନ ଦାବି

ପାରଳାଖେମୁଣ୍ଡି, ୨୯।୫(ଗିରିଧାରୀ ପରିଛା): ସାରା ରାଜ୍ୟରେ ଗ୍ରୀଷ୍ମ ପ୍ରବାହ ବଢ଼ିଥିବା ବେଳେ ଗଜପତି ଜିଲାରେ ମଧ୍ୟ ଅସହ୍ୟ ଗରମ ଅନୁଭୂତ ହେଉଛି। ସାଧାରଣ ଜନତା ହୁଅନ୍ତୁ...

ରାସ୍ତାକଡ଼କୁ ଓଲଟି ପଡ଼ିଲା ଯାତ୍ରୀବାହୀ ବସ୍‌

କାମାକ୍ଷାନଗର,୨୯।୫: ଢେଙ୍କାନାଳ ଜିଲା କାମାକ୍ଷାନଗର ଥାନା ମହୁଲପାଳ ଗ୍ରାମ ନିକଟରେ ବୁଧବାର ସାରେ ଏକ ଯାତ୍ରୀବାହୀ ବସ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri