Posted inଖେଳ

ସେମିରେ ଆଜାରେଙ୍କା, ରିବାକିନା

ମେଲବୋର୍ନ,୨୫ା୧(ପି.ଟି.): ଚଳିତ ବର୍ଷର ପ୍ରଥମ ଟେନିସ୍‌ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ ମହିଳା ସିଙ୍ଗଲ୍ସ ସେମିରେ ପ୍ରବେଶ କରିଛନ୍ତି ଭିକ୍ଟୋରିଆ ଆଜାରେଙ୍କା ଓ ଏଲିନା ରିବାକିନା। ସେହିପରି ପୁରୁଷ ସିଙ୍ଗଲ୍ସରେ ଷ୍ଟିଫାନୋସ୍‌ ସିତ୍‌ସିପାସ ଓ କାରେନ୍‌ ଖାଚାନୋଭ ସେମିରେ ପ୍ରବେଶ କରିଛନ୍ତି। ମହିଳା ସିଙ୍ଗଲ୍ସରେ ବିଶ୍ୱ ମାନ୍ୟତାର ୩ ନମ୍ବର ସ୍ଥାନରେ ଥିବା ଜେସିକା ପେଗୁଲାଙ୍କୁ ପରାସ୍ତ କରିଛନ୍ତି ୨୪ ନମ୍ବର ସ୍ଥାନରେ ଥିବା ଭିକ୍ଟୋରିଆ ଆଜାରେଙ୍କା। ପୂର୍ବତନ ବିଶ୍ୱ ମାନ୍ୟତାର ୧ ନମ୍ବର ଖେଳାଳି ତଥା ୨୦୧୨ ଓ ୨୦୧୩ରେ ଅଷ୍ଟ୍ରେଲିଆନ ଓପନ ବିଜୟୀ ଆଜାରେଙ୍କା ଅଲରାଉଣ୍ଡ ପ୍ରଦର୍ଶନ ସହିତ ବିଜୟୀ ହୋଇଥିଲେ। ୬-୪, ୬-୧ରେ ସେ ଏକପାଖିଆ ଭାବରେ ଏହି ମ୍ୟାଚ ଜିତି ନେଇଥିଲେ। ୩୩ ବର୍ଷୀୟା ତଥା ଗୋଟିଏ ସନ୍ତାନର ମା’ ଆଜାରେଙ୍କା ରଡ୍‌ ଲାଭେର ଆରେନାରେ ପ୍ୟାରିସ୍‌ ସେଣ୍ଟ ଜର୍ମେନ ଜର୍ସିରେ ପ୍ରବେଶ କରିଥିଲେ। ପ୍ରଥମ ୧୨ ମିନିଟରେ ସେ ୩-୦ରେ ବିଜୟୀ ହେବା ପରେ ଆଉ ପଛକୁ ଫେରି ନ ଥିଲେ। ଆକ୍ରମଣାତ୍ମକ ଖେଳ ପ୍ରଦର୍ଶନ କରିବା ସହ ଦୁଇ ସେଟ୍‌ରେ ମ୍ୟାଚ କରାୟତ୍ତ କରିବା ସହିତ ସେମିରେ ପ୍ରବେଶ କରିଥିଲେ। ସେହିଭଳି ଦ୍ୱିତୀୟ ସେମି ଫାଇନାଲରେ ବିଶ୍ୱ ମାନ୍ୟତାର ୨୨ ନମ୍ବର ଖେଳାଳି ତଥା ବର୍ତ୍ତମାନର ଫ୍ରେଞ୍ଚ ଓପନ ଚାମ୍ପିୟନ ୧୭ ନମ୍ବର ମାନ୍ୟତାରେ ଥିବା ଜେଲେନା ଓଷ୍ଟାପେଙ୍କୋଙ୍କୁ ପରାସ୍ତ କରିଛନ୍ତି। ୨୦୧୭ରେ ଫ୍ରେଞ୍ଚ ଓପନ ବିଜୟିନୀ ଓଷ୍ଟାପେଙ୍କୋଙ୍କୁ ୬-୨, ୬-୪ ସେଟ୍‌ରେ ପରାସ୍ତ କରିଛନ୍ତି