କଟକ,୨୧।୧୦: ଦେଶର ପ୍ରମୁଖ ମଲ୍ଟି ରେଷ୍ଟୁରାଣ୍ଟ ବ୍ରାଣ୍ଡ୍ ‘ବାର୍ବିକ୍ୟୁ ନେସନ୍’ର ଏକ୍ସକ୍ଲୁସିଭ ଆଉଟ୍ଲେଟ୍ ସ୍ଥାନୀୟ ଦର୍ଘା ବଜାରସ୍ଥିତ ନେତାଜୀ ସୁଭାଷ ବୋଷ ଆର୍କେଡ୍ଠାରେ ଉଦ୍ଘାଟନ ହୋଇଯାଇଛି। ଏହି ଅବସରରେ ବାର୍ବିକ୍ୟୁ ନେସନ୍ର ଆସିଷ୍ଟାଣ୍ଟ ରିଜିଓନାଲ ମ୍ୟାନେଜର ତଉସିଫ ଏହମଦ ସମ୍ମାନିତ ଅତିଥି ଭାବେ ଯୋଗ ଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ବାର୍ବିକ୍ୟୁ ନେସନ୍ର ପାତ୍ରପଡ଼ା ଆଉଟଲେଟ୍ର ସା ଆଲାମ୍ ଏବଂ ଆଉଟଲେଟ୍ର ଅନ୍ୟ ସଦସ୍ୟ ପ୍ରମୁଖ ଉପସ୍ଥିତ ଥିଲେ। ଏପରିକି ୪୨୫୦ ବର୍ଗଫୁଟ୍ ପରିମିତ ସ୍ଥାନରେ ନିର୍ମିତ ଏହି ନୂତନ ଆଉଟ୍ଲେଟ୍ରେ ୧୮୦ଟି ସିଟ୍ ରହିଛି। ବିଶେଷକରି ଏଠାରେ କର୍ପୋରେଟ୍ ଲଞ୍ଚ ସାଙ୍ଗକୁ ପରିବାର ସହ ସମୟ ବିତାଇବାକୁ ସର୍ବୋକତ୍ୃଷ୍ଟ ସ୍ଥାନ ହୋଇପାରିବ ବୋଲି ଆଉଟଲେଟ୍ ପକ୍ଷରୁ କୁହାଯାଇଛି। ସେହିଭଳି ଏହାର ଆକର୍ଷଣୀୟ ଇଣ୍ଟେରିୟର ସାଙ୍ଗକୁ ଏକ ଅତ୍ୟାଧୁନିକ ପରିବେଶ(ବିଦେଶ)ର ଭ୍ରମ ମଧ୍ୟ ସୃଷ୍ଟି କରୁଛି। ଏ ସମ୍ପର୍କରେ ବାର୍ବିକ୍ୟୁ ନେସନ୍ ହସ୍ପିଟାଲିଟିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଫେଜ୍ ଅଜିମ୍ କହିଛନ୍ତି, କଟକଠାରେ ଏଭଳି ଏକ ଆଉଟ୍ଲେଟ୍ ହୋଇଥିବାରୁ ମଁୁ ବହୁତ ଖୁସି। ଗ୍ରାହକମାନଙ୍କୁ ଏହାର ପରିବେଶ ଅତ୍ୟନ୍ତ ଉସତ୍ାହିତ କରିବ। ଗ୍ରାହକମାନେ ଏଠାରୁ କେବେ ନିରାଶ ହୋଇ ଯିବେ ନାହିଁ। ୬ ବର୍ଷରୁ କମ୍ ଶିଶୁମାନଙ୍କ ପାଇଁ ମାଗଣା ଖାଦ୍ୟର ବ୍ୟବସ୍ଥା ରହିଥିବା ବେଳେ ଛାତ୍ରୀଛାତ୍ରୀଙ୍କ ପାଇଁ ମଧ୍ୟ ରିହାତି ବ୍ୟବସ୍ଥା ରହିଛି। ସେମାନେ ନିଜ ଆଇ କାର୍ଡ ଦେଖାଇ ଏହାର ସୁବିଧା ମଧ୍ୟ ପାଇପାରିବେ। ସମଗ୍ର ଭାରତରେ ବାର୍ବିକ୍ୟୁ ନେସନ୍ର ୨୦୦ଟି ଆଉଟ୍ଲେଟ୍ ଅଛି। ବାର୍ବିକ୍ୟୁ ନେସନ ଏହାର ବୁଫେଟ୍ରେ ଆମିଷ ଏବଂ ନିରାମିଷ ଖାଦ୍ୟରେ ବିଭିନ୍ନ ପ୍ରକାର ଖାଦ୍ୟ ଅନ୍ତର୍ଭୁକ୍ତ କରିଥାଏ।
