ଭୁବନେଶ୍ୱର,୨୧।୯ ରାଜ୍ୟର ଏକ ପ୍ରତିଷ୍ଠିତ ଅଳଙ୍କାର ପ୍ରତିଷ୍ଠାନ ଅରୁନ୍ଧତୀ ଜୁଏଲର୍ସ ପକ୍ଷରୁ ୪ର୍ଥ ବାର୍ଷିକ ଉସତ୍ବ ନିରାଡମ୍ବର ସହକାରେ ପାଳନ କରାଯାଇଛି। ଏହି ଅବସରରେ ଅରୁନ୍ଧତୀ ତା’ର ଅଗଣିତ ଗ୍ରାହକଙ୍କ ପାଇଁ ‘ବିଗ୍ ଆନିଭରସାରି ଅଫର’ ମଧ୍ୟ ପ୍ରଦାନ କରୁଛି। ଶତ ପ୍ରତିଶତ ବିଆଇଏସ୍ ସାର୍ଟିଫାଏଡ୍ ୯୧.୬ ହଲ୍ମାର୍କ ସୁନା ଅଳଙ୍କାରର ସୁନ୍ଦର କାରୁକାର୍ଯ୍ୟ ଉପରେ ପ୍ରତିଷ୍ଠାନ ୪୯୯ ଟଙ୍କାର ଫ୍ଲାଟ୍ ରିହାତି ଗ୍ରାହକମାନଙ୍କୁ ପ୍ରଦାନ କରୁଛି। ଏହି ଅଫର ସେପ୍ଟେମ୍ବର ୨୦ରୁ ୩୦ ପର୍ଯ୍ୟନ୍ତ ପ୍ରତିଷ୍ଠାନର ବିଭିନ୍ନ ସ୍ଥାନରେ ଥିବା ୫ଟି ଶୋ’ରୁମ୍ରେ ଉପଲବ୍ଧ ବୋଲି ଅରୁନ୍ଧତୀ ପକ୍ଷରୁ କୁହାଯାଇଛି। ସେହିଭଳି ଏହି ସମୟରେ ପ୍ରତି ହୀରା ଗହଣା (ଡାଇମଣ୍ଡ) କାରବାର ଉପରେ ୨୦% ପର୍ଯ୍ୟନ୍ତ ରିହାତି ଏବଂ ରୁପା ଗହଣାର ଗଢ଼ାମୂଲ୍ୟ ଉପରେ ୫୦% ପର୍ଯ୍ୟନ୍ତ ରିହାତି ଦିଆଯାଉଛି। ଏ ସମ୍ପର୍କରେ ଅରୁନ୍ଧତୀ ଗ୍ରୁପ୍ର ପରିଚାଳନା ନିର୍ଦ୍ଦେଶକ ବ୍ରହ୍ମାନନ୍ଦ ମେହେର କହିଛନ୍ତି, ଗ୍ରାହକ ୫ଷ୍ଟାର ପ୍ରମିଜ ଦ୍ୱାରା ସୁନାଗହଣା ଉପରେ ଲାଇଫ୍ ଟାଇମ ମାଗଣା ରିପେୟାରଂ ସେବା ତଥା ସୁନାଗହଣା ଉପରେ ମାଗଣା ବୀମା ସହିତ ସୁନାର ମାନ ଓ ଶୁଦ୍ଧତା ଯାଞ୍ଚ କରାଯାଉଛି। ଗ୍ରାହକଙ୍କୁ ପୁରୁଣା ଗହଣାର ଉଚିତ ମୂଲ୍ୟ ଯୋଗାଇଦେବା ପାଇଁ ଗୋଲ୍ଡ ଟେଷ୍ଟିଂ ମେଶିନ ଭଳି ସୁବିଧା ରହିଛି। ପ୍ରତି ଗହଣା କ୍ରୟ ଉପରେ ଶୋ’ରୁମ୍ ପକ୍ଷରୁ ଉପହାର ପ୍ରଦାନ କରାଯାଉଥିବା ମେହେର ସୂଚନା ଦେଇଛନ୍ତି। ସେହିପରି ଆଗାମୀ ପାର୍ବଣରେ ଅରୁନ୍ଧତୀ ବ୍ରହ୍ମପୁର ସହରରେ ଆଉ ଏକ ନୂତନ ଫ୍ଲାଗ୍ଶିପ୍ ଷ୍ଟୋରର ଶୁଭାରମ୍ଭ ସହ ଆକର୍ଷଣୀୟ ଅଫର ଗ୍ରାହକଙ୍କ ପାଇଁ ଆଣିଦେବ ବୋଲି ପ୍ରତିଷ୍ଠାନ ପକ୍ଷରୁ କୁହାଯାଇଛି।
