ସିଡ୍ନୀ, ୩ା୧୨: ପାକିସ୍ତାନ ବିପକ୍ଷ ୩ ମ୍ୟାଚ ବିଶିଷ୍ଟ କ୍ରିକେଟ ଟେଷ୍ଟ ସିରିଜj ପ୍ରଥମ ମ୍ୟାଚ ପାଇଁ ଅଷ୍ଟ୍ରେଲିଆ ଦଳରେ ଡେଭିଡ୍ ଓ୍ବାର୍ନରଙ୍କୁ ନିଆଯାଇଛି। ସିଡ୍ନୀ କ୍ରିକେଟ ଗ୍ରାଉଣ୍ଡ (ଏସ୍ସିଜି)ରେ ଓ୍ବାର୍ନରଙ୍କ ସମ୍ଭବତଃ ଏହା ଫେୟାରଓ୍ବେଲ ମ୍ୟାଚ ହେବ ବୋଲି ଆଶା କରାଯାଉଛି।
ପର୍ଥରେ ପ୍ରଥମ ଟେଷ୍ଟ ମ୍ୟାଚ ଡିସେମ୍ବର ୧୪ରୁ ୧୯ ପର୍ଯ୍ୟନ୍ତ ଖେଳାଯିବ। ୩୭ବର୍ଷୀୟ ଓପନରଙ୍କୁ କେବଳ ପ୍ରଥମ ଟେଷ୍ଟ ପାଇଁ ମନୋନୀତ କରାଯାଇଛି। ଓ୍ବାର୍ନରଙ୍କୁ ଯଦି ବକ୍ସିଂ ଡେ’ରେ ମେଲବୋର୍ନ କ୍ରିକେଟ ଗ୍ରାଉଣ୍ଡ (ଏମ୍ସିଜି)ରେ ଆରମ୍ଭ ହେବାକୁ ଥିବା ଦ୍ୱିତୀୟ ଟେଷ୍ଟରେ ଖେଳାଯାଏ ତେବେ ତାଙ୍କୁ ଜାନୁୟାରୀ ୩ରୁ ୭ ପର୍ଯ୍ୟନ୍ତ ସିଡ୍ନୀସ୍ଥିତ ତାଙ୍କ ଘରୋଇ ଗ୍ରାଉଣ୍ଡରେ ହେବାକୁ ଥିବା ତୃତୀୟ ଟେଷ୍ଟ ପାଇଁ ଦଳରେ ସ୍ଥାନ ମିଳିବ। ସେଠାରେ ତାଙ୍କୁ ଡ୍ରିମ୍ ଫେୟାରଓ୍ବେଲ ଦିଆଯିବ। ଅଷ୍ଟ୍ରେଲିଆ ଟେଷ୍ଟ ଦଳ: ପ୍ୟାଟ କୁମିନ୍ସ (ଅଧିନାୟକ), ସ୍କଟ ବୋଲାଣ୍ଡ, ଆଲେକ୍ସ କାରେ, କାମେରନ ଗ୍ରୀନ୍, ଜୋଶ ହାଜେଲ୍ଉଡ୍, ଟ୍ରାଭିସ୍ ହେଡ୍, ଉସ୍ମାନ ଖ୍ବାଜା, ମାର୍ନସ ଲାବୁସେନ୍, ନାଥାନ ଲିଅନ, ମିଚେଲ ମାର୍ଶ, ଲାନ୍ସ ମୋରିସ, ଷ୍ଟିଭ ସ୍ମିଥ୍, ମିଚେଲ ଷ୍ଟାର୍କ ଓ ଡେଭିଡ ଓ୍ବାର୍ନର।
