ନୂଆଦିଲ୍ଲୀ,୯।୧୦: ମୁଖ୍ୟ ନିର୍ବାଚନ କମିଶନର ରାଜୀବ କୁମାର ସୋମବାର ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ କେଉଁ ରାଜ୍ୟରେ କେତେ ଲୋକ ଭୋଟ ଦେବାକୁ ଯାଉଛନ୍ତି। ସେ କହିଛନ୍ତି ଯେ ଏଥର ୬୦ ଲକ୍ଷ ଯୁବ ଭୋଟର ପ୍ରଥମ ଥର ପାଇଁ ଭୋଟ ଦେବାକୁ ଯାଉଛନ୍ତି। ମିଜୋରାମରେ ସମୁଦାୟ ୮.୫୨ ଲକ୍ଷ ଭୋଟର ଅଛନ୍ତି। ଛତିଶଗଡରେ ୨.୦୩ କୋଟି ଭୋଟର, ମଧ୍ୟପ୍ରଦେଶରେ ୫.୬ କୋଟି ଭୋଟର, ରାଜସ୍ଥାନରେ ୫.୨୫କୋଟି ଭୋଟର ଏବଂ ତେଲେଙ୍ଗାନାରେ ୩.୧୭ କୋଟି ଭୋଟର ଅଛନ୍ତି।
ମୁଖ୍ୟ ନିର୍ବାଚନ କମିଶନର ରାଜୀବ କୁମାର କହିଛନ୍ତି ଯେ ପାଞ୍ଚଟି ରାଜ୍ୟରେ ୮.୨ କୋଟି ପୁରୁଷ ଭୋଟର ଅଛନ୍ତି। ସେ କହିଛନ୍ତି ଯେ ଅକ୍ଟୋବର ୧୭ରେ ଭୋଟର ତାଲିକା ପ୍ରକାଶ ପାଇବ, ଅକ୍ଟୋବର ୨୩ ପର୍ଯ୍ୟନ୍ତ ଭୋଟର ତାଲିକାରେ ସଂଶୋଧନ କରିିବାର ସୁଯୋଗ ମିଳିବ।
ନିର୍ବାଚନ ଆୟୋଗର ସାମ୍ବାଦିକ ସମ୍ମିଳନୀରେ ମୁଖ୍ୟ ନିର୍ବାଚନ କମିଶନର କହିଛନ୍ତି ଯେ ପାଞ୍ଚଟି ରାଜ୍ୟର ୬୭୯ ଟି ବିଧାନସଭା ଆସନରେ ୧.୭୭ ଲକ୍ଷ ମତଦାନ କେନ୍ଦ୍ର ନିର୍ମାଣ କରାଯିବ।
ରାଜୀବ କୁମାର କହିଛନ୍ତି ଯେ ୧୭,୭୩୪ ମଡେଲ ମତଦାନ କେନ୍ଦ୍ର ଏବଂ ୬୨୧ ମତଦାନ କେନ୍ଦ୍ରର ପରିଚାଳନା ଦାୟିତ୍ୱ ପିଡବ୍ଲୁଡି କର୍ମଚାରୀଙ୍କ ଉପରେ ରହିବ। ମହିଳାମାନେ ୮,୧୯୨ ମତଦାନ କେନ୍ଦ୍ରର ଦାୟିତ୍ୱ ନେବାକୁ ଯାଉଛନ୍ତି।
