ଫୁଲବାଣୀ,୧ା୩(ରାକେଶ କୁମାର ରାଉତ): କନ୍ଧମାଳ ଜିଲା ଫିରିଙ୍ଗିଆ ବ୍ଲକ୍ ଗୋଚ୍ଛାପଡ଼ା ଥାନା ଅଞ୍ଚଳରେ ଜଣେ ନାବାଳିକାଙ୍କୁ ତାଙ୍କ ସମ୍ପର୍କୀୟ ଅଜା ବଳାତ୍କାର ଉଦ୍ୟମ କରିଥିବା ଅଭିଯୋଗରେ ଗିରଫ ହୋଇଛନ୍ତି। ସେ ହେଲେ କେକେରିଙ୍ଗିଆ ଗ୍ରାମର ବିଜୟ ଦିଗାଲ (୬୦)।
ମିଳିଥିବା ସୂଚନା ମୁତାବକ, ୧୨ ବର୍ଷୀୟା ନାବାଳିକା ଜଣକ ଗତ ଶିବରାତ୍ରି ଦିନ ଗାଁ ମନ୍ଦିରକୁ ଯାଇଥିଲେ। ସେଠାରେ ପୂଜାର୍ଚ୍ଚନା କରୁଥିବା ବେଳେ ସମ୍ପର୍କୀୟ ଅଜା ଦେଖା ହୋଇଥିଲେ। ଘରେ ମା’ଙ୍କ ଦେହ ଭଲ ନାହିଁ କହି ଅଜା ତାଙ୍କୁ ସାଙ୍ଗରେ ଧରି ସିଧା ରାସ୍ତାରେ ନ ଆସି ଜଙ୍ଗଲ ଦେଇ ଗଲେ ଶୀଘ୍ର ପହଞ୍ଚତ୍ବା କହି ସେହି ବାଟରେ ନେଇଥିଲେ। କିଛି ଦୂର ଯିବା ପରେ ନାବାଳିକାଙ୍କୁ ସେ ବଳାତ୍କାର ଉଦ୍ୟମ କରିଥିଲେ। ନାବାଳିକା ଜଣଙ୍କ କୌଣସି ପ୍ରକାରେ ଖସି ଆସି ଘରେ ସବୁ କଥା କହିଥିଲେ।
ନାବାଳିକାଙ୍କ ବାପାଙ୍କ ପୂର୍ବରୁ ଦେହାନ୍ତ ହୋଇଛି। ମା’ ଅସୁସ୍ଥ ଅଛନ୍ତି ା ମାଉସୀ ଘଟଣାକୁ ନେଇ ଶନିବାର ଥାନାରେ ଏତଲା ଦେଇଥିଲେ। ପୋଲିସ ନଂ.୩୪/୨୬ରେ ମାମଲା ରୁଜୁ କରିଛି। ଅଭିଯୁକ୍ତ ବିଜୟଙ୍କୁ ଗିରଫ ପରେ କୋର୍ଟ ଚାଲାଣ କରାଯାଇଥିବା ଥାନାଧିକାରୀ ସଞ୍ଜିତ କୁମାର ବେହେରା ସୂଚନା ଦେଇଛନ୍ତି ା ସୂଚାନାଯୋଗ୍ୟ, ଘଟଣାଟିକୁ ଚପାଇ ଦେବାକୁ ଉଦ୍ୟମ ହୋଇଥିଲା।