ରିବାକିନା। ବର୍ଷା କାରଣରୁ ଏହି ମ୍ୟାଚ୍‌ଟି ୨୦ ମିନିଟ ବିଳମ୍ବରେ ଆରମ୍ଭ ହୋଇଥିଲା। ପ୍ରଥମ ସେଟ୍‌ରେ ରିବାକିନା ୩୫ଟି ଏସ୍‌ ଜରିଆରେ ପ୍ରଭାବ ବିସ୍ତାର କରି ଖେଳିଥିଲେ। ମସ୍କୋରେ ଜନ୍ମିତ ରିବାକିନା ୨୦୧୮ରୁ କାଜାଖସ୍ତାନ ପକ୍ଷରୁ ଖେଳି ଆସୁଛନ୍ତି। ଭିକ୍ଟୋରିଆ ଆଜାରେଙ୍କା ଓ ଏଲିନା ରିବାକିନାଙ୍କ ମଧ୍ୟରେ ପ୍ରଥମ ସେମିଫାଇନାଲ ଖେଳାଯିବ।
କୋର୍ଡାଙ୍କ ଅଭିଯାନ ଶେଷ
ଚଳିତ ଅଷ୍ଟ୍ରେଲିଆନ ଓପନରେ ସମସ୍ତଙ୍କୁ ପ୍ରଭାବିତ କରିଥିବା ୨୨ ବର୍ଷୀୟ ସେବାଷ୍ଟିଆନ କୋର୍ଡାଙ୍କ ଅଭିଯାନ ମଙ୍ଗଳବାର ଶେଷ ହୋଇଛି। କାରେନ୍‌ ଖାଚାନୋଭଙ୍କ ବିପକ୍ଷ ପ୍ରଥମ କ୍ୱାର୍ଟରରେ କଚଟିରେ ଆଘାତ କାରଣରୁ ସେ ଓହରି ଯାଇଥିଲେ। ଆହତ ହୋଇ ଓହରିବା ପୂର୍ବରୁ କୋର୍ଡା ୭-୬(୫), ୬-୩ ଓ ୩-୦ରେ ପଛୁଆ ଥିଲେ। ମ୍ୟାଚ ପରେ କୋର୍ଡାଙ୍କ ପାଇଁ ତାଳି ବଜାଇବାକୁ ଦର୍ଶକଙ୍କୁ କହିଥିଲେ ଖାଚାନୋଭ। ବିଶ୍ୱ ମାନ୍ୟତାରେ ୧୮ ନମ୍ବର ସ୍ଥାନରେ ରହିଥିବା ଖାଚାନୋଭ ପ୍ରଥମ ସେମିରେ ଷ୍ଟିଫାନୋସ ସିତ୍‌ସିପାସଙ୍କୁ ଭେଟିବେ। ଦ୍ୱିତୀୟ କ୍ୱାର୍ଟର ଫାଇନାଲରେ ବିଶ୍ୱ ମାନ୍ୟତାର ୩ ନମ୍ବର ସ୍ଥାନରେ ରହିଥିବା ଗ୍ରୀସ୍‌ର ଷ୍ଟିଫାନୋସ୍‌ ସିତ୍‌ସିପାସ ୬-୩, ୭-୬(୫) ଓ ୬-୪ ସେଟ୍‌ରେ ଅଣ ସିଡେଡ ଚେକ୍‌ ରିପବ୍ଲିକ୍‌ର ଜିରି ଲେହେକାଙ୍କୁ ପରାସ୍ତ କରିଛନ୍ତି। ବୁଧବାର ଆମେରିକୀୟ ଟମି ପଲ୍‌ ଓ ବେନ୍‌ ଶେଲଟନ୍‌ ଏବଂ ନୋଭାକ୍‌ ଜୋକୋଭିଚ୍‌ ଓ ଆଣ୍ଡି ରୁବଲେଭଙ୍କ ମଧ୍ୟରେ ଯଥାକ୍ରମେ ତୃତୀୟ ଓ ଚତୁର୍ଥ କ୍ୱାର୍ଟର ଫାଇନାଲ ଖେଳାଯିବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଭାରତରେ ବିବାହ କରିବେ ଏହି ପାକିସ୍ତାନ କ୍ରିକେଟର

