ଚିଟ୍ଟାଗଙ୍ଗ, ୧୯ା୩ (ଏପି): ଶ୍ରୀଲଙ୍କା ବିପକ୍ଷ ତୃତୀୟ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚ୍ରେ ବାଂଲାଦେଶ ୪ ଉଇକେଟରେ ବିଜୟ ହାସଲ କରିଛି। ଦଳ ଏଥିସହିତ ୩ ମ୍ୟାଚ ବିଶିଷ୍ଟ ସିରିଜକୁ ୨-୧ରେ ଜିତି ନେଇଛି। ସୋମବାର ଖେଳାଯାଇଥିବା ଏହି ମ୍ୟାଚରେ ପ୍ରଥମେ ବ୍ୟାଟିଂ କରିଥିବା ଶ୍ରୀଲଙ୍କା ୫୦ଓଭରରେ ୨୩୫ରନ କରି ଅଲଆଉଟ ହୋଇଯାଇଥିଲା। ଦଳ ପକ୍ଷରୁ ଜାନିଥ ଲିୟାନେଗ୍ ତାଙ୍କ ପ୍ରଥମ ଟେଷ୍ଟ ଶତକ ହାସଲ କରିଥିଲେ। ସେ ୧୦୨ ବଲ୍ରୁ ୧୦୧ ରନ୍ କରିଥିଲେ। ଜବାବରେ ବାଂଲାଦେଶ ୯.୪ ଓଭର ବାକିଥାଇ ୬ ଉଇକେଟ ବିନିମୟରେ ମ୍ୟାଚ ଜିତି ନେଇଥିଲା। ଆଘାତପ୍ରାପ୍ତ ସୌମ୍ୟ ସରକାରଙ୍କ ବଦଳରେ ଖେଳିବାକୁ ଆସିଥିବା ତାନ୍ଜିଦ୍ ହସନଙ୍କ ୮୪ ରନ ମ୍ୟାଚର ଏକ ଉଲ୍ଲେଖନୀୟ ଘଟଣା। ଏକ ବାଉଣ୍ଡରି ସେଭ୍ କରିବାକୁ ଯିବା ବେଳେ ଗ୍ରାଉଣ୍ଡରେ ମୁଣ୍ଡ ବାଜି ଆଘାତପ୍ରାପ୍ତ ହେବା ସହ ସୌମ୍ୟଙ୍କ ମୁଣ୍ଡରେ ଯନ୍ତ୍ରଣା ଏବଂ ଦୃଷ୍ଟିଶକ୍ତିରେ ସମସ୍ୟା ଦେଖାଦେଇଥିଲା। ତାଙ୍କ ବଦଳ ଖେଳାଳି ହିସାବରେ ଦଳରେ ସ୍ଥାନ ପାଇଥିବା ତାନ୍ଜିଦ୍ ଉପଯୋଗୀ ସାବ୍ୟସ୍ତ ହୋଇଥିଲେ। ସେ ତାଙ୍କ ଇନିଂସରେ ୯ ଚୌକା ଓ ୪ ଛକା ଲଗାଇଥିଲେ। ତାନଜିଦ୍ଙ୍କ ପରେ ରିଶାଦ ହୋସେନ ବ୍ୟାଟିଂରେ ଯୋଗ ଦେଇଥିଲେ। ଏହି ମ୍ୟାଚ ପାଇଁ ଯେଉଁ ୩ଜଣ ବଦଳ ଖେଳାଳି ଭାବେ ଦଳରେ ସ୍ଥାନ ପାଇଥିଲେ ସେମାନଙ୍କ ମଧ୍ୟରେ ସେ ଅନ୍ୟତମ ଥିଲେ। ୧୮ଟି ବଲ୍ରୁ ୫ ଚୌକା ଓ ୪ ଛକା ସହ ୪୮ ରନ କରି ଅପରାଜିତ ରହିଥିଲେ। ବାଂଲାଦେଶ ୬ ଉଇକେଟ ବିନିମୟରେ ୨୩୭ ରନ କରି ମ୍ୟାଚ ଜିତି ନେଇଥିଲା। ସିରିଜର ପ୍ରଥମ ମ୍ୟାଚ୍କୁ ବାଂଲାଦେଶ ୬ ଉଇକେଟରେ ଜିତି ନେଇଥିବା ବେଳେ ପରବର୍ତ୍ତୀ ମ୍ୟାଚ ୩ ଉଇକେଟରେ ଜିତି ଶ୍ରୀଲଙ୍କା ସିରିଜକୁ ବରାବର ସ୍ଥିତିକୁ ନେଇ ଆସିଥିଲା।
