ମୁମ୍ବାଇ,୭।୧୧: ବିଶ୍ୱକପ ୨୦୨୩ର ୩୯ତମ ମ୍ୟାଚ ଆଫଗାନିସ୍ତାନ ଏବଂ ଅଷ୍ଟ୍ରେଲିଆ ମଧ୍ୟରେ ମୁମ୍ବାଇର ଓ୍ବଙ୍ଖଡେ ଷ୍ଟାଡିୟମରେ ଖେଳାଯାଉଛି। ଆଫଗାନିସ୍ତାନ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିବା ବେଳେ ଅଷ୍ଟ୍ରେଲିଆ ବୋଲିଂ କରିବାକୁ ପଡିଆକୁ ଓହ୍ଲାଇଛି।
ପ୍ରଥମ କିଛି ମ୍ୟାଚ ହାରିଯିବା ପରେ ଆଫଗାନିସ୍ତାନ ଦଳ ବହୁତ ଭଲ ଫର୍ମରେ ଅଛି। ଦଳ ଶେଷ ପାଞ୍ଚଟି ମ୍ୟାଚ ମଧ୍ୟରୁ ଚାରିଟିରେ ଜିତିଛି। ଏଥି ସହିତ ଅଷ୍ଟ୍ରେଲିଆ ପ୍ରଥମ ଦୁଇଟି ମ୍ୟାଚ ହାରିଯିବା ପରେ ଲଗାତାର ପାଞ୍ଚଟି ମ୍ୟାଚ ଜିତିଛି। ଏଭଳି ପରିସ୍ଥିତିରେ ସେମିଫାଇନାଲରେ ପ୍ରବେଶ କରିବାକୁ ଉଭୟ ଦଳ ମଧ୍ୟରେ କଡ଼ା ପ୍ରତିଯୋଗିତା ହେବ।
ଅଷ୍ଟ୍ରେଲିଆ: ଟ୍ରାଭିସ ହେଡ, ଡେଭିଡ ୱାର୍ନର, ମିଚେଲ ମାର୍ଶ, ମାର୍ନସ ଲାବୁଶେନ, ଜୋଶ ଇଂଲିସ (ଉଇକେଟ୍ କିପର), ଗ୍ଲେନ ମ୍ୟାକ୍ସୱେଲ, ମାର୍କସ ଷ୍ଟୋଇନିସ, ପ୍ୟାଟ କମିନ୍ସ (ଅଧିନାୟକ), ମିଚେଲ ଷ୍ଟାର୍କ, ଏଡମ ଜାମ୍ପା, ଜୋଶ ହେଜଲଉଡ।
ଆଫଗାନିସ୍ତାନ: ରହମାନୁଲ୍ଲା ଗୁରୁବାଜ, ଇବ୍ରାହିମ ଜାଦରାନ, ରହମତ ଶାହା, ହସମୁତୁଲ୍ଲା ଶାହିଦି (ଅଧିନାୟକ), ଆଜମତୁଲ୍ଲା ଓମେରଜାଇ, ମହମ୍ମଦ ନବୀ, ଇକରାମ ଅଲିଖିଲ (ଉଇକେଟ୍ କିପର), ରସିଦ ଖାନ, ମୁଜିବ ଉର ରହମାନ, ନୁର ଅହମ୍ମଦ, ନବୀନ-ଉଲ-ହକ।
