ବଡ଼ ପରଦାରେ ଏଣ୍ଟ୍ରି କରିବେ ଅବିକା
6:17 pmJanuary 22, 2021January 22, 2021 / 43

ଛୋଟ ପରଦାରେ ପ୍ରସାରିତ ଧାରାବାହିକ ‘ବାଲିକା ବଧୂ’ରେ ଆନନ୍ଦୀ ଚରିତ୍ରରେ ଅଭିନୟ କରି ଘରେ ଘରେ ପରିଚିତ ହୋଇଥିବା ଅଭିନେତ୍ରୀ ଅବିକା ଗୌର ଏବେ ଚର୍ଚ୍ଚାରେ ରହିଛନ୍ତି। ସେ ଚର୍ଚ୍ଚାରେ ରହିବାର କାରଣ ହେଉଛି ତାଙ୍କର ଆଗାମୀ ଫିଲ୍ମ। ନିକଟରେ ଅବିକା ଇନ୍‌ଷ୍ଟାଗ୍ରାମ୍‌ରେ ନିଜର ୨ଟି ଫଟୋ ଶେୟାର କରିଛନ୍ତି। କ୍ୟାପଶନରେ ସେ ଲେଖିଛନ୍ତି, ଆରମ୍ଭ ହେଲା ଶୁଟିଂ। ଏହି ଫଟରେ ତାଙ୍କୁ ଧଳା ରଙ୍ଗର ଟପ୍‌ ଏବଂ ନୀଳ ରଙ୍ଗର ଜିନ୍ସ ପିନ୍ଧିଥିବାର ଦେଖିବାକୁ ମିଳୁଛି। ମାତ୍ର ତାଙ୍କ ମୁହଁରେ ଏକ ଭିନ୍ନ ଉତ୍ସାହ ଦେଖିବାକୁ ମିଳୁଛି। ଯାହା ପ୍ରମାଣ କରୁଛି ଯେ, ତାଙ୍କର ଆଗାମୀ ଫିଲ୍ମ ପାଇଁ ସେ ବହୁତ ଉତ୍ସାହିତ ଅଛନ୍ତି। ତାଙ୍କର ଆଗାମୀ ଫିଲ୍ମର ନାମ ହେଉଛି ‘କାହାନୀ ରବର ବ୍ୟାଣ୍ଡ୍‌ କି’। ଫିଲ୍ମର କାହାଣୀ ବନାରସର ଚତୁଃପାର୍ଶ୍ୱରେ ଘୁରି ବୁଲୁଛି। ଏହାର ଟିଜର କିଛି ଦିନ ପୂର୍ବେ ସେ ଶେୟାର କରିଥିଲେ। ଫିଲ୍ମର ପ୍ରମୁଖ ଅଭିନେତା ରୂପେ ଅବନ୍ତିକାଙ୍କ ସହ ମନୀଷ ରାୟସିଂଘାନିଙ୍କୁ ଦେଖିବାକୁ ମିଳିବ। ଏହି ଯୋଡି ପୂର୍ବରୁ ଧାରାବାହିକ ‘ଶଶୁରାଲ ସିମର କି’ରେ ଅଭିନୟ କରିଥିଲେ।