ମୂଳ ଖାତାକୁ ଫେରିଲା ୫. ୭୮ ଡିସିମିଲ ବିକ୍ରି ଜମି

ରାଜନଗର, ୪ା୧୦(ଭାସ୍କର ରାଉତରାୟ)ମୃତ ବ୍ୟକ୍ତିଙ୍କୁ ଜୀବତ ଦର୍ଶାଇ ଭୂତ ବିକିଥିବା ଜମି ଘଟଣାର ରହସ୍ୟ ଉପରୁ ପରଦା ହଟିଛି। କେନ୍ଦ୍ରାପଡ଼ା ଜିଲାପାଳ, ଅତିରିକ୍ତ ଜିଲାପାଳ, ଉପଜିଲାପାଳ, କେନ୍ଦ୍ରାପଡ଼ା ଏସ୍‌ପିଙ୍କ ଜମି ମାଲିକ ମୃତ ଉପେନ୍ଦ୍ର ଖିଲାରଙ୍କ ଝିଅ ମଞ୍ଜୁଲତା ଖିଲାର ଦ୍ୱାରସ୍ଥ ହେବା ପରେ ଜିଲା ପ୍ରଶାସନ ଦୃଢ କାର୍ଯ୍ୟାନୁଷ୍ଠାନ ନେଇଛି। ରାଜନଗର ଉପନିବନ୍ଧକଙ୍କ କାର୍ଯ୍ୟାଳୟରେ ୨୫ ବର୍ଷ ତଳେ ମୃତ୍ୟୁବରଣ କରିଥିବା ବ୍ୟକ୍ତି ଜମି ବିକ୍ରି ଘଟଣାରେ ବଡ କାର୍ଯ୍ୟାନୁଷ୍ଠାନ ନିଆଯାଇଛି। ଜମି ବିକିଥିବା ଲୋକ ନକଲି, ଜମିର ପ୍ରକୃତ ମାଲିକ ୨୫ ବର୍ଷ ତଳୁ ମୃତ୍ୟୁବରଣ କରିଥିବା ପ୍ରଶାସନ ସ୍ପଷ୍ଟ ହେବା, ପ୍ରମାଣ ପାଇବା ପରେ ୨ଟି ଦଲିଲ ଓ ମ୍ୟୁଟେସନକୁ ଖାରଜ କରାଯାଇ ମୂଳ ଖାତାକୁ ଜମି ଫେରାଇ ଅଣାଯାଇଛି।
ରାଜନଗର ତହସିଲ ଅନ୍ତର୍ଗତ ଭାଟପଡା ମୌଜାର ଖାତା ନଂ. ୮ , ପ୍ଲଟ ନଂ. ୧୬୫ ରକବା ୫ ଏକର ୭୮ ଡିସିମିଲ ଜମି ମାଲିକ ଭଦ୍ରକ ଜିଲା ସାହାଡାକଚେରୀ ସାହିର ଉପେନ୍ଦ୍ର ଖିଲାର। ଉପେନ୍ଦ୍ର ୧୯୯୮ରେ ମୃତ୍ୟୁବରଣ କରିସାରିଛନ୍ତି। ୨୦୨୩ ମେ ୨ରେ ଭଦ୍ରକ ଜିଲା ଜାଗୁଳା ଗାଁର କାର୍ତ୍ତିକ ଖିଲାର ନିଜକୁ ଉପେନ୍ଦ୍ର ଖିଲାର ବୋଲି ଦର୍ଶାଇ ଏହି ୫ ଏକର ୭୮ ଡିସିମିଲ ଜମିକୁ ରାଜନଗର ଥାନା ଅନ୍ତର୍ଗତ କୁଶାଇଲୋ ଗାଁର କ୍ଷୀରୋଦ କୁମାର ରାଉତରାୟଙ୍କ ପତ୍ନୀ ରାଧାରାଣୀ ରାଉଳଙ୍କୁ ବିକ୍ରି କରି ଦେଇଛନ୍ତି। କାର୍ତ୍ତିକ ଖିଲାର ନିଜର ଆଧାରକାର୍ଡକୁ ନକଲ କରି ଉପେନ୍ଦ୍ର ଖିଲାର ନଁାରେ ଆଧାରକାର୍ଡ ପ୍ରସ୍ତୁତ କରି ଏହି ଜମି ବିକ୍ରି କରି ଦେଇଥିଲେ। ପ୍ରକୃତ ଜମି ମାଲିକ ମୃତ ଉପେନ୍ଦ୍ରଙ୍କ ଝିଅ ମଞ୍ଜୁଲତା ଏହା ଜାଣିବା ପରେ ଥାନା ଓ ତହସିଲରେ ଅଭିଯୋଗ କରିଥିଲେ। ଏହି ଘଟଣାରେ ଭଦ୍ରକ ଓ ଚାନ୍ଦବାଲି ତହସିଲର ଚିଠି ଜମି ହଡପ ପାଇଁ ହୋଇଥିବା ଯୋଜନାବଦ୍ଧ ଷଡଯନ୍ତ୍ରକୁ ସ୍ପଷ୍ଟ କରିଥିଲା। ଭଦ୍ରକ ତହସିଲ ପକ୍ଷରୁ ଦିଆଯାଇଥିବା ଚିଠିରେ ସାହାଡାକଚେରୀ ସାହିର ଉପେନ୍ଦ୍ର ଖିଲାର ଦୀର୍ଘବର୍ଷ ତଳୁ ମୃତ୍ୟୁ ବରଣ କରି ସାରିଛନ୍ତି। ସେ କଲିକତାରେ ରହୁଥିଲେ ଓ କଲିକତାରେ ମୃତ୍ୟୁବରଣ କରି ସାରିଛନ୍ତି ବୋଲି ଦର୍ଶାଯାଇଥିଲା। ୧୯୬୮ରେ ଉପେନ୍ଦ୍ର ଖିଲାର ଏହି ଜମିକୁ କିଣିଥିଲେ। ସେତେବେଳେ ତାଙ୍କର ବୟସ ୪୦ବର୍ଷ ଥିଲା। ଅର୍ଥାତ୍‌ ବର୍ତ୍ତମାନ ତାଙ୍କର ବୟସ ୯୫ ବର୍ଷ ହୋଇଥାନ୍ତା। ମାତ୍ର ଜମି ବିକିଥିବା ନକଲି କାର୍ତ୍ତିକ ଖିଲାରଙ୍କ ବୟସ ୬୯ବର୍ଷ ଦଲିଲରେ ଉଲ୍ଲେଖ ରହିଛି। ଏହାବାଦେ ଚାନ୍ଦବାଲି ତହସିଲ ପକ୍ଷରୁ ଯେଉଁ ନୋଟିସ ଜାଗୁଳା ଗାଁକୁ ପଠାଯାଇଥିଲା। ଜାଗୁଳା ଗାଁରେ ଉପେନ୍ଦ୍ର ଖିଲାର ନାଁରେ କେହି ନ ଥିବା ତହସିଲ କର୍ମଚାରୀ ଓ ଜାଗୁଳା ଗାଁର ପୋଷ୍ଟ ମାଷ୍ଟର ଲିଖିତ ଭାବେ ରାଜନଗର ତହସିଲକୁ ଜଣାଇଛନ୍ତି। ଜାଗୁଳା ଗାଁରେ ଉପେନ୍ଦ୍ର ଖିଲାର ନାଁରେ କେହି ବ୍ୟକ୍ତି ନ ଥିବା ବେଳେ ଜାଗୁଳା ଗାଁର ଉପେନ୍ଦ୍ର ଖିଲାର ଜମି ବିକି ଥିବାରୁ ଉପେନ୍ଦ୍ର ଯେ ନକଲି ତାହା ତହସିଲଦାର ଓ ପ୍ରଶାସନ ନିଶ୍ଚିନ୍ତ ହୋଇଥିଲେ। ସବ୍‌ରେଜିଷ୍ଟାର କ୍ରେତା, ବିକ୍ରେତା, ସାକ୍ଷୀ, ଚିହ୍ନଟି ହାଜର ହୋଇ ନ ଥିଲେ ମଧ୍ୟ ଭଦ୍ରକ ଓ ଚାନ୍ଦବାଲି ତହସିଲର ଚିଠି ପରେ ଉପେନ୍ଦ୍ର ଖିଲାର ମୃତ ଏହା ସତ। ସେହି ଆଧାରରେ ହୋଇଥିବା କବଲାକୁ ବାତିଲ କରି ମୂଳ ଖାତାକୁ ଜମି ଫେରାଇ ଆଣିବାକୁ ଜିଲା ପ୍ରଶାସନକୁ ରିପୋର୍ଟ ଦେଇଥିଲେ। କେନ୍ଦ୍ରାପଡ଼ା ଉପଜିଲାପାଳଙ୍କ କୋର୍ଟରେ ମ୍ୟୁଟେସନ କେସ୍‌ ନଂ. ୧୮୦୧/୨୩ ଓ ୧୮୦୨/୨୩କୁ ଖାରଜ କରାଯାଇ ମୂଳ ଖାତା ଭାଟପଡା ମୌଜାର ଖାତା ନଂ. ୮, ପ୍ଲଟ ନଂ. ୧୬୫ରେ ଦରଜ କରିବା ପାଇଁ ରାଜନଗର ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି। ଭୂତ ଜମି ବିକ୍ରି ଘଟଣାରେ ଦୁଇଟି ଦଲିଲ ହୋଇଥିଲା। ପ୍ରତ୍ୟେକ ଦଲିଲ ୨ ଏକର ୮୯ ଡିସିମିଲ ଲେଖାଏ ହୋଇଥିଲା। ଏହାକୁ ମ୍ୟୁଟେସନ କରି ନୂଆ ଖାତା ୧୭୪/୨୩୮ ଓ ୧୭୪/୨୩୯ ହୋଇଥିଲା। ରାଜନଗର ତହସିଲ ପକ୍ଷରୁ ଏହାକୁ ଖାରଜ କରାଯାଇ ମୂଳ ଖାତା ୮ ଓ ପ୍ଲଟ ନଂ. ୧୬୫କୁ ୫ ଏକର ୭୮ ଡିସିମିଲ ଜମି ଫେରାଇ ଅଣାଯାଇଛି ବୋଲି ରାଜନଗର ତହସିଲଦାର ଅଶ୍ୱିନୀ କୁମାର ଭୂୟାଁ ସୂଚନା ଦେଇଛନ୍ତି। ଭୁତ ଜମି ବିକ୍ରି ଘଟଣା ରାଜନଗର ତହସିଲ ପାଇଁ ଅପବାଦ ଆଣିଥିଲା। ରାଜନଗର ତହସିଲଦାର ଭୂତ ଜମି ବିକ୍ରି ଘଟଣା ଜାଣିବା ପରେ ଏ ନେଇ ନିଜ ପକ୍ଷରୁ କାର୍ଯ୍ୟାନୁଷ୍ଠାନକୁ ତ୍ୱରାନ୍ବିତ କରିଥିଲେ। ମାତ୍ର ୪ ମାସ ମଧ୍ୟରେ ଭୂତ ଜମି ବିକିବା ଦୁଇଟି ଦଲିଲକୁ ଖାରଜ କରାଯାଇ ମୂଳ ଖାତାକୁ ଜମି ଫେରିଛି।


Enter your email to get our daily news in your inbox.

All Right Reserved By Dharitri.Com

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

ହକି ଇଣ୍ଡିଆ ନିର୍ବାଚନ ସ୍ଥଗିତ: ଅନ୍ତରୀଣ ରହିତାଦେଶ ହଟାଇବାକୁ ହୋଇଥିବା ଆବେଦନ ଖାରଜ କଲେ ହାଇକୋର୍ଟ

କଟକ,୧୮।୧୧: ହକି ଇଣ୍ଡିଆ ନିର୍ବାଚନ ପ୍ରକ୍ରିୟାକୁ ସ୍ଥଗିତ ରଖିଛନ୍ତି ମାନ୍ୟବର ଓଡ଼ିଶା ହାଇକୋର୍ଟ । ନିର୍ବାଚନ ଉପରେ ପୂର୍ବରୁ ଲାଗିଥିବା ଅନ୍ତରୀଣ ରହିତାଦେଶକୁ ପ୍ରତ୍ୟାହାର କରିବା ପାଇଁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?