ବମ୍ବେ: ବଲିଉଡ୍ର ଚର୍ଚ୍ଚିତ ଲଭ୍ବାର୍ଡଙ୍କ ମଧ୍ୟରୁ ଅର୍ଜୁନ କପୁର- ମଲାଇକା ଅରୋରା ଅନ୍ୟତମ। ବୟସାଗତ ତଫାତ ଥିଲେ ହେଁ ଦୁହେଁ ଦୁହିଁଙ୍କୁ ବହୁତ ଭଲପାଆନ୍ତି। ଏହାର ଝଲକ ତାଙ୍କ ସୋସିଆଲ ମିଡିଆ ପୋଷ୍ଟ ନଚେତ କଥାବାର୍ତ୍ତାରୁ ସ୍ପଷ୍ଟ ବାରିହୁଏ। ନିକଟରେ ‘କଫି ଉଇଥ୍ କରନ୍’ ଶୋ’ରେ ସେଭଳି କିଛି ଦୃଶ୍ୟ ଦେଖିବାକୁ ମିଳିଛି।
ଶୋ’ରେ ପ୍ରତିଯୋଗୀ ଭାବେ ଅର୍ଜୁନ ଭଉଣୀ ସୋନମ କପୁରଙ୍କ ସହ ନଜର ଆସିବେ। ସେଠାରେ ସେ ପ୍ରେମିକାଙ୍କ ବିଷୟରେ ଅନେକ କିଛି କହିଛନ୍ତି। କରନ୍ ତାଙ୍କୁ ଫୋନ୍ରେ ମଲାଇକାଙ୍କ ନାଁ କେଉଁ ନାମରେ ସେଭ୍ କରିଛନ୍ତି ବୋଲି ପଚାରିଛନ୍ତି। ଏହାର ଜବାବରେ ଅର୍ଜୁନ କହିଛନ୍ତି, ମୋତେ ତାଙ୍କ ନାଁ ବହୁତ ପସନ୍ଦ, ମଲାଇକା। ଅର୍ଥାତ ସେ ମଲାଇକାଙ୍କ ଫୋନ୍ ନମ୍ବର ତାଙ୍କ ନାମରେ ହିଁ ରଖିଥିବା ସ୍ପଷ୍ଟ ହୋଇଛି।
କହିରଖୁଛୁ, ଅର୍ଜୁନ-ମଲାଇକା ପରସ୍ପରକୁ ଅନେକ ବର୍ଷ ଧରି ଡେଟ୍ କରି ଆସୁଛନ୍ତି। ସେମାନେ ବିବାହ କରି ସମ୍ପର୍କକୁ ନୂଆ ନାମ ଦେବେ ବୋଲି କୁହାଯାଏ। ହେଲେ ଏଯାବତ ସେ ଖୁସି ଖବର ପ୍ରଶଂସକଙ୍କୁ ମିଳିପାରିନାହିଁ। ଅପରପକ୍ଷେ ଅର୍ଜୁନଙ୍କଠାରୁ ମଲାଇକା ୧୨ ବର୍ଷ ବଡ଼ ହୋଇଥିବାରୁ ଉଭୟଙ୍କୁ ସୋସିଆଲ ମିଡିଆରେ ଟ୍ରୋଲ୍ ମଧ୍ୟ କରାଯାଉଛି।
