ନୂଆଦିଲ୍ଲୀ,୫।୯: ଏସିଆ କପ ୨୦୨୩ରେ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ ୧୦ ସେପ୍ଟେମ୍ବରରେ ଖେଳାଯିବ। ଏହି ମ୍ୟାଚ ରବିବାର କଲମ୍ବୋରେ ଅନୁଷ୍ଠିତ ହେବ। କିନ୍ତୁ ବର୍ତ୍ତମାନ ଏହାର ସ୍ଥାନ ପରିବର୍ତ୍ତନ କରାଯାଇପାରେ। ବର୍ଷା ହେତୁ ମ୍ୟାଚ ହେମ୍ବନଟୋଟାକୁ ସ୍ଥାନାନ୍ତର ହୋଇପାରେ ବୋଲି କୁହାଯାଉଛି। ଏସିଆ କପ ୨୦୨୩ର ସୁପର ୪ର ଅନେକ ମ୍ୟାଚ ସ୍ଥାନାନ୍ତର କରାଯାଇପାରେ। ବର୍ଷା କାରଣରୁ ଭାରତ ଏବଂ ପାକିସ୍ତାନ ମଧ୍ୟରେ ଖେଳାଯାଇଥିବା ଗତ ମ୍ୟାଚ ଶେଷ ହୋଇପାରିନାହିଁ।
କଲମ୍ବୋ ଏବଂ କାଣ୍ଡିରେ ପ୍ରବଳ ବର୍ଷା ହେତୁ ଏହି ନିଷ୍ପତ୍ତି ନିଆଯାଇଛି। କାଣ୍ଡିର ପାଲ୍କେଲ ଷ୍ଟାଡିୟମରେ ଖେଳାଯାଇଥିବା ଉଭୟ ଭାରତର ମ୍ୟାଚ ବର୍ଷା ଦ୍ୱାରା ପ୍ରଭାବିତ ହୋଇଥିଲା। ଶନିବାର ଭାରତ ଏବଂ ପାକିସ୍ତାନ ମଧ୍ୟରେ ହୋଇଥିବା ମ୍ୟାଚରେ କେବଳ ଗୋଟିଏ ଇନିଂସ ଖେଳାଯାଇଥିବାବେଳେ ନେପାଳ ବିପକ୍ଷରେ ଭାରତର ମ୍ୟାଚ ମଧ୍ୟ ବର୍ଷା ଦ୍ୱାରା ପ୍ରଭାବିତ ହୋଇଛି।