ଇସଲମାବାଦ, ୩୦।୭: ଭାରତୀୟ ଟେନିସ ଷ୍ଟାର୍‌ ସାନିଆ ମିର୍ଜାଙ୍କ ପରେ ଆର ଜଣେ ଭାରତୀୟ ଯୁବତୀ ପାକିସ୍ତାନ କ୍ରିକେଟରଙ୍କୁ ବିବାହ କରିବାକୁ ଯାଉଛନ୍ତି। ହରିୟାଣାର ନୁଁହ...

ଫ୍ରେଞ୍ଚ୍‌ ଓପନ୍‌ ସେପ୍ଟେମ୍ବରକୁ ଘୁଞ୍ଚିଲା

ପ୍ୟାରିସ, ୧୮ା୩ (ଏଏଫ୍‌ପି)-କରୋନା ଭାଇରସ ସଂକ୍ରମଣକୁ ଦୃଷ୍ଟିରେ ରଖି ଫ୍ରେଞ୍ଚ ଓପନ ଗ୍ରାଣ୍ଡସ୍ଲାମ ଟେନିସ ପ୍ରତିଯୋଗିତାକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି। ଏହା ସେପ୍ଟେମ୍ବର ୨୦ରୁ...

ଲାରାଙ୍କୁ ପଛରେ ପକାଇଲେ ହୋଲ୍ଡର

ସାଉଥାମ୍ପଟନ, ୧୩।୭- କରୋନା ଲାଗି ଦୀର୍ଘ ୪ ମାସ ପରେ ଅନ୍ତର୍ଜାତୀୟ କ୍ରିକେଟ୍‌ ପ୍ରତ୍ୟାବର୍ତ୍ତନ କରିଥିବାବେଳେ ଘରୋଇ ଇଂଲଣ୍ଡକୁ ପ୍ରଥମ ଟେଷ୍ଟରେ ୪ ଉଇକେଟ୍‌ରେ ପରାସ୍ତ...

ଶୀର୍ଷରେ ପହଞ୍ଚିଲା ଗୁଜରାଟ

ମୁମ୍ବାଇ, ୧୪ା୪: ଇଣ୍ଡିଆନ ପ୍ରିମିୟର ଲିଗ୍‌ର ଗୁରୁବାର ଅନୁଷ୍ଠିତ ମ୍ୟାଚରେ ଗୁଜରାଟ ଟାଇଟାନ୍ସ ୩୭ ରନରେ ରାଜସ୍ଥାନ ରୟାଲ୍ସକୁ ପରାସ୍ତ କରିଛି। ଏଥିସହ ହାର୍ଦ୍ଦିକ ପାଣ୍ଡ୍ୟାଙ୍କ...

ଅଦିତି, ସାର୍ଥକ, ଅଙ୍କିତ, ଅର୍ଣ୍ଣବ ଚାମ୍ପିୟନ୍‌

ଭୁବନେଶ୍ୱର,୨୬ା୧୨(ସ୍ପୋଟର୍‌ସ ବ୍ୟୁରୋ): ପ୍ରଥମ ପ୍ରସନ୍ନ କୁମାର ମଲ୍ଲିକ ଶିଶୁ ସ୍ମୃତି ଚେସ୍‌ ଚାମ୍ପିୟନଶିପ୍‌ରେ ବିଭିନ୍ନ ବୟସ ବର୍ଗରେ ଅଦିତି, ସାର୍ଥକ, ଅଙ୍କିତ, ଅର୍ଣ୍ଣବ ଚାମ୍ପିୟନ୍‌ ଆଖ୍ୟା...

ସଫଳତା ପାଇଁ ରିଡ୍‌ଙ୍କ ଗୁରୁମନ୍ତ୍ର

ଭୁବନେଶ୍ୱର ଓ ରାଉରକେଲାରେ ଆସନ୍ତା ଜାନୁୟାରୀ ୧୩ରୁ ୨୯ ଯାଏ ଆୟୋଜିତ ହେବାକୁ ଥିବା ପୁରୁଷ ହକି ବିଶ୍ୱକପ୍‌ ପୂର୍ବରୁ ଭାରତୀୟ ହକି ଦଳକୁ ଗୁରୁମନ୍ତ୍ର...

ରାବାଡା ନୋର୍ଜେ ପହଞ୍ଚିଲେ, ଓପନିଂ ମ୍ୟାଚ ଖେଳିବେନି

ମୁମ୍ବାଇ, ୭ା୪(ପି.ଟି.)- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଖେଳିବା ଲାଗି ଦିଲ୍ଲୀ କ୍ୟାପିଟାଲ୍ସ ପେସ୍‌ ବୋଲର କାଗିସୋ ରାବାଡା ଓ ଆନରିଚ୍‌ ନୋର୍ଜେ ମଙ୍ଗଳବାର ଏଠାରେ...

ସାଙ୍ଗାକାରାଙ୍କୁ ଏମ୍‌ସିସି ଦଳର ନେତୃତ୍ୱ

ଲଣ୍ଡନ, ୩୦।୧ (ପି.ଟି.)- କ୍ରିକେଟ୍‌ ନିୟମର ପ୍ରଣେତା ମେରିଲବୋନ କ୍ରିକେଟ୍‌ କ୍ଲବ (ଏମ୍‌ସିସି) ୩ ମ୍ୟାଚ୍‌ବିଶିଷ୍ଟ ଟି୨୦ ମ୍ୟାଚ୍‌ ଖେଳିବା ଲାଗି ପାକିସ୍ତାନ ଗସ୍ତରେ ଯିବ।...

Advertisement
Archives

Model This Week